Gagnrýni eftir:
The Waterboy0 af 0 fannst gagnrýnin hjálpleg
Þessi mynd er GEÐVEIK fyrir Sandler aðdáendur! Mjög skemmtileg og frumleg saga, en ég get ekki gefið meira en þrjár stjörnur, vegna þess að þessi mynd er ekki gerð til þess að vera góð mynd, heldur til þess að hlæja að henni. Þú þarft að hafa mjög brutal húmor til þess að hlæja að henni, og ef þú hefur hann er ekki spurning um á hvaða mynd þú ferð næst! Mæli MIKIÐ með henni ef þú vilt hlæja!
Enemy of the State0 af 0 fannst gagnrýnin hjálpleg
Mjög vel skrifaður thriller, þar sem er tekið á samsæri í bandarísku ríkisstjórninni enn og aftur. Skemmtilega útfærð af hálfu leikaranna líka. Will Smith, sem er mjög venjulegur maður, lendir í því að vera hundeltur af bandarísku ríkisstjórninni eins og áður sagði, vegna hluts sem hann veit ekki að hann hefur. Þetta er allt gert í þágu þjóðar öryggis, eða, það segja þeir amk. Mjög skemmtileg og vel skrifuð mynd, og mæli ég með henni handa, ja, nánast öllum.
Holy Man0 af 0 fannst gagnrýnin hjálpleg
Ólíkt öðrum myndum sem Eddie Murphy hefur gert, þá er nasty húmor í þessari, og finnst mér hann takast mjög vel upp. Ég skil ekki aðra dóma, svo sem þessa fyrir framan mig, að gefa hálfa stjörnu. Mér þykir mjög líklegt að þeir tveir séu vinir, og hafa verið down þegar þeir fóru á þessa mynd. Eddie Murphy er frábær, og svo má líka segja um Jeff Goldblum. Hún á ekki minna skilið en 3. Það sem má hins vegar segja, er að húmorinn höfðar kannski ekki til allra, og það held ég að sé meinið. Hann höfðaði mjög svo til mín.
Rush Hour0 af 0 fannst gagnrýnin hjálpleg
Rush Hour er mjög skemmtileg og kostuleg mynd, en samt vantar eitthvað. Hún er með margar skemmtilegar senur, en svo eru margar ýktar, svosem vondu karlarnir, og þeir eru eiginlega hafðir of vondir. Þ.e.a.s. þeir eru að gera það sem þeir eru að gera fyrir peninga, en það er ekki þar með sagt að þeir séu algjörlega tilfinningalausir. Mættu líka vera fleiri bardagaatriði með Jackie Chan, þar sem að hann setur mikinn svip á myndina, og mætti sýna meira af hans slagsmálum, með flottum stunts, eins og maður hefur séð í öllum hans myndum. Samt sem áður fín mynd, og góð skemmtun að fara á í bíó.
There's Something About Mary0 af 0 fannst gagnrýnin hjálpleg
Þetta er eitthver sú besta, ef ekki sú besta og kostulegasta grínmynd sem ég hef nokkurntíman séð. Það sem hún hefur fram yfir aðrar grínmyndir, svosem Dumb & Dumber, er til dæmis það að hún er ekki eins mikil endemis vitleysa...heldur meikar plottið sens í þessari mynd. Ben Stiller er frábær í þessari mynd, svo og allir aðrir leikarar. Ég hef aldrei hlegið eins mikið í bíó eins og á þessari mynd og reyndar sló ég manneskjuna fyrir framan mig óvart nokkru sinnum af hlátri og ég mæli með þessari mynd fyrir alla með húmor og líka þá sem telja sig of snobbaða til að fara á aðra eins mynd. Þetta er eitthver sú besta skemmtun sem þú getur fengið í bíó.