The Big Chill (1983)

Vinahópur sem var saman í háskólanum í Michigan á sjöunda áratug síðustu aldar, kemur saman í jarðarför eins úr hópnum, Alex, sem framdi sjálfsmorð. Hópurinn, sem er nú á fertugsaldri, hefur haldið sambandi í gegnum árin, en fólkið hefur fjarlægst eftir því sem líf þeirra hafa breyst. Hugsjónir hvers og eins úr hópnum hafa einnig tekið breytingum, en flestir voru róttækir og félagslega meðvitaðir á skólaárunum, en eru núna orðnir ráðsettir og lifa góðu lífi. Nú hefur bæst í hópinn hin unga og saklausa Chloe sem var kærasta Alex. Þau eyða nú helginni saman á heimili hjónanna Harold og Sarah í Suður Karólínu eftir jarðarförina. Ekki hvað síst í ljósi sjálfsmorðs Alex, þá ræða þau líf sitt og samband hvert við annað, þá og nú.