Moulin Rouge! (2001)

VÁÁÁÁÁÁÁÁÁ!!!!!!!!

Þvílík snilld. Þarna sameinast allt í einni mynd. Söngur, dans, tilfinningar, spenna, fyndni. Og þetta allt gerir Moulin Rouge að stórkostlegri upplifun. Þetta er ástarsaga um fátækan rithöfund og fallega gleðikonu sem verða ástfangin.

Nicole Kidman og Ewan McGregor sýna bæði stjörnuleik í þessari mynd sem ALLIR verða að sjá. Enda var Moulin Rouge tilnefnd til 8 óskarsverðlauna. Þetta er frábær mynd sem maður sekkur ofan í og gleymir sér allveg.

Þær eru ekki margar myndirnar sem fá fullt hús hjá mér en Moulin Rouge er ein allra mesta snilld sem ég hef séð.

Ég skemti mér konunglega á henni í bíó en en samt verð ég að segja að fæstir sem ég þekki séu á sama máli um hana.

Moulan Rouge er tímamóta mynd og held ég að hún eigi eftir að hafa í för með sér tísku bylgju mynda í hollywood þar sem að b-myndaframleiðendur eigi eftir að fara hamförum við að reyna eitthvað svipað.

Svo mykill er hraðinn og ruglið í myndinni sem einfaldlega er byggt upp með tónlist, myndatöku og klippingu að það getur reynst erfitt að filgjast með henni, og held ég að það sé bæði ástæðan fyrir því að fólk hreynlega dírkar þessa mynd og að aðrir hreinlega hata hana.

Góðir leikarar standa sig með príði og sína ótrúlega sönghæfileika.

Ég varð alveg heillaður af myndinni og keypti mér geysladiskinn og hann er líka alveg magnaður.

Þessa mynd verða allir að sjá þó svo að það sé ekki nema að reyna að horfa á hana, því þó svo að vinunum líkaði hún ekki þá þíðir það ekki að þér líki hún ekki.

Á skalanum bíó, video eða sjónvarp var hún pottþétt bíó.

Þetta er besta söngmynd sem ég hef séð á ævi minni. Nicole Kidman og Ewan Mcgregor eru alveg frábær í myndinni og svo er tónlistin, kvikmyndataka, hljóð og búningarnir alveg frábærir. Ég get hiklaust mælt með þessari. Ef þið eigið DVD, takið hana þá á DVD, því hún er í tvem diskum og með yfir 6 tímum af aukaefni sem er mjög gaman að horfa á.

Ég hafði miklar væntingar til þessarar myndar og satt best að segja varð ég fyrir vonbrigðum. Moulin Rouge má eiga það að hún er rosalega flott, hver einasta rammi er útpældur. Frábærir búningar, sviðsmynd, leikur og lög eru til staðar, en einhvern vegin náði hún ekki að fanga hug minn. Ég hefði ekkert orðið pirraður ef myndbandstækið hefði bilað eftir 60 mín. Þá var í ég í rauninni búinn að sjá nóg. Söguþráðurinn er mjög þunnur og ómerkilegur og á köflum fíflalegur. Það bætti samt úr skák að lögin eru góð og myndin er veisla fyrir augað.

p.s. mér finnst þetta ekki vera óskarsverplaunamynd, bara þægileg mynd sem gleymist fljótt.

Ég var í smá vanda hvort ég ætti að velja þrjár og hálfa eða fjórar stjörnur í einkunnargjöf á myndina, fjórar stjörnur varð niðurstaðan, þá sérstaklega fyrir djörfung myndarinnar. Þ.e. hér var ekki ráðist á garðinn þar sem er lægstur, hér er eitthvað nýtt og ferkst á ferð sem er hreint kvikmyndaundur og gengur svo fullkomlega vel upp.

Persónusköpunin er mjög góð og leikur allra er nánast flekklaus. Nicole Kidman fer á kostum í hlutverki sínu sem Satine. Ástralski leikstjórinn Baz Luhrmann skilar þvílíkum leikstjórasigri að vart fá orð því lýst, áður hefur hann leikstýrt Romeo + Juliet (1996) og Strictly Ballroom (1992). Þegar myndin var hér í bíó var mér bent á að ég yrði að sjá hana í bíó því þar nýtur hún sín best. Einhverra hluta vegna varð ekkert úr því, þannig að ég sá hana bara heima á DVD og hækkaði sæmilega í heimabíógræjunum til reyna að upplifa stemningu myndarinnar sem best. Það virkaði, en ég veit núna afhverju ég átti að sjá myndina í bíó, þetta er ein STÓR bíómynd!

Tónlist myndarinnar er frábærlega vel fléttuð við söguþráðinn, og fólk sem var ungt uppi á þeim tímum þegar mörg lög myndarinnar voru vinsæl fær skemmtilega upprifjun á þeirri tónlist. Nicole Kidman sannar að hún getur sungið og það vel. Ewan McGregor getur heldur betur líka sungið og þau smellpössuðu bæði í sín hlutverk.

