Switchback (1997)

Alríkislögreglumaðurinn Frank LaCrosse snýr heim og uppgötvar að búið er að brjótast inn á heimili hans. Sonur hans er horfinn og búið er að myrða barnapíuna á grimmilegan hátt. Morðið ber öll einkenni hins slóttuga og dularfulla fjöldamorðingja sem gengið hefur laus í tvö ár og myrt fjölda manns. Örvæntingarfull leit Franks að morðingjanum leiðir hann til Amarillo í Texas, en þar hafa tvö lík fundist sem einnig bera öll einkenni þessa ógeðfellda morðingja. Á meðan Frank leitar að ódæðismanninum, þá rannsaka lögreglustjórinn Buck Olmstead og lögreglufulltrúinn Nate Booker morðin tvö í bænum, á milli þess sem þeir standa í kosningabaráttu við lögregluforingjann Jack McGinnis. Frank vonast nú til að finna þennan geðsjúkling áður en hann kemst til fjalla og hverfur að eilífu.