Stórvel leikin og fagmannlega gerð, sérlega leikur Woody Harrelson sem hinn stórbilaði og fullkomlega siðblindi Flynt, enda fékk hann Óskarstilnefningu fyrir. Þó finnst mér stór galli hvað Forman virðist vera að gera einhverskonar hetju úr Flynt, t.d. með því að láta hann fá hlutverk í myndinni og láta andstæðinga hans, t.d. Jerry Falwell líta út eins og fullkomna hálfvita. Einnig galli að mínu mati hvað er ýmist giskað eða skáldað í eyður, enda er á mörkunum að myndin geti talist sannsöguleg. En hún er skemmtileg áhorfunar engu að síður og vel þess virði að eyða rúmum tveim tímum yfir.
The People vs. Larry Flynt (1996)
" You may not like what he does, but are you prepared to give up his right to do it?"
Snemma á áttunda áratugnum við upphaf kynlífsbyltingarinnar í Bandaríkjunum hleypti athafnamaðurinn Larry Flynt af stokkunum tímaritinu Hustler sem síðar varð mikið útgáfuveldi, en Flynt hafði...
101 einkunnir á Kvikmyndir.is
Skráðu þig inn og gefðu nokkrum myndum einkunn til að fá persónulega einkunn.
Skráðu þig inn →
Bönnuð innan 16 áraSöguþráður
Snemma á áttunda áratugnum við upphaf kynlífsbyltingarinnar í Bandaríkjunum hleypti athafnamaðurinn Larry Flynt af stokkunum tímaritinu Hustler sem síðar varð mikið útgáfuveldi, en Flynt hafði þá um skeið rekið nokkra fatafellustaði í Ohio. Hustler þótti hrátt og klámfengið tímarit og alveg á mörkum alls velsæmis, en það náði fljótlega gífurlegri sölu og færði Flynt og lagskonu hans, fyrrum fatafellunni Althea Leasure, gífurlegan auð og lifðu þau í allsnægtum og óhófi á öllum sviðum. Svo fór þó að upp risu öflugir baráttumenn gegn klámi og komu þeir því til leiðar að Flynt hlaut dóm fyrir ósiðsemi árið 1976, en það varð til þess að hann hóf hatramma baráttu sína fyrir stjórnarskrárbundnu tjáningar- og prentfrelsi. Í hverjum málaferlunum á fætur öðrum notaði Flynt auð sinn til að berjast fyrir þessum réttindum og eftir að hann lamaðist af völdum skotárásar óþekktrar leyniskyttu varð eldmóður hans jafnvel enn meiri en áður. Leiðin lá svo að lokum fyrir hæstarétt Bandaríkjanna sem einróma dæmdi Flynt í vil og hrósaði hann þá fullum sigri fyrir hönd tjáningarfrelsisins.
Aðalleikarar
Höfundar og leikstjórar
Milos FormanLeikstjóri
Aðrar myndir eftir sama leikstjóra
Scott AlexanderHandritshöfundur
Aðrar myndir eftir sama leikstjóra
Larry KaraszewskiHandritshöfundur
Aðrar myndir eftir sama leikstjóra
Gagnrýni notenda (1)
Skráðu þig inn til að skrifa gagnrýni
InnskráGagnrýni af öðrum miðlum
Engar umfjallanir ennþá. Vertu fyrstur til að bæta við!
Umsagnir á TMDB
Filipe Manuel Neto ★ 8.0/10
CinemaSerf ★ 7.0/10Framleiðendur
Columbia PicturesUS
Phoenix PicturesUS
Ixtlan ProductionsUS
Verðlaun
🏆
Tilnefnd til Óskarsverðlauna fyrir besta leikara í aðalhlutveri (Woody Harrelson) og besta leikstjóra
