Superman II (1980)

Superman 2 er að mínu mati ekkert síðri en fyrsta myndin. Hér tekur Superman(Christopher Reeve) þá ákvörðun að afsala sér ofurkröftunum en tekur þá nánast strax aftur eftir að þrjú ill ofurmenni frá Krypton ógna jörðinni. Eitt af því sem gerir Superman 2 svona góða er að Reeve kafar mjög djúpt í karakterinn og þegar hann er 'mannlegur' þ.e.a.s. án ofurkrafta þá sýnir myndin það hvað hann er veikbyggður þá(atriðið á veitingastaðnum og þegar hann gengur í snjóbylnum). Margot Kidder leikur Lois Lane sem fyrri daginn og gerir það bara vel þó hún sé annars ekkert spes leikkona og Gene Hackman snýr aftur sem Lex Luthor sem er bara gott mál. Semsagt, skemmtileg mynd og mjög trú myndasögunum(OK, kannski ekki mjög trú en trú samt) .

Richard Donner gerði Superman 1 og 2 nánast á sama tíma. Og er það ástæðan af hverju 2 féll aðeins í metum hjá mér. Þrátt fyrir að hafa góð action atriði(þá helst bardagi Superman við aðalóvinina þrjá frá 1) og flottan stíl eins og einkenndi fyrstu myndina, þá er ég viss um að Donner hefði kannski átt að taka sér smá tíma frá fyrstu myndinni og fara betur í suma hluti. Þó hún toppi ekki 1 og Superman Returns, þá er hún pottþétt betri en 3 og 4(sem voru bara hörmung, let's face it). Lokaniðurstaða: 3 stjörnur og hin fínasta skemmtun.