Ófærð 2
Bönnuð innan 12 ára
SpennumyndÍslensk myndSjónvarpsseríaSjónvarpsþáttur

Ófærð 2 2018

(Trapped 2)

Frumsýnd: 26. desember 2018

50 MÍN

Lögreglumaðurinn Andri Ólafsson snýr aftur í annarri þáttaröð þessara vinsælu íslensku spennuþátta. Reynt er að ráða iðnaðarráðherra af dögum á Austurvelli og Andra er falið að stýra rannsókn málsins sem leiðir hann á kunnugar slóðir norður á landi. Ýmis leyndarmál leynast í sveitunum í kring og þegar starfsmaður jarðvarmavirkjunar finnst... Lesa meira

Lögreglumaðurinn Andri Ólafsson snýr aftur í annarri þáttaröð þessara vinsælu íslensku spennuþátta. Reynt er að ráða iðnaðarráðherra af dögum á Austurvelli og Andra er falið að stýra rannsókn málsins sem leiðir hann á kunnugar slóðir norður á landi. Ýmis leyndarmál leynast í sveitunum í kring og þegar starfsmaður jarðvarmavirkjunar finnst myrtur er ljóst að málið er umfangsmeira en það virtist í fyrstu.... minna

Þættir

1. þáttur
Reynt er að ráða iðnaðarráðherra af dögum á Austurvelli. Andra er falið að stýra rannsókn málsins sem leiðir hann á kunnugar slóðir norður í landi, þar sem Hinrika hefur nú tekið við stöðu lögreglustjóra. Þegar verkstjóri í jarðvarmavirkjun í nágrenninu finnst myrtur taka hlutirnir óvænta stefnu.
2. þáttur
Á einum sólarhring hafa tveir menn úr sömu fjölskyldu látist með voveiflegum hætti. Andri og Hinrika beina sjónum sínum að hópi þjóðernissinna sem kallar sig Hamar Þórs. Í ljós kemur að liðsmenn hópsins hafa verið að mótmæla við virkjunina.
3. þáttur
Andri hefur haft veður af því að þjóðernishópurinn Hamar Þórs sé með eitthvað í bígerð en hvað það er veit hann ekki. Einn þeirra er á flótta undan yfirvöldum grunaður um aðild að hrottalegu morði. Víkingasveitin er kölluð út til að hafa upp á honum en þjóðernissinnarnir eru skipulagðari en lögreglan bjóst við.
4. þáttur
Hafdísi Magnúsdóttur bæjarstjóra hefur verið rænt og myndbandi dreift á netinu. Flóttamaður liggur illa haldinn á spítala og lögreglan vonast til þess að hann hafi svörin sem geta bjargað bæjarstjóranum. En fyrst þarf að hafa uppi á höfuðpaur Hamars Þórs.
5. þáttur
Halla Þórisdóttir iðnaðarráðherra vekur athygli þegar hún mætir í jarðarför bróður síns - mannsins sem reyndi að ráða hana af dögum. Víkingi bróðursyni hennar er ekki skemmt þegar hann sér að fjölmiðlar og fjandmenn föður hans virðast ætla að taka yfir athöfnina. Gömul fjölskylduleyndarmál skjóta upp kollinum.
6. þáttur
Víkingur þarf að horfast í augu við afleiðingar gærkvöldsins. Ebo frá Ghana, hefur mátt þola ýmislegt síðan hann réð sig til vinnu á Íslandi. Við fordóma og kynþáttahatur hafa nú bæst hótanir frá hinum pólskættaða Pawel. 7. Pólskur verkamaður finnst myrtur í höfuðstöðvum virkjunarinnar á heiðinni og Víkingur er handtekinn, grunaður um verknaðinn. Halla Þórisdóttir er enn í bænum og heldur áfram sínum pólitísku vélráðum. En hugsanlega býr eitthvað fleira undir.
7. þáttur
Pólskur verkamaður finnst myrtur í höfuðstöðvum virkjunarinnar á heiðinni og Víkingur er handtekinn, grunaður um verknaðinn. Halla Þórisdóttir er enn í bænum og heldur áfram sínum pólitísku vélráðum. En hugsanlega býr eitthvað fleira undir.
8. þáttur
Fólkinu í bænum er meinað að nota kranavatn eftir að dauðir fiskar fundust í vatninu uppi á heiði. Fulltrúi erlenda álfyrirtækisins mætir til að skoða framkvæmdir við virkjunina en atburðir undanfarinna daga geta haft áhrif á áform um álverið. Rannsóknin tekur óvænta stefnu þegar Þórhildur, dóttir Andra, segir lögreglunni frá leyndarmáli.
9. þáttur
Uppspretta mengunarinnar finnst uppi á fjalli þar sem eiturefnaúrgangur hefur lekið út í stöðuvatn. Andri og Hinrika reyna að finna tengingu milli morðanna og eiturefnanna. Þórhildi er ekki lengur óhætt í bænum og Laufey frænka hennar tekur að sér að keyra hana til Reykjavíkur til að koma henni í öruggt skjól. En þjóðvegurinn býr yfir ýmsum hættum.
10.þáttur
Þórhildur er í mikilli hættu og Andri má ekki láta undan örvæntingunni. Hann verður að finna manninn sem rændi henni en fyrst þarf hann að kafa djúpt ofan í leyndarmálin sem umlykja fjölskylduna í dalnum.

Aðalleikarar

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn