Ed Helms mun leika hlutverk Rusty Griswold í væntanlegri Vacation mynd ef samningaviðræður ganga eftir. Eins og flestir vita þá lék Chevy Chase heimilisföðurinn Clark Griswold í National Lampoon’s Vacation sem kom út árið 1983. Þeirri mynd gekk svo vel að úr var myndaröð. Nú er komið að því að endurtaka leikinn.
Helms mun leika soninn Rusty og mun þessi Vacation mynd fjalla um ferðalög hans með fjölskyldunni þar sem þau munu lenda í ýmiss konar ævintýrum. Það er fastlega búist við því að Chevy Chase leiki í myndinni sem Clark Griswold, en hversu stórt það hlutverk verður á enn eftir að koma í ljós. John Daley og Jonathan Goldstein munu leikstýra myndinni ásamt því að skrifa handritið, en þeir eru hvað þekktastir fyrir að hafa skrifa handritið að Horrible Bosses. Tökur á Vacation hefjast næsta vor.
Hvað segiði um þetta, er Helms rétti maðurinn í hlutverkið ? Á hann eftir að standa sig betur en Chevy Chase ?