Superman
Öllum leyfð
SpennumyndVísindaskáldskapurÆvintýramynd

Superman 1978

(Superman: The Movie)

You'll Believe a Man Can Fly!

7.4 146,864 atkv.Rotten tomatoes einkunn 94% Critics 7/10
143 MÍN

Vísindamaðurinn Jor-El hefur reynt hvað hann getur til að sannfæra æðsta ráð plánetunnar Krypton um að plánetan sé að farast fjótlega, en án árangurs. Hann bregður þá á það ráð að senda barnungan son sinn, Kal-El, til Jarðarinnar, svo að Kryptonar deyi ekki út. Kal-El öðlast ofurmannlega hæfileika á Jörðu, og verður vörður sannleikans og réttlætisisn.... Lesa meira

Vísindamaðurinn Jor-El hefur reynt hvað hann getur til að sannfæra æðsta ráð plánetunnar Krypton um að plánetan sé að farast fjótlega, en án árangurs. Hann bregður þá á það ráð að senda barnungan son sinn, Kal-El, til Jarðarinnar, svo að Kryptonar deyi ekki út. Kal-El öðlast ofurmannlega hæfileika á Jörðu, og verður vörður sannleikans og réttlætisisn. Hann er alinn upp af Kent hjónunum, sem er bændafólk á miðjum aldri. Þau gefa honum nafnið Clark Kent, og hann áttar sig á því að hann verður að nota hæfileika sína til góðs. Þegar Clark er orðinn fullorðinn fer hann til borgarinnar Metropolis, þar sem hann gerist fréttamaður fyrir dagblaðið Daily Planet, en í frítíma sínum skrýðist hann búningi og skikkju og fremur hetjudáðir í borginni sem Superman, eða Ofurmennið. Helsti glæpamaður Jarðarinnar, Lex Luthor, er á sama tíma að gera sína stærstu og illvígustu áætlun frá upphafi, og nú er spurningin sú hvort að Ofurmennið nái að stöðva Lex og hans illa ráðabrugg. ... minna

Aðalleikarar

Christopher Reeve

Superman / Clark Kent

Margot Kidder

Lois Lane

Gene Hackman

Lex Luthor

Jackie Cooper

Perry White

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (7)

Leyndarmál alheimsins á tyggjóbréfi
 Mjög góð mynd þar sem Christopher Reeve fer alveg á kostum sem hinn góðkunni Superman. Fyrsta myndin í seríunni leikstýrð af Richard Donner og rekur sögu Kal-El alveg frá fæðingu sinni á Krypton og sendur til jarðarinnar til þess þegar hann flytur til Metropolis til að lifa tvöföldu lífi, annars vegar sem klaufinn Clark Kent og hins vegar sem sjálfur Superman. Gene Hackman leikur skúrkinn Lex Luthor sem hefur áætlanir um að taka yfir vesturströnd Bandaríkjanna og skipa sjálfan sig konung. Superman the Movie er mjög vönduð ofurhetjumynd í umgjörð og tæknibrellum. Hún er að vísu soldið lengi að byrja en það er reyndar alltílæ því að það hefði eiginlega ekki verið hægt að hafa þetta styttra. Christopher Reeve og Gene Hackman eru svo sannarlega sniðnir fyrir hlutverk sín sem Superman og Lex Luthor og samleikur þeirra frábær. Ned Beatty leikur hinn vitgranna Otis sem er aðstoðarmaður Luthor's en eini tilgangur hans hér er til að skapa hlátur. Svo er það Margot Kidder sem skapar bara mjög ásættanlega Lois Lane. Fyrirtaks mynd sem fær þrjár stjörnur.
Fannst þér gagnrýnin hjálpleg? Nei

