Myndin fjallar um væskilinn Marvin sem er því miður ekki með allt sem þarf til að láta æskudrauminn rætast, að verða lögga. En skyndilega dettur hann í lukkupottinn þegar hann slasast alvarlega í bílslysi og klikkaður læknir stelst til að nota líffæri úr dýrum til að lækna hann. Marvin er núna allur annar maður með þessi nýju líffæri og öðlast fljótt frægð sem ofurlögga. Núna gengur allt í haginn og hann er sannkölluð hetja, eða þar til dýraeðlið fer að taka stjórnina á líkama hans þegar hann á síst von á og á verstu mögulegu andartökum. Marvin reynir hvað hann getur að vera eðlilegur í kringum kærustu sína Rianna, þó að aðstæðurnar verði oft fáránlegar og gæti gert hvern mann og dýr brjálaðan.
Rob Schneider var góður í Deuce Bigalow en í þessari mynd fer hann aðeins aftur á bak, Survivor gellan er góð í þessari mynd og svo bregður fyrir Adam Sandler aðeins í endirinn sem er sn…
Rob Schneider var góður í Deuce Bigalow en í þessari mynd fer hann aðeins aftur á bak, Survivor gellan er góð í þessari mynd og svo bregður fyrir Adam Sandler aðeins í endirinn sem er snilld þar sem hann er aðal framleiðandi myndarinnar. Ágætis gamanmynd!
Loksins! Loksins! Bráðfyndin grínmynd með Rob Schneider, hann leikur frábærlega í myndinni. Hún fjallar um mann sem er lögregla en allir hata hann einn daginn þá hringir síminn til að til…
Loksins! Loksins! Bráðfyndin grínmynd með Rob Schneider, hann leikur frábærlega í myndinni. Hún fjallar um mann sem er lögregla en allir hata hann einn daginn þá hringir síminn til að tilkynna glæp og þar er hann einn á verði því allir hinir eru í hafnabolta og það er Rob Schneider. Þegar hann er á leiðini að reyna stöðva glæpinn þá lendir hann í bíllslysi og þar vaknar hann hjá vísindamanni eða eitthvað svoleiðis, vísindamaðurinn setir í hann allskonar líffæri úr dýrum. Frábær mynd, endirinn var frábær ég myndi segja að hvert einasta atriði væri fyndið. Þessi og Ace Ventura eru fyndnustu myndir sem ég hef séð, eða það held ég. Colleen Haskell leikur sitt hlutverk eins og það á að vera. Hún kom mér svolítið á óvart ég vissi að hún væri fyndin en ekki alveg svona fyndin. Ég myndi í þínum sporum myndi ég fara strax í bío og fara á mynd sem heitir The Animal. Góða skemmtun.
Þessi mynd kom mér ekki á óvart þar sem trailerinn i henni var nokkuð góður þetta var rosalega fyndin mynd og leikonana fallega Colleen Haskell kom mér hreint stórlega á óvart, þessi á…
Þessi mynd kom mér ekki á óvart þar sem trailerinn i henni var nokkuð góður þetta var rosalega fyndin mynd og leikonana fallega Colleen Haskell kom mér hreint stórlega á óvart, þessi á framtíð fyrir sér. Eins og ég segi, frábær mynd en mjög lélegur endir, alveg hreynt hrikalega lélegur en farið bara i bíó og dæmið sjálf.
Góð mynd þar sem Rob S. fer á kostum. Mörg góð atriði þar sem hann stílar sjálfan sig ! Stelpan úr Survivor leikur sitt hlutverk vel á allan hátt, 3 stjörnur...
Þessi mynd er tær snilld þar sem Rob Schneider fer með aðalhlutverkið í þessari mynd ern hann lenti í slysi og varð einhverneigin að DÝRI og þar sem hann er ekki einn á ferð er Collen H…
Þessi mynd er tær snilld þar sem Rob Schneider fer með aðalhlutverkið í þessari mynd ern hann lenti í slysi og varð einhverneigin að DÝRI og þar sem hann er ekki einn á ferð er Collen Haskell úr feyki vinsælu þáttunum Survivor (fyrri þáttunum) þar sem hún sér eitthvað við hann þegar hann er að gefa fuglum að borða mat úr kjaftinum og hún verður ástfangin af honum.Þessi mynd fær góða dóma hjá mér þar sem ég elska grínmyndir í hæsta gæðaflokki eins og þessi.
