Christopher Lambert, sem sló í gegn sem hinn ódauðlegi Highlander, en hefur að mestu verið fastur í B-myndum síðan þá, á nú í viðræðum við framleiðendur framhaldsins af Ghost Rider, Ghost Rider: Spirit of Vengeance. Frá þessu er sagt á vefnum Superherohype.com
Lambert sagði frá þessu á Facebook síðu Highlander, en gaf ekki upp hvaða hlutverk um er að ræða.
Ef af samningum verður þá mun hann hitta fyrir í myndinni þau Nicolas Cage, Ciaran Hinds, Violante Placido, Idris Elba og Johnny Whitworth. Myndin verður frumsýnd þann 17. febrúar 2012.