It's a bird? It's a plane? No, it's Superman. Þetta er lína sem fólk þekkir út um allan heim. Í tilefni þess að Superman Returns er að fara byrja í bíóhúsum, fannst mér tilvalið að gera gagrýni um upprunalegu myndina sem byrjaði þetta allt saman, Superman: The Movie. Sagan: Jor-El(Brando) segir að innan við 30 tíma muni Krypton springa. Vísindamennirnir taka ekki mark á honum, en þegar hún springur ákveður Jor-El að senda sinn eina son, Kal-El(Reeve) til Jarðar. Það kemur svo í hendur Clark hjónanna, þegar þau fyrir tilviljun sjá hylkið sem hann hrapaði í, að sjá um hann. Þau ala hann upp eins og hann væri þeirra eigið og nefna hann Clark Kent. Kenna honum á lífið og tilveruna. Faðir hans hefur trú á því að hann hafi ástæðu fyrir því að vera hér á Jörðinni. Þegar faðir Clarks fær hjartaáfall, ákveður hann að notfæra sér krafta sína og taka orð föður síns í mál og verða að þeim manni sem honum var ætlað að verða: Superman. Clark fær vinnu hjá blaðafyrirtæki og þar kynnist hann Lois Lane(Kidder). En annars staðar í heiminum liggur hætta af einum manni: Lex Luthor(Hackman). Hann ætlar sér að eyða stærstum hluta Kaliforníu til að eignast sitt eigið land. Nær Superman að stöðva geðveiki Luthors eða nær Luthor markmiðum sínum? Superman: The Movie er meistaraverk og granddaddy of the superheromovies. Það höfðu verið gerðar tilraunir til að gera ofurhetjumynd, en það var ekki fyrr en Richard Donner ákvað að gera Superman sem súperhetjumyndir fengu rétta meðferð. Og er ég glaður að hann gerði hana, því annars hefðu myndir eins og Batman, Spider-man, Blade, X-men o.fl. stórkostlegar ofurhetjumyndir ekki litið dagsins ljós. En hvað varðar Superman sjálfa, þá er allt að virka hérna: Sagan er stór í sniðum og vel skrifuð, sviðsmyndin og tæknibrellur eru stórkostlegar(miðað við mynd frá 78), actionið í myndinni er mjög gott og heldur myndin mjög góðum hraða alveg frá byrjun til enda, persónusköpun er brilliant og leikstjórn Richard Donner snilld. Svo eru það leikararnir. Marlon Brando, í þann tíma sem hann er á skjánum, kemur með magnaða frammistöðu í hlutverk Jor-El. Chistopher Reeve er alveg brilliant í hlutverki Superman/Clark Kent, og mun enginn ná að toppa hann. Nær hann að koma með certain charm í persónu Clark, og the macho man í karakter Superman. Margot Kidder er góð í hlutverki Lois Lane og er samleikur Kidder og Reeve magnaður. Svo er alveg magnað að sjá Gene Hackman í hlutverki Lex Luthor. Hann kemur með svo mikla illsku og innlifun í karakter sinn, að maður getur ekki annað en dáðst að honum. Svo er sá sem leikur Otis einstaklega fyndinn. Lokaniðurstaða: Superman er fullkomin mynd og pottþétt ein besta superhetjumynd sem hefur komið, nokkurn tímann.
Fannst þér gagnrýnin hjálpleg? Nei

Þetta er alveg ágæt mynd sem hefur fengið þrusu dóma frá gagnrýnendum en ekki alveg frá mér þótt hún sé mjög mikil klassík.Hún fjallar um strák sem á heima á plánetu langt í burtu.En plánetan sem hann býr á er að fara að springa þannig að faðir hans býr til lítið geimfar. Svo sendir hann út í geiminn og um leð springur hnötturinn. Svo líða nokkur ár þar til gömul hjón finna hann. Og á jörðinni lendir hann í ýmsum ævintýrum.Ég ætla ekki að segja meir um þessa mynd en mér fannst hún svona ágæt en vonand finnts ykkur hún góð.Góða skemtun


Fannst þér gagnrýnin hjálpleg? Nei

Superman er ein af fáum góðum ofurhetjumyndum. Christopher Reevee, blessuð sé minning hans, leikur Superman líkt og enginn annar getur. Superman er mjög góð mynd sem allir ættu að sjá.
Fannst þér gagnrýnin hjálpleg? Nei

Þetta er mjög góð mynd með Christopher Reeve og Gene Hackman.

Myndin er alveg ofboðslega vel gerð sérstaklega miðað við hvað hún er gömul.

Þetta er skyldumynd fyrir alla bíóunendur.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn