Vika til stefnu. Á miðnætti þann 20. júlí ætlum við að rúlla The Dark Knight Rises í gegn, hlélausri og með fullum krafti (Power, takk fyrir!). Einnig verður okkar ástkæra búningaþema í gangi þetta kvöld (eins og við tilkynntum áður), þar sem við nördarnir viljum helst kveðja þennan þríleik með viðeigandi húllumhæi. Þeir sem vilja eru hvattir til þess að taka þátt í okkar stórskemmtilega „Mættu sem þinn uppáhalds Batman-karakter“ þema og verða glæsileg verðlaun í boði fyrir þá sem koma í flottustu búningunum. Meira um það á næstu dögum.
Tryggðu þér miða á þessa epísku forsýningu hér eða í næstu miðasölu Sambíóanna (skiptir engu máli í hvaða bíói) ef þú notar ekki kreditkort. Enn er eitthvað til af miðum. Verðið er 1550 kr. Við munum tilkynna það á Facebook-síðunni okkar um leið og það selst upp.
Til gamans má geta þá fara dómarnir að hlaðast inn á Rotten Tomatoes frá og með 15. júlí.