Slæmar fréttir fyrir aðdáendur Ted Danson og hinna í lögguþáttunum CSI: Samkvæmt heimildum Vulture.com er búið að ákveða að slá þættina af eftir 15 þáttaraðir. CSI yrði þar með önnur vinsæla serían til að ljúka göngu sinni, en ákveðið hefur verið að hætta að framleiða American Idol söngvakeppnina.
Vulture hefur fréttirnar eftir tveimur aðilum úr bransanum og segir að þættirnir muni hætta með sérstakri sjónvarpsmynd, til að hnýta alla lausa enda í þáttunum.
Góðu fréttirnar eru hinsvegar þær að hliðarserían CSI: Cyber heldur áfram, en búið er að framleiða eina seríu af þeim þáttum.