Í kvikmyndinni The Animal sannar Rob Schneider að hann á aðeins eina mynd í sér. Hann getur alltaf gert nýja og nýja mynd en í raun er það alltaf sama myndin. Þessi mynd er nefnilega næst…
Í kvikmyndinni The Animal sannar Rob Schneider að hann á aðeins eina mynd í sér. Hann getur alltaf gert nýja og nýja mynd en í raun er það alltaf sama myndin. Þessi mynd er nefnilega næstum því nákvæmlega eins og Deuce Bigalow í allri uppbyggingu og húmor. Bigalow var alveg sæmileg, þannig séð, en ekkert til að hrópa húrra fyrir og ekki mynd sem mig langaði til að sjá aftur en það er einmitt það sem ég gerði þegar ég fór á þessa mynd. Schneider leikur alltaf sama karakterinn, misheppnaður lúser og erkiklaufi sem aldrei tekst að gera neitt rétt fyrr en einhverjar ótrúlegar kringumstæður neyða hann til þess að standa sig í stykkinu. Maður hlær ekki mikið að þessari mynd, til þess er hún of illa úthugsuð en mesti gallinn við myndina kemur þegar um 20 mínútur eru eftir af myndinni. Þá kemur kafli sem ætlast til þess að þú gleypir svo stórum hlutum, og getir litið framhjá svo stórum götum í plottinu, að hugtakið suspension of disbelief tekur á sig nýja merkingu. Ég hreinlega gapti þegar ég sá hvað ætlast var til að ég liti framhjá. Það er engin afsökun að þetta sé bara meinlaus gamanmynd, allar myndir verða að fylgja einhverjum rökum og vera sjálfum sér samkvæmar og það tókst þessari mynd engan veginn. Því má segja, ef þér fannst trailerinn fyndinn þá ertu hvort eð er búinn að sjá allt fyndið í myndinni og það er betra að sjá bara Deuce Bigalow aftur.
Sæmileg gamanmynd í anda Deuce Bigalow þrátt fyrir að hin síðarnefnda sér dálítið betri (það er eitthvað óútskýranlega fyndið við Rob Schneider sem karlhóru). The Animal fjallar um…
Sæmileg gamanmynd í anda Deuce Bigalow þrátt fyrir að hin síðarnefnda sér dálítið betri (það er eitthvað óútskýranlega fyndið við Rob Schneider sem karlhóru). The Animal fjallar um aumingja sem vinnur við skrifstofustörf á lögreglustöð þar sem honum tekst ekki að standast inntökuprófið til þess að verða lögreglumaður. Dag einn lendir hann í ólíklegu bílslysi og slasast illa, en brjálaður vísindamaður finnur hann og bjargar honum með því að græða í hann hin ýmsustu líffæri úr dýrum. Fljótlega eftir aðgerðina fer hann að taka eftir ýmsum dýrslegum hvötum og er fljótar að koma sér í vandræði vegna þeirra. Myndin var nokkurn veginn eins og ég átti von á, nokkrir sæmilegir brandarar en ekkert sem var í raun sprenghlægilegt. Rob Schneider skilar inn sinni venjulegu gamanmynda frammistöðu og er að mörgu leiti sama persónan og í Deucue Bigalow. Colleen Haskell leikur konu sem hann hrífst af og verð ég að segja að þetta nýstirni stendur út úr af öllum leikurum myndarinnar. Það má segja að The Animal falli í þann flokk mynda að ef þér fannst trailerinn fyndinn mun þér líka myndin (það er annars hálf dapurt við kvikmyndaheiminn í dag að það þurfi sérstaklega að geta þess þegar trailerinn gefa rétta mynd af vörunni). Þokkaleg skemmtun en mætti hafa verið fyndnari, þetta er svona mynd sem Farelli bræðurnir hefðu getað gert upp á jafnvel þrjár og hálfa stjörnu.
Öllum leyfð
