8. ágúst 2012 8:41 | Tómas Valgeirsson
Endurlit: Intouchables
Intouchables er eitt af þessum lífsnauðsynlegu meðölum sem mikilvægt er að hafa við hendina svo maður breytist ekki í algjöran fýlupoka í lífinu. Þetta er mynd sem kannar það hversu mikla sál þú hefur og launar þér síðan með afslappaðri, huggulegri, ótrúlega fyndinni og mannlegri bíómynd sem tekst næstum því að sigrast á helstu göllum sínum bara með því að vera hún sjálf. En bara næstum því.

Uppsetningin er ótrúlega hefðbundin, nánast svo mikið að maður spyr sig hversu miklu hefur verið breytt úr hinni sönnu sögu sem er verið að segja. Reyndar verður strax augljóst hvernig breytingar voru gerðar hjá persónunum (eða allavega einni), en væri þessi mynd gerð í Bandaríkjunum hefði hér verið ágætt tækifæri til að búa til teygða mynd sem leikur sér með tilfinningar þínar og sýgur tárkirtlanna úr þér með tilgerðarlegri dramatík. Sem betur fer er þessi litla franska perla nógu snjöll til að koma ekki fram við áhorfendur sína eins og heiladauða apaketti og rúllar bara á sínum hraða og spilar með nákvæmlega þá styrkleika sem hún veit að hún hefur; gott handrit, þægilegan tón og leikarasamspil sem er með því betra sem sést hefur síðastliðið ár. Úr þessu þrennu myndast ákveðinn sjarmi sem gerir þessa merku mynd alveg þvílíkt knúsanlega.

Með aðeins meiri krafti hefði þetta léttilega getað orðið að mini-meistaraverki. Myndin er ofureinföld og sykruð en eiginlega af nauðsyn vegna þess að hún forðast það að vera melódramatísk og þung og er heldur ekkert að skella tilgangslausri byrði við söguna (eins og stefnulaus sub-plott eða áhersla á aukapersónur sem skipta engu máli). Það kemur einnig skemmtilega á óvart hvernig svona indæl mynd getur lyktað svona sterkt af földum rasisma. Til dæmis átta ég mig ekki alveg á því hvers vegna annar aðilinn úr hinu dásamlega tvíeyki myndarinnar er næstum því gerður að beinni staðalímynd, á meðan fyrirmynd sögunnar virðist alls ekki passa við þennan prófíl. Hann er nú frá Arabíu í raun og þ.a.l. jafn nálægt því að vera hvítur (er það nokkuð of ljótt að nota orðið "karamellubrúnn?"). Segjum bara að myndin hafi ákveðið að "sverta" hann aðeins upp. Kannski örlítið meira en bara aðeins.



Karakterinn er að vísu algjör snillingur, þannig að vandinn er í sjálfu sér enginn. En hér erum við engu að síður að ræða um gettó-blökkumann sem ræðst á fólk upp úr þurru ásamt því að vera erfiður, þröngsýnn á tónlist sem hann getur ekki dansað við og gengur alltaf um með jónu á sér. Heldur er hann ekkert alltof duglegur að róa sig á greddunni í návist fallegra kvenna, sem er svosem ekkert óalgengt á meðal karlmanna. Ég beið þess í rauninni að sjá hvort KFC kæmi myndinni eitthvað sögunni við, til að loka þessum prófíl með stæl. En hvort sem leikstjórarnir hafi áttað sig á þessu eða ekki, þá eru merkin frekar geislandi þótt þau skemmi hvergi myndina.

Ef ég myndi giska þá myndi ég þó halda að hér hafi bara verið gerð undantekning til að velja rétta manninn í hlutverkið frekar en að einblína á lítil smáatriði. Omar Sy er nefnilega stórkostlegur í sínu hressa en viðkunnanlega hlutverki, en ekkert síður fullkominn heldur en mótleikari hans, François Cluzet - eða "franski Dustin Hoffman" eins og ég kalla hann. Hlátur þessara manna er geysilega smitandi, eins og maður geti þreifað á vináttu þeirra, og vil ég gjarnan útnefna þá sem eitt besta tvíeyki ársins, ef ekki síðasta árs. Annars er þetta hin dásamlegasta "feel good/crowd pleaser" rasistaperla sem mun gera daginn þinn betri.
Það er guaranterað!


(8/10)

