Notes on a Scandal
Bönnuð innan 12 áraÍ myndinni er ofbeldi
Í myndinni er sýnd nekt og/eða þar er að finna kynferðislega hegðun eða tilvísanir
Myndin vísar til eða sýnir notkun vímuefna
Í myndinni er ljótt orðbragð
RómantískDramaSpennutryllirGlæpamynd

Notes on a Scandal 2006

Frumsýnd: 16. febrúar 2007

One Woman's Mistake Is Another's Opportunity...

7.4 71862 atkv.Rotten tomatoes einkunn 87% Critics 7/10
92 MÍN

Barbara Covett er bitur, kaldhæðin og einmana kennari, hörð og íhaldssöm, og nálgast eftirlaunaaldur, en samkennarar og nemendur leggja á hana fæð. Í einmanaleika sínum í íbúð sinni, þá eyðir hún tíma sínum í að skrifa í dagbók og hugsa um gamla köttinn sinn, Portia, auk þess sem hún saknar vinkonu sinnar Jennifer Dodd. Þegar Sheba Hart kemur sem nýr... Lesa meira

Barbara Covett er bitur, kaldhæðin og einmana kennari, hörð og íhaldssöm, og nálgast eftirlaunaaldur, en samkennarar og nemendur leggja á hana fæð. Í einmanaleika sínum í íbúð sinni, þá eyðir hún tíma sínum í að skrifa í dagbók og hugsa um gamla köttinn sinn, Portia, auk þess sem hún saknar vinkonu sinnar Jennifer Dodd. Þegar Sheba Hart kemur sem nýr listakennari í skólann, þá beinir Barbara athygli sinni að henni, og skrifar harðar og leiðinlegar athugasemdir um hegðun hennar og klæðaburð. Þegar Barbara hjálpar Sheba í erfiðu máli vegna tveggja nemenda, þá ákveður Sheba að bjóða henni í þakklætisskyni í hádegisverð með fjölskyldunni. Sheba kynnir hana fyrir eiginmanninum og fyrrum kennaranum Richard Hart, sem er um tuttugu árum eldri en Sheba; uppreisnargjarnri unglingsdóttur sinni Polly; og syni sínum Ben, sem er með Downs heilkennið. Barbara verður náin Sheba, en þegar hún kemst óvænt að því að Sheba á í ástarsambandi við hinn fimmtán ára gamla nemanda Steven Connolly, þá ákveður Barbara að grípa tækifærið og komast enn nær Sheba, og felur leyndarmálið fyrir skólastjóranum. Þegar Portia deyr og Sheba ákveður að fara frekar að sjá son sinn leika í leikriti en að eyða tíma með Barbara hjá dýralækninum, þá ákveður Barbara að hefna sín, og úr verður mikið hneyksli og rót í þeirra lífi.... minna

Aðalleikarar

Judi Dench

Barbara Covett

Cate Blanchett

Sheba Hart

Michael Maloney

Sandy Pabblem

Joanna Scanlan

Sue Hodge

Bill Nighy

Richard Hart

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (3)


Kvikmyndin Notes on a Scandal byggir á samnefndri bók eftir Zoe Heller. Bókin er mjög góð og var vinsæl og því var ráðist í gerð þessarar myndar.

Myndin fjallar mestmegnis um tvær konur sem báðar kenna við grunnskóla í London. Barbara Covett (Judi Dench) er að nálgast eftirlaunaaldurinn og er búinn að kenna mannkynssögu í mörg ár. Hennar aðferðir byggjast upp á því að halda járnaga í bekknum. Hún býr ein ásamt kettinum sínum og er oft mjög einmana. Sheba Hart (Cate Blanchett) er nýr kennari við skólann. Hún hefur ekki kennt áður og kennir myndlist. Hún er gift Richard Hart (Bill Nighy) og saman eiga þau tvö börn. Barbara og Sheba eru nánast einst og svart og hvítt en ná samt saman og verða trúnaðarvinkonur. Barbara kemst samt að því að Sheba er ekki öll þar sem hún er séð. Upphefst þá ákveðin togstreita á milli vinkvennanna sem á eftir að hafa skelfilegar afleiðingar.

