Man on the Moon (1999)

Þessi mynd er hrein snilld. Skil reyndar afhverju hún fékk ekki óskarinn, maður er gjörsamlega ruglaður á því sem er að gerast í myndinni, frábær leikstjórn og handrit og leikur Jim Carreys, en einnig góður leikur hjá Danny Devito. Enn eins og aftur er hann ekki tilnefndur (þá á undan fyrir Truman Show), en hvað vita þessir Bandaríkjamenn???? Frábær mynd!!!Farið að sjá hana!

Það er eitthvað með mig að bara þola ekki svona væmnar-fyndnar myndir. Ég er líka með Jim Carrey-óþol (sígellt að hreyfa á sér eyrun og gretta sig eins og froskur, jakk) og það hvað Andy Kaufman var alveg ótrúlega móðgandi!

Vá, vá, VÁ! Man on The Moon er hreinasta snilld. Jim Carrey hefur aldrei verið betri. Hreinn skandall að Carrey hafi ekki verið tilnefndur fyrir óskarinn. Þessi mynd er bilað fyndin... fyrir hlé er myndin bara pure fyndin, en hún dettur aðeins niður en rífur sig síðan upp! Þessi mynd er "ONE TO WATCH"

Kynlegir kvistir, sem storka hefðbundnum gildum samfélagsins, virðast vera eftirlæti tékkneska leikstjórans Milosar Forman. Í þetta skipið segir hann söguna af þekktum en umdeildum bandarískum skemmtikrafti, sem gerði í því að storka áhorfendum sínum og villa þeim sýn, en féll síðan sjálfur fyrir áþekkum blekkingum, þegar halla tók undan fæti hjá honum. Jim Carrey er að sjálfsögðu réttur maður á réttum stað, enda tekst honum að gæða persónuna bæði lífi og sál og vekur þannig samúð áhorfendanna með henni. Þetta er mjög góð mynd sem er vel þess virði að sjá.

Frábær mynd. Fjallar um ævi Andy Kaufman sem var einn frægasti grínisti ever. Hann var í Taxi og gerði alls konar brjálaða hluti á ævi sinni, áður en hann dó úr teinkennilegum sjúkdómi. Frægustu persónurnar voru Tony Clifton og Latka út Taxi þáttunum. Án efa fyndnustu persónurnar hans. Jim Carrey er frábær í hlutverki sínu sem Andy Kaufman. Hann hefði átt að vera tilnefndur til Óskar fyrir aðalhlutverk. Milos Forman með enn eitt snilldarverk, hitt var One flew over the Cuckoo´s Nest. Besta mynd Jim Carrey til þessa.Ég verð að viðurkenna að aðalsetning Andys var hvernig hann sagði með Latka: „Thank you very much“

Í þessari margföldu verðlaunamynd óskarsverðlaunaleikstjórans Milos Formans (One Flew Over the Cuckoo's Nest, Amadeus, Hair, People vs. Larry Flynt) er sögð einstök saga einhvers kunnasta, fyndnasta, frumlegasta, en jafnframt umdeildasta grínista sem komið hefur fram á 20. öldinni, Andy Kaufman, en hann lést af völdum krabbameins árið 1984 aðeins 35 ára að aldri. Andy Kaufman var fæddur grínisti og byrjaði 7 ára gamall að fara með gamanmál fyrir fjölskyldu sína. 9 ára gamall var hann orðinn eftirsóttur sem skemmtikraftur við hin ýmsu tækifæri. Þegar hann eltist byrjaði hann síðan að koma fram á kaffi- og veitingastöðum á austurströnd Bandaríkjanna. Þetta leiddi til þess að honum voru boðin hlutverk í gamanþáttunum Saturday Night Live og Taxi. Kaufman hélt þó alltaf fast í sviðsgrínið og setti m.a. upp fræga eins manns sýningu í Carnegie Hall. En Kaufman var líka umdeildur og þótti mörgum hann oft fara yfir strikið í gríninu. Ef til vill verður þessu best lýst með hans eigin orðum: "Ég hef aldrei sagt brandara á ævi minni, ég er bara að leika mér að fólki." Það er gamanleikarinn óborganlegi Jim Carrey sem leikur Andy Kaufman hreint meistaralega í þessari mynd og hefur hann hlotið gífurlegt lof fyrir túlkun sína, m.a. Golden Globe-verðlaunin fyrir besta leik ársins í aðalhlutverki karla og er verð ég hreinskilnislega að lýsa yfir undrun minni á því að hann skyldi ekki einnig hafa vera tilnefndur til Óskarsverðlaunanna 1999. (Carrey og Kevin Spacey sýndu klárlega besta kvikmyndaleik karlaðalleikara á síðasta ári). Það er einstaklega skammarlegt hvernig bandaríska kvikmyndaakademían hefur komið fram við Jim Carrey. Hann var ekki heldur tilnefndur fyrir magnaðan stórleik sinn í kvikmyndinni "The Truman Show" árið 1998 (en hann hlaut Golden Globe-verðlaunin líka fyrir leik sinn í henni). Hann átti í það minnsta að vera tilnefndur fyrir þessa kvikmynd (en að mínu mati fyrir báðar). Hann er sannfærandi og skemmtilegur í túlkun sinni á Andy Kaufman og vinnur hug og hjarta áhorfandans (allavega í mínu tilviki). Hann hefur aldrei leikið betur á sínum ferli, svo einfalt er það. Í öðrum hlutverkum í myndinni er valinkunnur fjöldi þekktra leikara, m.a. Danny DeVito, (en hann og Andy Kaufman voru í raun góðir vinir og léku m.a. saman í gamanþáttunum Taxi, sem hafa verið endursýndir á sjónvarpsstöðinni Sýn nú um nokkurt skeið), Courtney Kove (sem fór eftirminnilega á kostum í kvikmynd Milos Forman "People vs. Larry Flynt" 1996. Það er kjarnríkt handrit, mögnuð tónlist, góð myndataka, vönduð leikstjórn tékkneska kvikmyndasnillingsins Milos Forman (sem sannar enn og aftur að hann er einn af bestu leikstjórum 20. aldarinnar) og magnaður leikur aðalleikaranna (sérstaklega Jim Carrey) sem er aðall þessarar einstaklega mögnuðu kvikmyndar sem ávann sér fulla aðdáun mína, og þeirra sem ég þekki. Ég hafði einstakt gaman af henni og hvet ég hiklaust alla kvikmyndaunnendur (sem hafa ekki séð hana nú þegar) að drífa í því sem allra fyrst. Þið megið ekki missa af þessari mögnuðu kvikmynd sem átti að fá meiri viðurkenningu frá bandarísku kvikmyndaakademíunni við óskarsverðlaunatilnefningar 1999. Þið sem ekki hafið séð þessa mynd, búið ykkur undir magnað og ógleymanlegt klassaverk. ALLS EKKI missa af þessu meistaraverki snillingsins Milos Forman.

