Bucky Larson: Born to Be a Star (2011)

Sagan af útkjálkadrengnum Bucky Larson sem eftir að hafa verið rekinn úr vinnunni ákvað að gerast klámmyndastjarna. Bucky Larson er það sem flest venjulegt fólk myndi kalla fremur misheppnað eintak af Homo Sapiens. Fátt bendir til að hann stigi í vitið en þess utan er hann með svo litla reynslu af lífinu að hún kæmist öll fyrir í litlum eldspýtustokk. Bucky starfar við að setja vörur í poka fyrir viðskiptavini verslunarinnar í heimabæ hans eða allt þar til hann er rekinn vegna vanhæfni. Algjörlega niðurbrotinn vegna þessa finnur Bucky samt fljótlega nýjan tilgang þegar hann uppgötvar að foreldrar hans eru fyrrverandi klámmyndaleikarar. Bucky ákveður þegar að feta í fótspor foreldra sinna þrátt fyrir þá staðreynd að hann er svo lítill á honum að hann sést varla. Þannig smáatriði mega samt ekki koma í veg fyrir að draumar hans rætist og því smella þeir Bucky og Lilli sér til Hollywood ...