Aðalleikarar
Leikstjórn
Handrit
UMFJALLANIR AF ÖÐRUM MIÐLUM
Gagnrýni (1)
Það fór ekki mikið fyrir þessari mynd. Það er eins og að hún hafi verið afskrifuð af því að Vind Diesel er í henni. Oftast er það reyndar góð ástæða en ekki í þetta skiptið. Maður þarf ekki annað en að sjá hver leikstýrir þessari mynd til að sjá að það er mögulega eitthvað varið í hana. Ok, Lumet hefur gert sinn skerf af meðalmyndum en hann hefur líka gert meistaraverk. Þessi lendir einhversstaðar á milli.
Það sem kom mér mest á óvart við þessa mynd er sjálfur Vin Diesel. Yfirleitt hefur hann verið látinn leika kalda töffara en hér fær hann tækifæri til að sýna á sér nýjar hliðar og stendur sig ferlega vel. Hann leikur Jackie DiNorscio, eða Jackie Dee, sem ákveður að verja sig sjálfur í stórum mafíuréttarhöldum. Það bætir alltaf við smá dýpt þegar myndir eru sannsögulegar. Fyrirkomulagið á þessum réttarhöldum er þannig að réttað er yfir mörgum mafíósum á sama tíma og þetta býr til ákveðin vandamál á meðal félaganna. Réttarhöldin eru fyndin og skemmtileg og ég get ekki annað en mælt með þessari mynd.