Ég skellti mér á Man On The Moon um daginn og hún kom mér skemmtilega á óvart. Ég hef aldrei séd Jim Carrey svona gódan og dad er algjört svindl ad hann fékk ekki óskarstilnefningu. Myndin segir frá litríkri ævi Andy Kauffsmans sem var greinlega alveg brilliant náungi. Dad er varla daudur púnktur í myndinni og húmorinn er eftir mínum smekk svolítid klikkó. Adrir leikarar standa sig vel og tónlistin er gód. Sem sagt top mynd sem engin á ad missa af.

Jim Carrey sannar það með degi hverjum hversu ótrúlegur leikari hann er. Hverjum hefði dottið í hug að sama manneskjan og lék Ace Ventura og Lloyd Christmas myndi leika persónur eins og Truman Burbank og Andy Kaufman? Hvað þá leikið þær vel? Túlkun Carreys á Andy Kaufman er án efa leiksigur fyrir hann og leyfi ég mér að vísa í Harry Knowles með því að segja að Carrey hafi einfaldlega aldrei verið á skjánum. Þetta var Kaufman. Scott Alexander og Larry Karaszewksi ljúka hér með "Offbeat-Americans" þríleik sínum (hinar tvær voru Ed Wood og The People vs. Larry Flynt) með glæsibrag í mynd sem var eins og Kaufman sjálfur; ekki beint grínmynd heldur skemmtileg mynd. Man on the Moon er frábær skemmtun og innheldur mörg atriði sem eiga eftir að fara á Bestu Atriði með Jim Carrey listann og munu lifa að eilífu. Ég mæli eindregið með Man on the Moon ef þið viljið komast að því hver Andy Kaufman, þessi líka skemmtilegi maður, var og einnig ef þið viljið skemmta ykkur konunglega eitt kvöldið. Frábær.

Þessi nýjasta mynd Milos Forman, sem áður hefur leikstýrt stórmyndum á borð við One Flew Over the Cuckoo's Nest og The People vs. Larry Flynt, segir sögu umdeilda "grínistans" Andy Kaufman (leikinn af Jim Carrey). Andy varð frægur fyrir að leika í gamanþáttunum Taxi og átti magnað ásturs/haturs samband við almenning ef þessa mynd er eitthvað að marka. Uppáhaldið hans voru stórbrotnir hrekkir eða göbb og sumir segja jafnvel að hann hafi sett dauða sinn á svið á sínum tíma og sé enn lifandi í dag. Saga Andy's er vissulega mjög áhugaverð og myndin gerir henni ágætis skil. Á köflum er reyndar dálítið erfitt að skilja persónu hans, til dæmis hvenær honum er alvara og hvað drífur hann áfram. Það eru nokkur ansi fyndin atriði í myndinni en þeir sem eiga von á grínmynd verða fyrir sárum vonbrigðum því hér er fyrst og fremst um að ræða drama. Jim Carrey sýnir stórleik í hlutverki Andy's og það er ótrúlegt að hann hafi ekki fengið óskarsverðlaunatilnefningu, kröfurnar sem hlutverkið gerir eru gífurlegar og ekki hægt að bera saman við frammistöður eins og Denzel Washington í The Hurricane og Kevin Spacey í American Beauty, sem báðir eru tilnefndir. Rokkgellan Courtney Love er einnig frábær í hlutverki kærustu Andy's, samband þeirra tveggja er eitt af því sem stendur upp úr þegar litið er á myndina í heild. Helsti galli myndarinnar er að hún á til að detta niður á köflum og ég stóð sjálfan mig að því oftar en einu sinni að líta á úrið á meðan sýningunni stóð. Ég hafði miklar væntingar um þessa mynd og því miður olli hún mér dálitlum vonbrigðum. Burtséð frá því er þetta samt afar vel gerð mynd sem gefur okkur tækifæri á því að kynnast því sem hlýtur að vera einn af áhugaverðustu karakterum tuttugustu aldarinnar.