The Hot Chick (2002)

Hot Chick er ein af mörgum gamanmyndum sem kvikmyndafyrirtækið Happy Madison hefur sent frá sér, og verð ég að viðurkenna að hún er alveg stórgóð skemmtun. Rachel McAdams leikur skólastelpu sem lifir lífi sínu í háskóla. Hún á sætan kærasta, góða vini og líf hennar gæti ekki verið betra. Hún fer í skartgripabúð eina og sér eyrnalokka sem vekja áhuga hennar. Þegar hún fattar að hún hefur ekki efni á þeim, ákveður hún in desperation að stela þeim. Þegar hún er á bensínstöð einni að angra aðstoðarmanninn, missir hún einn eyrnalokkinn sem hann tekur. Og þau setja upp eyrnalokkana bæði á sig. Næsta morgun vaknar hún upp eins og vanalega, en þegar hún sér sig í speglinum kemst hún að því að hún er kominn með líkamann af bensínafgreiðslumanninum, og hann hennar líkama. Ætla ekki að segja meir um söguna. Myndin er mjög fyndin og gæti alveg flokkast undir sem ein af betri myndum sem Happy Madison hefur sent frá sér. En tek það samt fram að þessi mynd er tóm þvæla, sem er samt hægt að skemmta sér vel yfir. Rob Schneider sem sýndi algjöra snilldartakta í myndum eins og Deuce Bigalow og Animal, er alveg meiriháttar og er þetta örugglega ein skemmtilegasta frammistaða hans í bíómynd. Anna Faris, sem er hvað þekktust fyrir hlutverk sín í Scary Movie myndunum, kemur skemmtilega á óvart og gaman að sjá hana loksins í annarri gamanmynd en Scary Movie. Hot Chick er mynd sem þú verður að sjá.

Horfði bara á þessa mynd í gamni mínu, og þvílíkt gaman sem það var. Held að margir hafi séð trailerinn af myndinni(var auglýst mikið á sínum tíma), en myndin fjallar um Kaptein klappstýruliðsins sem er fullkomin tík. Fyrir einskæra óheppni atvikast það svo að hún skiptir um líkama við einhvern smákrimma(Rob Schneider) og myndast við það fullt af skemmtilegum og oft á tíðum sprenghlægilegum atriðum. Stelpan áttar sig á því hversu mikil tík hún hefur verið og þarf að gleypa (tíkar)stoltið til að geta snúið þessu aftur til baka.


Myndin verður aldrei væmin, heldur er hún með smá grófum húmor ala Schneider. Ég mæli hiklaust með þessari mynd ef þig vantar að fylla tómið með skemmtilegti mynd. Frumskilyrði fyrir því að hafa gaman af myndinni er að þola Rob Schneider(held að það geri ekki allir) og að vera reiðubúinn að slökkva á núðlunni í 90 mínútur eða svo.

Ég læt þrjár og hálfa duga þetta er nú samt mynd sem að ég get horft á aftur og aftur karl og kona skipta óvart um líkama verður það klúður eða kannski bara allt í lagi eða kannski frábært það veit maður ekki nema að horfa á myndina.