Þessi kvikmynd er ein af betri myndum kvikmyndasögunnar að mínu mati og ótrúleg upplifun er að sjá hana. Ég verð eflaust einn af þeim fyrstu að festa kaup á henni á DVD þegar hún kemur út hér á landi. Ég vona að Moulin Rouge! taki sem flesta óskara í ár, og þá helst fyrir bestu kvikmyndina og besta kvenhlutverkið. Ef þú hefur ekki séð þessa mynd, þá verður þú bara að sjá þessa mynd áður en þú sérð nokkuð annað!

TÆRASTA TÆRASTA SNILLD. Ég ætla ekkert að rekja söguþráðin en þessi mynd á eftir að verða klassík. Eftir 100 ár þegar allir hafa gleymt Citizen Kane mun Moulan Rouge vera mælieining á gæði 20. aldarinnar. Fólk mun flykkjast að í Moulan Rouge þorpið í Universial Studios og allir munu eiga hana í special edition á DVD. Hún snerti mig og ég skammast mín ekkert fyrir að sega það en ég fór virkilega að hugsa um Frelsi og Ást eftir að ég sá þessa mynd en hver og einn tekur örugglega mismunandi skilaboð frá henni en allir elska. DRÍFÐU ÞIG ÚTÍ BÍL EF ÞÚ ERT EKKI BÚIN AÐ SJÁ HANA OG TAKTU ÁSTINA ÞÍNA MEÐ FARÐU Í LÚXUSSALIN OG KAUPTU ÞÉR BJÓR, ANDAÐU DJÚPT OG GÓÐA FERÐ..

Þvílík upplifun! Frábær mynd!!! Maður sat sem negldur í sætið og reyndi eftir megni að missa ekki af neinu, stöðug keyrsla frá upphafi til enda og þvílíkt show!! þetta er svona ekta mynd sem höfðar til mín, litagleði og flott tónlist, leikgleði og frumlegheit í fyrirrúmi! Ég var persónulega mjög hrifin af bæði Romeo + Juliet og Strictly Ballroom og þessi mynd ber mjög sterk leikstjóraeinkenni, svona hraðspól-fílingur yfir mörgum atriðum og leikurum sem var mjög áberandi í Romeo+Juliet. Maður var smá stund að komast inní hraðspól-fílinginn í R+J en svo er hann snilld :) tónlistin er meiriháttar, frábært að heyra nýjar útsetningar á popplögum.. þau eiga fullkomlega heima í myndinni! Söngur þeirra Ewan og Nicole var mjög góður en persónulega fannst mér Ewan ekkert stela senunni með söng sínum, hann syngur svolítið kreist.. en alveg ágætlega samt :) Baz virðist vera hrifinn af svolítilli dramatískri tónlist, hún var mjög svipuð eins og í R+J, næstum því stundum sömu stefin.. Þessi mynd er skylda í bíó, EKKI bíða eftir henni á video!! Og eitt í lokin.. AFNEMA HLÉ TAKK FYRIR!!! alveg óþolandi hvernig hlé var sett á í atriði þar sem það átti ALLS EKKI við og eyðilagði hápunktsstemninguna algjörlega. Það er misþyrming við myndir að setja hlé..

Moulin Rouge er óumdeilanlega ein allra LEIÐINLEGASTA mynd sem ég hef séð í langan tíma. Ég var nú aldrei sérstaklega spenntur fyrir henni, en margir sem ég hafði talað við fannst myndin frábær. Ég vissi svona nokkurn vegin hvernig mynd þetta er, en það var samt miklu meira um söngatriði en ég bjóst við. Það var ekkert í myndinni sem mér fannst áhugavert (Nicole Kidman er að vísu mjög flott) og myndin snerti mig ekki á neinn hátt. Ég get varla lýst því hvað mér fannst þetta leiðinleg mynd. Ekki það að hún sé eitthvað léleg, langt í frá. Þetta er vel gerð mynd og leikararnir eru góðir, en vegna þess hvað mér leiddist myndin þá get ég ekki gefið nema hálfa stjörnu og ég hefði farið út í hléi ef það hefði ekki þýtt að ég hefði þurft að labba heim í næturfrosti Reykjavíkurborgar. Moulin Rouge á það sameiginlegt með The Avengers að ég vil aldrei sjá þessar myndir aftur. Eitt í lokin: Þetta er ekki bíómynd heldur söngleikur og á því heima í leikhúsi en ekki í kvikmyndahúsi.

