Næsta vika býður upp á úrval sígildra mynda í bíó – tilvalið tækifæri til að rifja upp kvikmyndatöfra fortíðar á stóra tjaldinu.
Eftirfarandi er stutt yfirferð yfir þær Nostalbíómyndir sem verða sýndar víðs vegar um borgina á næstu dögum.
Con Air (1997)
Þegar hópur hættulegra fanga nær tökum á flugvél fangaflutninga, stendur fyrrverandi hermanninum Cameron Poe (leikin af Nicolas Cage) til boða að bjarga deginum. „Inni í vélinni er ótrúlegt safn skrautlegra og hættulegra karaktera – allt frá kaldlyndum hryðjuverkamönnum til hrollvekjandi raðmorðingja, og spennan magnast með hverri mínútu. Cameron Poe þarf að nota bæði herþjálfun sína og skynsemi til að halda stjórn, allt á meðan flugvélin stefnir óðfluga í átt að stórslys. Con Air er adrenalíndrifið hasarspennutryllir frá tíunda áratugnum sem sameinar hasar, húmor og stórleikara á borð við John Malkovich og Steve Buscemi.
Myndin verður sýnd mánudaginn 21. apríl í Sambíóunum Egilshöll, sal 1, klukkan 20:00. Miðar fást hér: https://www.sambio.is/event/3130/title/con_air_1997
Happy Gilmore (1996) – Bíótöfrar
Óóborganleg gamanmynd þar sem Adam Sandler leikur reiða íshokkímanninn sem uppgötvar óvænta hæfileika á golfvellinum. Bráðfyndin mynd sem minnir á hvers vegna Adam Sandler varð svona stór stjarna. Til að bjarga heimili ömmu sinnar þarf Happy Gilmore að keppa í atvinnumóti þar sem hann mætir snobbuðum andstæðingum og skapar algeran usla á vellinum.
Happy Gilmore er ekki bara ein af vinsælustu myndum Adam Sandlers, hún er líka orðin sannkölluð kult-grínklassík sem stendur enn fyrir sínu áratugum síðar. The price is wrong, b****!
Myndin verður sýnd fimmtudaginn 24. apríl í Sambíóunum Kringlunni, sal 1, klukkan 21:00. Miðar fást hér: https://www.sambio.is/event/3127/title/happy_gilmore_1996/
Moulin Rouge! (2001)
Í París um aldamótin 1900 lenda rithöfundurinn Christian og kabarettstjarnan Satine í ástarævintýri sem fléttar saman tónlist, ástríðu og örlög. Með Nicole Kidman og Ewan McGregor í aðalhlutverkum er þessi sjónræna og tónlistarlega stórmynd ómissandi á stórum skjá.
Myndin verður sýnd föstudaginn 25. apríl í Bíó Paradís, sal 1, klukkan 21:00. Miðar fást hér: https://bioparadis.is/mynd/29_moulin-rouge—f-studagspart-s-ning/
Miss Congeniality (2000)
Sandra Bullock fer með hlutverk harðgerðrar FBI-umboðskonu sem þarf að dulbúast sem fegurðardrottning í hættulegu leyniverkefni. Létt og fyndin mynd sem hefur notið mikilla vinsælda og minnir á mikilvægi þess að vera trúr sjálfum sér.
Myndin verður sýnd föstudaginn 25. apríl í Sambíóunum Kringlunni, sal 2, klukkan 19:00. Miðar fást hér: https://www.sambio.is/event/3120/title/miss_congeniality_2000
Network (1976)
Ein beittasta samfélagsádeila kvikmyndasögunnar, þar sem siðferði fjölmiðla og vald gróðafíknar eru tekin föstum tökum. Með mögnuðum leik frá Peter Finch, Faye Dunaway og William Holden hefur Network fengið síendurtekið lof fyrir forspárgildið sitt. Þótt Network hafi verið gerð árið 1976, fjallar hún um fjölmiðla og fréttamiðla sem eru að umbreytast í skemmtanaiðnað, þróun sem margir segja hafa ræst að fullu á síðustu áratugum. Hún spáir fyrir um „infotainment“ menningu, þar sem sannleikur víkur fyrir sjónvarpsvinsældum og útsendingar verða að leikriti.
Myndin verður sýnd sunnudaginn 27. apríl í Bíó Paradís, sal 1, klukkan 21:00. Miðar fást hér: https://bioparadis.is/mynd/409_network/?event=svartir-sunnudagar
Cameron Poe er fyrrum hermaður á heimleið eftir 7 ára fangelsisvist. Hann bíður spenntur eftir að sjá konu sína og dóttur, sem hann hefur aldrei hitt. Hann ásamt öðrum föngum er fluttur í flugvél þar sem öryggisgæsla er í hámarki. Hlutirnir fara hins vegar heldur betur úr ...
Misheppnaður íshokkíleikmaður uppgötvar að hann er með kraftmestu golfsveiflu í sögu golfsins. Hann fer inn í P.G.A. meistaramótaröðina til að þéna peninga til að bjarga húsi ömmu sinnar. Ókosturinn við þetta er sá að hugsunarháttur hokkíleikmanns á illa við í P.G.A. ...
Frábær dans og söngvamynd sem gerist í Rauðu myllunni í París um síðustu aldamót og fjallar um ástir og örlög. Myndin gerist árið 1899. Christian, ungur enskur rithöfundur er kominn til Parísar til að taka þátt í listalífinu þar. Neðanjarðarhreyfing listamanna og bóhema er...
Gracie Hart er alríkislögreglumaður sem vinnur á laun, í dulargervi, og er lítt gefin fyrir það að sýna sínar kvenlegu hliðar. Alla jafna er hún eldklár fulltrúi, en nú á hún í vandræðum í vinnunni þegar hún gerist sek um dómgreindarbrest í máli sem hefur slæmar ...
Sandra Bullock vann American Comedy Awards. Tilnefnd til tveggja Golden Globe. Sandra Bullock fyrir leik, og lagið One In A Million einnig tilnefnt.
Network (1976)
8.1 
91% 
7/10 Howard Beale, sem hefur starfað lengi sem fréttaþulur hjá UBS sjónvarpsstöðinni, fær reisupassann, og þarf að fara af vinnustaðnum innan tveggja vikna, en áhorf á þátt hans hefur farið minnkandi. Hann bregst við þessu með því að tilkynna á tilfinningaþrunginn hátt í beinni ...