No Reservations (2007)

Meistarakokkurinn Kate vinnur á topp veitingastað í Manhattan í New York, en vegna þess hvað hún er köld, ósveigjanleg, regluföst og pirrandi vinnualki sem hugsar um ekkert nema starfið, ákveður eigandi staðarins að senda hana til sálfræðings. Heimur hennar hrynur þegar systir hennar deyr og tíu ára gömul frænka hennar, Zoe, flytur inn til hennar. Á veitingastaðnum eru einnig breytingar þegar nýr kokkur er ráðinn, sem er léttur og hress og hún óttast að hann eigi að koma í staðinn fyrir hana til frambúðar.