Hvernig er hægt að gera svona stórkostlegar myndir? Ég er (næstum því) orðlaus yfir þessari yfirnáttúrulegu SNILLD! Sagan gerist á 19. öld í París. Aðalpersónurnar eru Christian (Ewan McGregor), fátækur, rómantískur rithöfundur og Satine (Nicole Kidman) sem er stjarna skemmtistaðarins og hóruhússins Moulin Rouge. Þau verða ástfangin en þau verða að fara leynt með það því Satine er heitbundin ríkum hertoga. Ekkert sérlega djúpur söguþráður, en það pirrar mann ekkert. Maður sekkur bara gjörsamlega inn í alveg ótrúleg söng-og-dansatriði (ég er ennþá með gæsahúð af hrifningu), magnaða klippingu og myndatöku, glæsilega búninga og leikmynd og síðast en ekki síst frábær leikur. Nicole er frábær, besta hlutverkið hennar til þessa, en Ewan er... VÁ! Þvílík rödd! Rétt er að taka fram, áður en þessum lofsöng mínum lýkur, að þetta er í fyrsta sinn á ævi minni sem tárin runnu í stríðum straumum niður kinnar mínar af hrifningu.

Moulin Rouge er stórkostleg kvikmynd sem ég hef nokkrum tíma séð. Ég átti von á hún væri góð en ekki að hún væri svona rosalega góð. Nicole Kidman og Ewan McGregor eru frábær í hlutverkum sínum sem Satine og Christian. Þau syngja mjög vel en Ewan McGregor hefur mjög sérstaka söngrödd. Tónlistin er frábær. Moulin Rouge er ein af uppáhalds myndunum mínunum. Myndin er hreint snilld og hún á óskarinn skilið.

Þetta er frábær mynd sem allir ættu að sjá. Maður var bara inní myndinni allan tíma. Frábær tónlist, ég fór strax útí búð og keypi diskinn. Besta mynd þessa árs! EKKI MISSA AF ÞESSARI Í BÍÓ.

Þvílíkt sjónarspil sem þessi mynd er. Ég leifi mér að fullyrða að hér er komin glæsilegasta mynd ársins og þótt víðar væri leitað. Og maður hélt að söngleikir væru óframkvæmanlegir á filmu. Hinn ofurferski Baz Luhrmann sannar svo sannarlega að maður hefur rangt fyrir sér. Myndin fjallar um unga ljóðskáldið Christian (Ewan McGregor) sem kemur til Parísar um aldamótin 1900 inn í hina frjálslyndu Bóhemamenningu sem þar viðgengst. Þar hittir hann fyrir leikritaskáldið smávaxna Toulouse-Lautrec (John Leguizamo) og gerast þeir góðir vinir. Lautrec tekur Christian með sér á Rauðu Mylluna eða Moulin Rouge, heitasta næturklúbb Parísar þar sem hinn skrautlegi Harold Zidler (Jim Broadbent) ræður ríkjum. Þar hittir Christian í fyrsta skipti söngkonuna undurfríður Satine (Nicole Kidman) og verður umsvifalaust yfir sig ástfanginn af henni. Sú ást er endurgoldin þegar hann hefur sungið sig inn í hjarta hennar en sá galli er þó á að hún á að giftast greifanum af Monroth (Richard Roxburgh) sem mun í staðinn styrkja fjárhagslega Rauðu Mylluna umtalsvert. Mun Christian og Satine geta átt hamingjusamt líf saman eða ekki? Þetta er nú söguþráðurinn og þótt hann virðist vera eins og í nánast öllum öðrum ævintýrum þá er manni alveg sama. Sagan er klassísk og pökkuð hérna inn í þvílíkar umbúðir að annað eins hefur maður aldrei séð áður. Búningarnir, leikmyndirnar, hönnunin, förðunin, allt hjálpast þetta við að skapa ævintýraheim sem er til inni í hugarflugi hvers mannsbarns. Og ekki bara það að myndin líti óaðfinnanlega út heldur blandar hún frábærlega saman lögum úr nútímanum (T-Rex, David Bowie, Elton John). Þessi mynd fer líka allan tilfinningaskalann, hún er gamanmynd, drama, harmleikur og fyrst og fremst ástarsaga, allt í einum pakka. Leikararnir eru óaðfinnanlegir. Hin ofurglæsilega Nicole Kidman hefur aldrei verið glæsilegri en hér og sýnir það enn eina ferðina að hún er afbragðsleikkona. Ekki veit ég hvort skilnaðurinn við Tom Cruise hafi eitthvað að gera með það en um þessar mundir er hún vinsælli en nokkru sinni fyrr. Svo hefur hún einnig fína söngrödd. Ewan McGregor hefur heldur ekki verið betri síðan hann lék í Trainspotting og fer frábærlega með sitt hlutverk. Og hann hefur stórkostlega söngrödd, hann ber af í því sambandi. John Leguizamo er stórskemmtilegur sem hinn smávaxni rómantíkus, stórleikarinn Jim Broadbent er traustur í sínu hlutverki og Richard Roxburgh er skemmtilega ógeðfelldur sem hin aumkunarverða hertogapísl. Allt í allt er þetta unaðslegur kokkteill tragi-kómedíu, söngs, dans og lita sem rennur svo ljúpt niður að maður nánast grátbiður um meira. Ein besta mynd ársins.