Paramount kvikmyndafyrirtækið hefur birt fyrstu stikluna úr myndinni Jack Ryan: Shadow Recruit með Chris Pine í titilhlutverkinu.
Eins og við sögðum frá í vikunni þá lést rithöfundurinn Tom Clancy á þriðjudaginn síðasta, en myndin er byggð á vinsælustu persónu höfundarins, Jack Ryan, sem hefur einnig verið aðalsöguhetjan í bíómyndum eins og The Hunt For Red October og Patriot Games.
Ryan er í þessari nýju mynd nýútskrifaður úr sjóhernum, og er ekki byrjaður hjá leyniþjónustunni CIA, en vinnur sem fjármálaráðgjafi þegar sök er komið á hann í hryðjuverkamáli.
Leikstjóri er Kenneth Branagh og handrit skrifuðu Adam Cozad og David Koepp. Aðrir helstu leikarar eru Keira Knightley, Kevin Costner og Branagh sjálfur.
Sjáðu stikluna hér fyrir neðan.
Myndin verður frumsýnd í Bandaríkjunum um næstu jól.