Notes on a Scandal er virkilega vönduð kvikmynd. Leikstjórinn Richard Eyre (Iris) heldur vel utan um handritið og nær fram því besta úr leikurunum því allir standa sig frábærlega, sérstaklega Judi Dench og Cate Blanchett. Það er frekar óþægilegt að horfa á myndina því hún snertir á mjög svo viðkvæmum málefnum.

Helsti galli myndarinnar liggur í lausum endum í lokin. Síðustu 10 mínúturnar eru ekki alveg í takt við framvinduna. Það dregur myndina niður um eina stjörnu.

Samt sem áður er þetta mynd sem unnendur alvöru kvikmynda verða að sjá.
Fannst þér gagnrýnin hjálpleg? Nei

Barbara Covett(Judi Dench) er sögu kennari í menntaskóla, sem er óvinsæl,einmanna,alein gömul kona sem býr ein með kettinum sínum og það eina sem hún gerir er að kenna, sjá uum köttinn sinn og skrifa í dagbókina sína. Þegar nýr myndmenntar kennari Sheba Hart(Cate Blanchett) er ráðin, hún er ólík Barböru en samt finnur Barbara löngun til þess að vingast við hana og verða þær vinir.

Barbara er hálf hneyksluð á fjölskyldu Shebu, hún er gift Richard (Bill Nighy) sem er tuttugu árum eldri en hún og saman eigu þau 2 börn, 16 ára stelpu sem er frjálsleg og svo yngri son sem er með Downs heilkenni. Þegar Barbara kemst að Sheba á í ástarsambandi við 15 ára gamlan nemanda sinn Steven(Andrew Simpson) Þá hefur hún algjört vald yfir Shebu en ælast til þess að Sheba hætti með Steven og að hún hjálpi henni með köttinn sinn en þegar Sheba fylgir ekki áætlun Barböru algjörlega þá.....

Notes on a Scandal var tilnefnd til 4 Óskarsverðlauna í ár(2007) fyrir tónlist, handrit á áður útgefnu efni og svo fyrir bestu leikkonur í báði aðal(Dench)- og aukahlutverki(Blanchett).

Myndin er að mörguleiti eins og sjónvarps mynd en þá mjög góð sjónvarps mynd. Handrit Patrick Marber(Closer) er gott og leikstjórn Richard Eyre(Iris, Stage beauty)mjög góð. Myndatakan var líka mjög góð og tónlistin fín.

En það besta við myndina var magnaður leikur Judi Dench sem hefði alveg mátt fá Óskars verðlaunin

Cate Blanchett og Bill Nighy eru einnig góð.

Notes on scandal er vöndað og vel leikið drama sem hægt er að mæla með, svo lengi sem áhorfendur vita við hverju á að búast.
Fannst þér gagnrýnin hjálpleg? Nei

Notes on a scandal segir frá Shel(Cate Blanchett) og Barbara(Judi Dench) sem eru kennslukonur í gagnfræðiskóla. Shel er gift og allt fer í hund og kött þegar hún byrjar að halda framhjá eiginmanni sínum. Ekki nóg með það heldur er viðhaldið fimmtán ára gamall strákur sem er nemandi í skólanum. Barbara segir ekki til vinkonu sinnar en eins og við mætti búast endar þetta allt með ósköpum. Notes on a scandal reyndist ekki vera eins slæm og ég bjóst við, ég fíla yfirleitt ekki hádramatískar myndir en NOAS fylgir þeirri leið að ekki nema hluta til. Barbara sem Dench leikur talar sem þulur af og til og gefur það þeim atriðum sterkan blæ en annars er þetta voða líkt þessum sjónvarpsmyndum sem maður sér á rúv. Það glittir í smá spennu og hún er vel leikin en það nægir ekki til að koma þessu þurra handriti vel út á filmu. Á köflum ágætis afþreying og þulurinn segir margt snjallt en í heild ekkert meira en miðjumoð.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn