Tin Men (1987)

Ernest Tilley og Bill "BB" Babowsky eru "Tin - Menn", menn sem ganga í hús og selja vöru sína, í Baltimore árið 1963. Þeir vinna fyrir sitthvort fyrirtækið, og þeir eru tilbúnir að gera nánast allt til að ná að selja, hvort sem það er löglegt eða ekki. Þeir hittast fyrst eftir að BB kaupir nýjan Cadillac bíl, til að viðhalda þeirri ímynd að hann njóti velgengni. Nánast um leið og hann er byrjaður að keyra bílinn keyrir hann á annan Cadillac, sem Tilley keyrir ( allir tin menn aka um á Cadillac bifreiðum. Ekki er ljóst hverjum áreksturinn að kenna. BB kemur út á götuna út um bílskúrshurð á bílasölunni, í afturábak gír og ekur mjög hægt, á meðan Tilley var pínu utan við sig, en hann var samt í rétti. Mennirnir heita því samt þarna að gera hvað sem er til að ná sér niðri á hvorum öðrum. Eftir að þeir eru búnir að brjóta gluggana á bílum hvors annars, þá gengur BB skrefi lengra. Hann tælir eiginkonu Tilley til að hefna sín. Það sem hann veit ekki er að Tilley langar að skilja við eiginkonuna hvort sem er. Mennirnir eru orðnir langþreyttir á stríðinu sem ríkir á milli þeirra, og ákveða að spila púl upp á hver á að fá konuna. BB tapar, en hann ákveður að heiðra ekki samkomulagið. Hann er orðinn skotinn í konu Tilleys. Nýlega stofnuð nefnd, Maryland Home Improvement Commission, sem berst gegn spillingu í sölubransanum hirðir leyfin af báðum mönnunum. Nú sættast mennirnir og byrja að skiptast á hugmyndum að nýju fyrirtæki sem þeir ætla að stofna.