Nýtt á Vodafone Leigunni

Útbrunna löggan Deke og fíkniefnalöggan Baxter, vinna saman að því að elta uppi raðmorðingja. Deke hefur nef fyrir smátriðum, sem hjálpar mikið til við lausn málsins, en hann er ekki tilbúinn að fara á svig við lög og reglur, sem veldur spennu milli mannanna. Draugar fortíðar sækja einnig að Deke.

Mynd um líf og störf hins goðsagnakennda reggí tónlistarmanns Bob Marley.

Saga sem nær yfir áratugi og fjallar um ást og þolgæði einnar konu á leið til frelsis og sjálfstæðis. Celie mætir ýmsum hindrunum í lífinu en finnur að lokum gríðarlegan styrk og von í órjúfanlegum systraböndum.

Trölli býr í fjalli fyrir ofan Hver-bæ sem eitt sinn var heimabær hans og lætur það fara alveg sérstaklega í taugarnar á sér þegar fyrrverandi nágrannar hans byrja að skreyta fyrir jólin, kaupa gjafir og gleðjast. Hann ákveður því að taka til sinna ráða, læðast inn í bæinn að næturlagi og hreinlega stela öllum gjöfunum og skreytingunum þannig að íbúarnir nái ekki að halda upp á jólin og verði jafnfúllyndir og hann er sjálfur. Það sem hann reiknar hins vegar ekki með er að þótt hann geti í sjálfu sér stolið því efnislega sem tengt er jólunum getur hvorki hann né nokkur annar stolið jólagleðinni sjálfri. Og hvað gerir Trölli þá?

Hin sextán ára gamla Ruby Gillman kemst að því að hún tilheyrir goðsagnakenndri neðansjávar konungsfjölskyldu risasjóskrímsla. Örlög hennar breytast við þetta og verða meiri og stærri en hún gat nokkurn tímann gert sér í hugarlund.

Líf fólks í bænum Owl í Norður Dakoka árið 1983 umturnast þegar sögulegur blindbylur dynur á bænum. Við fylgjumst með hinum roskna Horace, sem eyðir dögunum að mestu á kaffihúsinu í bænum, unglingnum Mitch, þunglyndum vara-liðsstjórnanda í amerískum fótbolta, og nýráðnum enskukennara, Julia.

Saga Greg Laurie sem elst upp við kröpp kjör ásamt móður sinni Charlene á áttunda áratug tuttugustu aldarinnar. Laurie og hópur ungs fólks fer til suður Kaliforníu til að leita sannleika og frelsis. Laurie hittir Lonnie Frisbee, heillandi hippaprest, og séra Chuck Smith sem hafa galopnað kirkju sína fyrir ungu fólki. Í hönd fer mesta trúarbylting í sögu Bandaríkjanna.

Andafjölskylda reynir að sannfæra ofverndandi föðurinn um að fara í besta sumarfrí allra tíma.

Á skandinavískum geðspítala á tíunda áratug tuttugustu aldarinnar játar maður að nafni Mads Lake á sig fjölda morða og er sakfelldur. En Anna Rudebeck sálfræðingur og lögreglumaðurinn Soren Rank vilja komast að hinu sanna í málinu, á sama tíma og sívaxandi meðvirkni gæti heltekið þau öll.

Örvæntingarfull ung blaðakona snýr sér að hlaðvarpsgerð til að bjarga starfsferlinum. En kapp hennar í að finna æsifréttir leiðir til þess að hún kemst á snoðir um samsæri utan úr geimnum, þegar hún finnur skrýtinn steindranga.

Dóttir Martins, Emma, ​​hittir Wörmer sem er í einangrun í fangelsi. Það vekur hinn dæmda lögreglustjóra úr dái og hrindir af stað örlagaríkum atburðum.

Á steinöld fer hópur frummanna af stað í leit að nýju landsvæði. En þegar þá grunar að einhver ill og dularfull vera sé á eftir þeim neyðast þeir til að mæta hættu sem þeir gátu ekki gert sér í hugarlund.

Myndin gerist í skálduðum bandarískum eyðimerkurbæ árið 1955. Dagskrá stjörnuskoðunarráðstefnu unglinga fær óvænta truflun af heimssögulegum atburðum.

Leyniskyttan Brandon Becket og hin nýstofnaða Viðbragðs- og leynisveit G.R.I.T fara til Möltu til að uppræta alþjóðlega hryðjuverkastarfsemi og bjarga félaga sínum, Lady Death.

Eftir erfitt ferðalag um Evrópu gengur Hvít Rússinn Alex í Frönsku útlendingahersveitina. Hin nígeríski Jomo vill berjast fyrir þjóð sína í Niger Delta og er tilbúinn að láta lífið fyrir hugsjónir sínar. Þessi tveir hittast og örlög þeirra samtvinnast og halda áfram yfir landamæri, líf og dauða.

Darren Barrenman er heillum horfinn draumóramaður og lífskúnstner sem vinnur sem sundlaugarvörður í Los Angeles. Þegar hann kemst á snoðir um stærsta vatnsrán í sögu borgarinnar gerir hann hvað hann getur til að vernda borgina sem honum er svo annt um.

Í þessari framhaldsmynd af Dune verður sagt frá ferðum Paul Atreides ásamt Chani og Fremen á plánetunni Arrakis, og hefndum gegn þeim sem lögðu á ráðin um árásina og drápið á Atreides fjölskyldunni. Paul stendur frammi fyrir erfiðu vali á milli draumaprinsessunnar og örlaga alheimsins. Markmiðið er að koma í veg fyrir hræðilega framtíð sem hann einn veit hver verður.

Þrjóskur og skapbráður þjálfari í yngri flokkunum í körfubolta er neyddur til að þjálfa lið fyrir Ólympíuleika fatlaðra, þegar hann er dæmdur til að sinna samfélagsþjónustu. Hann kemst fljótlega að því að þrátt fyrir efasemdir í byrjun, þá gæti liðið náð mun lengra en þau, hann og liðið, í sameiningu gátu ímyndað sér.

Indversk-bandarískur unglingur, Sam, sem á í innri glímu við eigin menningarlegu sjálfsmynd lendir upp á kant við bestu vinkonuna. Við það leysist úr læðingi djöfuleg vera sem vex og vex eftir því sem Sam verður meira einmana.

Ung stúlka dvelur hjá ömmu sinni og afa í borginni á meðan hún þreytir inntökupróf í listhóp. Þegar fjölskyldan, sem hefur ekki hist í langan tíma, kemur saman til að fagna inntöku hennar í hópinn koma ljót fjölskylduleyndarmál upp á yfirborðið og kvöldið endar með hræðilegum harmleik.