Network (1976)

Howard Beale, sem hefur starfað lengi sem fréttaþulur hjá UBS sjónvarpsstöðinni, fær reisupassann, og þarf að fara af vinnustaðnum innan tveggja vikna, en áhorf á þátt hans hefur farið minnkandi. Hann bregst við þessu með því að tilkynna á tilfinningaþrunginn hátt í beinni útsendingu að hann hyggist fremja sjálfsmorð í beinni útsendingu. Með þessari yfirlýsingu þá verður Beale mikil sjónvarpsstjarna, og ein verðmætasta eign Communications Corporation of America ( CCA ), fyrirtækisins sem er að taka yfir starfsemi UBS. Í framhaldinu fær hann sinn eigin sjónvarpsþátt, sem "klikkaði spámaður ljósvakans". Hann kemur fram í sjónvarpi á hverju virku kvöldi til að segja almenningi sannleikann. Þátturinn slær í gegn en Beale notar áhrif sín til að ljóstra upp um sláandi staðreyndir um CCA, og kemur yfirmönnum fyrirtækisins í mikil vandræði.