Vinsælast í bíó - 11. til 13. des. 2017

1. sæti - Aftur á lista
Gamanmynd
Leikstjórn Sean Anders
Söguþráður Í myndinni hafa þeir Dusty og Brad ákveðið að taka höndum saman um að halda hin fullkomnu jól fyrir börnin. Það reynir hinsvegar á þessa nýtilkomnu vináttu þeirra þegar karlremban faðir Dusty sem er allur af gamla skólanum, og hinn ofurblíði og tillitssami faðir Brad, mæta á svæðið og hleypa öllum undirbúningi í uppnám.
2. sæti - Aftur á lista
GamanmyndÆvintýramyndFjölskyldumyndSöngleikurRáðgátaTeiknimynd
Söguþráður Coco segir frá hinum músíkalska Miguel sem þráir að verða tónlistarmaður eins og Ernesto de la Cruz sem var álitinn stórkostlegasti gítarleikari og söngvari Mexíkó á sínum tíma. Vandamálið er að fjölskylda Miguels lítur á tónlist sem bölvun á ættinni og bannar hana alfarið í sínum húsum. Ástæðan er sú að langalangafa Miguels hafði líka dreymt um að verða tónlistarmaður á sínum tíma. Dag einn yfirgaf hann fjölskylduna, hvarf sporlaust, og spurðist aldrei til hans framar. Síðan hefur enginn í ættinni viljað heyra neina tónlist og er meinilla við öll hljóðfæri, Miguel til mikillar mæðu. Dag einn rekast Miguel og besti vinur hans, hundurinn Dante, inn á dularfullan stað þar sem gamall og rykfallinn gítar hangir uppi á vegg. Miguel ákveður að prófa að spila á hann en um leið og hann slær fyrsta hljóminn er hann fyrir töfra fluttur inn í heim hinna dauðu þar sem hann á síðan eftir að hitta löngu liðna ættingja sem nú eru gangandi beinagrindur. Eftir að hafa jafnað sig á undruninni og óttanum ákveður Miguel að finna Ernesto og leysa í leiðinni gátuna miklu um hvað orðið hafi um langalangafa sinn ...
3. sæti - Aftur á lista
SpennumyndVísindaskáldskapurÆvintýramynd
Leikstjórn Zack Snyder
Söguþráður Dauði Supermans í kjölfar sjálfsfórnar hans hefur fyllt Batman auknum krafti og eftir að hann og Wonder Woman taka höndum saman ákveða þau að fá til liðs við sig þá Aquaman, The Flash og Cyborg. Baráttan snýst um að bjarga mannkyninu frá útrýmingu og aðalóvinurinn er hinn ægilegi Steppenwolf.
4. sæti - Aftur á lista
Drama
Leikstjórn Stephen Chbosky
Söguþráður August Pullman, alltaf kallaður Auggie, þjáist af sjaldgæfum litningagalla sem hefur afmyndað andlit hans. Af þeim sökum þarf hann að glíma við fordóma og útskúfun flestra á hans aldri, m.a. í skólanum. Gæfa hans er að eiga að góða, jákvæða og samheldna fjölskyldu sem styður hann með ráðum og dáð og hvetur hann áfram. En stundum er jafnvel það ekki nóg.
5. sæti - Aftur á lista
DramaGlæpamyndRáðgáta
Leikstjórn Kenneth Branagh
Söguþráður Belgíski morðgátusérfræðingurinn sérvitri, Hercule Poirot, er á leið til Vestur-Evrópu á fyrsta farrými Austurlandahraðlestarinnar ásamt fleiri farþegum. Nótt eina er einn af farþegunum myrtur í svefni og þar sem lestin er teppt vegna snjóskriðu sem hylur lestarteinana fær Hercule tíma og tækifæri til að rannsaka málið, raða saman sönnunargögnunum og finna morðingjann áður en lögreglan kemur um borð.
6. sæti - Aftur á lista
SpennumyndDramaÆvintýramynd
Leikstjórn Taika Waititi
Söguþráður Í þetta sinn þarf þrumuguðinn Þór og félagar hans að takast á við hina illu en máttugu Hel sem Óðinn kastaði niður í Niflheim við fæðingu. Hún er nú komin aftur til baka staðráðin í að leggja Ásgarð í eyði og um leið losa sig við alla sína bræður og systur ásamt mannkyninu í heild. Það mun reyna verulega á Þór og þá sem með honum standa því ef baráttan tapast er úti um þau öll og Ásgarð líka.
7. sæti - Aftur á lista
DramaÆviágripÍþróttamynd
Leikstjórn Craig Gillespie
Söguþráður Hér segir frá þeim fræga atburði þegar ráðist var á bandarísku listskautadrottninguna Nancy Kerrigan í ársbyrjun 1994 og tilraun gerð til að fótbrjóta hana. Rannsókn lögreglunnar á árásinni á Nancy Kerrigan leiddi fljótlega í ljós að þar hafði verið að verki maður að nafni Shane Stant og hafði hann verið ráðinn til þess af lífverði og fyrrverandi eiginmanni helsta keppinautar Nancyar, Tonyu Harding, þeim Shawn Eckhardt og Jeff Gillooly. Með árásinni vildu þeir tryggja að Nancy heltist úr leik í samkeppninni um ólympíusæti í liði Bandaríkjanna sem keppa átti á Vetrarólympíuleikunum í Lillehammer í febrúar þetta sama ár. Sjálf harðneitaði Tonya að hafa komið nálægt árásinni eða vitað hvað til stæði og svo fór að þær Nancy kepptu báðar á Ólympíuleikunum enda var Nancy fljót að jafna sig. En málinu var langt frá því að vera lokið og uppákomurnar sem fylgdu urðu kostulegar ...
8. sæti - Aftur á lista
HrollvekjaSpennutryllirGlæpamyndRáðgáta
Söguþráður Rannsókn lögreglu á nokkrum óhugnanlegum morðum leiðir í ljós að allar aðstæður og aðferðir sem morðinginn hefur notað til að murka lífið úr fórnarlömbunum benda ótvírætt til að þar sé á ferðinni enginn annar en John Kramer, öðru nafni Jigsaw, sem gerði lögreglunni lífið leitt fyrr á árum með hefndarmorðum sínum. Vandamálið við þessa kenningu er að John er búinn að vera undir grænni torfu í tíu ár þannig að annað hvort er hann risinn upp frá dauðum eða morðinginn, hver sem hann er, gjörþekkir aðferðir hans svo vel að hann hlýtur að hafa haft aðgang að öllum smáatriðum í rannsóknargögnum lögreglunnar á sínum tíma – nú, eða að hann hafi hreint og beint þekkt Jigsaw og aðferðir hans betur en nokkur annar og vilji nú halda áfram með áætlun hans ...
9. sæti - Aftur á lista
SpennumyndGamanmyndÆvintýramynd
Leikstjórn Jon Lucas, Scott Moore
Söguþráður Jólin nálgast með öllu sínu umstangi og undirbúningi sem eins og margir vita, ekki síst mömmur, getur gert fólk gráhært af stressi enda er krafan sú að ekkert megi gleymast og allt þurfi að vera í toppstandi og skipulagt þegar hátíðin gengur í garð. En hvað gerist ef þær Amy, Kiki og Carla ákveða að brjóta hefðina og slá alvörunni upp í mátulegt kæruleysi? Nú gerist það að mæður þeirra koma í heimsókn og þar sem þær eru af gamla skólanum hafa þær misjafnar skoðanir á uppátækjum dætranna ...
10. sæti - Aftur á lista
GamanmyndHrollvekjaÆvintýramyndFjölskyldumyndTeiknimynd
Söguþráður Anton er þrettán ára gamall strákur sem er heillaður af sögum um hina dauðu og ódauðlegu og myndi gefa mikið fyrir að hitta eins og eina vampíru. Honum verður að ósk sinni þegar hann vingast við jafnaldra sinn Runólf, en hann er vampíra sem býr í gömlum kirkjugarði ásamt fjölskyldu sinni. Líf Antons breytist umsvifalaust í ævintýri en hætta steðjar að þegar hinn ógnvekjandi vampírubani Rökkfinnur mætir á svæðið, staðráðinn í að koma öllum vampírum fyrir kattarnef í eitt skipti fyrir öll. Það má ekki takast!
11. sæti - Aftur á lista
GamanmyndÆvintýramyndFjölskyldumyndTeiknimynd
Leikstjórn Cal Brunker
Söguþráður Íkorninn Surlí og hin dýrin í Eikarbæ hafa haft það gott frá því við hittum þau í samnefndri mynd árið 2014. Nú er tilveru þeirra hins vegar ógnað þegar borgarstjórinn í Eikarbæ ákveður að ryðja burt almenningsgarðinum sem þau búa í og nota svæðið í staðinn undir skemmtigarð. Það má auðvitað ekki gerast en hvað eiga Surlí og hin dýrin að taka til bragðs?
12. sæti - Aftur á lista
SpennutryllirVísindaskáldskapur
Leikstjórn Denis Villeneuve
Söguþráður Sérsveitarmaðurinn Officer K, kemst á snoðir um dularfullt mál úr fortíðinni. Til að aðstoða sig við rannsóknina þarf hann að hafa uppi á Rick sem hafði horfið þrjátíu árum fyrr, þ.e. eftir að hafa leyst sitt síðasta verkefni. Leit K ber árangur að lokum, en með ófyrirsjáanlegum afleiðingum ...
13. sæti - Aftur á lista
DramaÍslensk mynd
Söguþráður Agnes grípur Atla við að horfa á gamalt kynlífsmyndband, hendir honum út og meinar honum að umgangast 4 ára dóttur þeirra. Atli flytur inn á foreldra sína sem eiga í deilu við fólkið í næsta húsi. Stórt og fagurt tré sem stendur í garði foreldranna skyggir á garð nágrannanna, sem eru orðin langþreytt á að fá ekki sól á pallinn. Á sama tíma og Atli berst fyrir umgengni við dóttur sína verður deilan um tréð sífellt harðari. Eignaspjöll eru framin og gæludýr hverfa á dularfullan hátt þegar sögusagnir um mann með keðjusög fara á kreik.
14. sæti - Aftur á lista
HeimildarmyndÍslensk mynd
Leikstjórn Baldvin Z
Söguþráður Sagan af Reyni Erni Leóssyni sem gerði garðinn frægan á áttunda áratugnum sem sterkasti maður í heimi. Hann var trúaður maður og þótti hafa yfirnáttúrulega hæfileika, enda vann hann mikið þrekvirki á ferli sínum og mörg heimsmet hans standa enn í dag. En erfiðleikar í æsku gerðu hann að manni með myrk leyndarmál og hrakyrtan alkóhólista sem reyndi að fá viðurkenningu frá samfélagi sínu allt sitt líf.
15. sæti - Aftur á lista
DramaHrollvekjaSpennutryllirRáðgáta
Leikstjórn Yorgos Lanthimos
Söguþráður Skurðlæknirinn Steven flækist inn í erfiðar aðstæður sem krefjast þess að færa þarf nær óhugsandi erfiða fórn, þegar að ungur drengur sem hann tekur undir sinn verndarvæng fer að haga sér undarlega.
16. sæti - Aftur á lista
GamanmyndÆvintýramyndFjölskyldumyndSöngleikurTeiknimynd
Leikstjórn Jayson Thiessen
Söguþráður Lífið í höfuðborg smáhestanna gæti varla verið fullkomnara en það er, enda byggt á gleði, söng, ævintýrum og órjúfanlegum vinaböndum. En þegar hin vonda og valdagráðuga Tempest Shadow ákveður að taka völdin ásamt ófrýnilegum þjónum sínum neyðast smáhestarnir undir forystu prinsessunnar Skystar til að ferðast þvert í gegnum Smáhestaland og freista þess að finna nýja bandamenn sem geta hjálpað þeim.
17. sæti - Aftur á lista
GamanmyndDrama
Leikstjórn Sally Potter
Söguþráður Gamanleikur sem snýst upp í harmleik
18. sæti - Aftur á lista
GamanmyndHrollvekjaFjölskyldumyndTeiknimynd
Leikstjórn Holger Tappe
Söguþráður Eftir að Baba Yaga breytir föðurnum Frank í Frankenstein, eiginkonu hans, Emmu, í vampíru og börnum þeirra tveim, Fee og Max, í múmíu og varúlf hefst viðburðaríkur eltingarleikur fjölskyldunnar við nornina í því skyni að fá hana til að breyta þeim aftur í fjölskylduna sem þau voru. Á því ferðalagi komast þau Frank, Emma, Fee og Max í kostuleg kynni við ýmis önnur skrímsli, bæði stór og smá, þ. á m. sjálfan Drakúla sem verður í þokkabót ástfanginn af Emmu.
19. sæti - Aftur á lista
SpennumyndGamanmyndÆvintýramyndFjölskyldumyndTeiknimynd
Söguþráður Langt, langt í burtu er eyjan og borgin Ninjago. Þar búa þau Lloyd, Jay, Kai, Cole, Zane og Nya sem á daginn þurfa að glíma við skólann, skólalífið og öll hin hversdagsmálin en á kvöldin við alls konar skrímsli og óvætti sem herja á Ninjago auk hins valdagráðuga og illa Lords Garmadon – sem er faðir Lloyds. The LEGO Ninjago Movie er þriðja LEGO-kubbamyndin en þær fyrri, The LEGO Movie og The LEGO Batman Movie, slógu hressilega í gegn í kvikmyndahúsum heimsins enda einstaklega skemmtilegar og fyndnar, viðburðaríkar, vel gerðar – og innihalda góðan boðskap. Það er óhætt að fullyrða að The LEGO Ninjago Movie er bíóupplifun fyrir alla fjölskylduna Therouxeins og hún gerist best. Myndin verður sýnd bæði með íslensku og ensku tali en á ensku eru það þau Dave Franco, Justin , Jackie Chan, Olivia Munn, Kumail Nanjiani, Michael Peña, Zach Woods, Fred Armisen, Abbi Jacobson og Kaan Guldur sem tala fyrir helstu persónurnar.
20. sæti - Aftur á lista
DramaSpennutryllirGlæpamyndRáðgáta
Leikstjórn George Clooney
Söguþráður Þegar fækkar um einn í íbúatölu bæjarins Suburbicon eftir að glæpamenn ráðast inn á heimili Gardner-hjónanna og myrða húsmóðurina fer í gang sérkennileg atburðarás sem enginn hefði getað séð fyrir. En auðvitað er ekki allt sem sýnist.
Vinsælast í bíó - 11. til 13. des. 2017