 
Stikk:
Höfundur: Tómas Valgeirsson
NÝLEGAR FRÉTTIR
30.04.2016
Ný Lara Croft fundin
Ný Lara Croft fundin
Óskarsverðlaunaleikkonan Alicia Vikander hefur verið ráðin til að leika aðalhlutverkið í tölvuleikjamyndinni Tomb Raider. Leikstjóri verður Roar Uthaug, leikstjóri The Wave, sem verður frumsýnd hér á landi 6. maí nk. Myndin mun segja sögu Croft á yngri árum, í sínu fyrsta ævintýri. Flestir ættu að muna eftir Angelinu Jolie í fyrri tveimur Tom Raider myndunum,...
meira
29.04.2016
Ferrell hættur við Reagan
Ferrell hættur við Reagan
Við sögðum frá því í gær að gamanleikarinn Will Ferrell myndi leika Ronald Reagan fyrrum Bandaríkjaforseta í nýrri gamanmynd sem er í bígerð.  Nú berast hinsvegar fréttir af því að Ferrell hafi hætt við þátttöku í myndinni, mögulega vegna óánægju fjölskyldu Reagans. Myndin á að gerast við byrjun annars kjörtímabils forsetans, þar sem hann fer að...
meira
29.04.2016
Cruz gistir á hótelherbergjum
Cruz gistir á hótelherbergjum
Penelope Cruz mun framleiða og leika aðalhlutverkið í myndinni Layover, sem er byggð á samnefndri skáldsögu Lisa Zneider frá árinu 1999.  Hún fjallar um syrgjandi sölukonu sem kúplar sig út úr sínu hefðbundna lífi og fer að gista á hinum ýmsu hótelherbergjum. Toni Kalem skrifaði handritið og hún mun einnig leikstýra. Cruz sást síðast í hinni misheppnuðu Zoolander...
meira
29.04.2016
The First Omen í undirbúningi
The First Omen í undirbúningi
Kvikmyndaverið Fox er að undirbúa myndina The First Omen sem gerist á undan atburðunum sem áttu sér stað í hrollvekjunni The Omen frá árinu 1976.  Antonio Campos er í viðræðum um að leikstýra myndinni en hann á að baki Christine sem var frumsýnd á Sundance-hátíðinni. Sú mynd fjallar um Christine Chubbuck, 29 ára fréttakonu sem framdi sjálfsvíg í beinni útsendingu...
meira
28.04.2016
Bresk viðbót í Wolverine 3
Bresk viðbót í Wolverine 3
Tveir nýir leikarar hafa verið ráðnir í þriðju Wolverine myndina; Bretarnir Richard E. Grant og Stephen Merchant, sem þekktur er m.a. fyrir samstarf sitt við grínistann Ricky Gervais. Grant verður þorpari, einskonar brjálaður vísindamaður, en fyrir í myndinni í hlutverki aðal illmennis er Boyd Holbrook.  Persónu Holbrook er lýst sem áköfum, kröfuhörðum og lífshættulega...
meira
28.04.2016
Will Ferrell verður Ronald Reagan
Will Ferrell verður Ronald Reagan
Will Ferrell, sem þekktur er fyrir túlkun sína á George W. Bush Bandaríkjaforseta, í ýmsum grínsketsum, hefur verið ráðinn til að leika annan Bandaríkjaforseta í nýrri mynd. Heimildir Variety kvikmyndaritsins herma að Ferrell muni leika Ronald Regan í myndinni Reagan, en handrit myndarinnar skrifaði Mike Rosolio. Myndin hefst við byrjun annars kjörtímabils...
meira
27.04.2016
Leigumorðingi fær lífvörð - ný Reynolds mynd í tökur
Leigumorðingi fær lífvörð - ný Reynolds mynd í tökur
Ryan Reynolds, sem sló eftirminnilega í gegn sem ofurhetjan Deadpool, hefur nú snúið sér að næsta verkefni, en þar er um að ræða kvikmyndina The Hitman's Bodyguard, eða Lífvörður leigumorðingjans, í lauslegri þýðingu. Tökur myndarinnar hófust í dag, en með önnur helstu hlutverk fara Samuel L. Jackson, Gary Oldman, Elodie Yung og Salma Hayek. Leikstjóri er...
meira
27.04.2016
Farsímar breyta fólki í ófreskjur
Farsímar breyta fólki í ófreskjur
Allir eiga farsíma í dag. Fyrir mörgum er tilhugsunin um að vera ekki með símann á sér, hræðileg. En hvað ef eitthvað skelfilegt lúrði í farsímamerkinu, sem gæti haft ófyrirséðar afleiðingar? Um þetta fjallar skáldsaga hrollvekjumeistarans Stephen King frá árinu 2006, Cell, og nú er á leiðinni kvikmynd upp úr bókinni með þeim John Cusack og Samuel L. Jackson...
meira
26.04.2016
Blind á morðstað
Blind á morðstað
Screen Germs framleiðslufyrirtækið er með í undirbúningi endurgerð hrollvekjunnar See No Evil frá árinu 1971, en Mia Farrow fór þar með aðalhlutverk. Mike Scannell skrifar handritið og þeir Bryan Bertino og Adrienne Biddle frá Unbroken Pictures framleiðslufyrirtækinu, munu framleiða myndina. Í hinni upprunalegu See No Evil lék Farrow unga blinda konu sem snýr aftur...
meira
26.04.2016
Athafnakonur fá lærling
Athafnakonur fá lærling
Bandaríska leikkonan Emma Stone mun leika aðalhlutverkið í gamanmyndinni Women in Business, eða Athafnakonur, í lauslegri þýðingu. Kate McKinnon og Jillian Bell leika einnig í myndinni, og Jake Szymanski, sem leikstýrði Mike and Dave Need Wedding Dates, mun sjá um leikstjórn. Myndin fjallar um tvær metnaðargjarnarn konur sem sendar eru í viðskiptaferð til Kanada,...
meira