Lars and the Real Girl (2007)

Lars Lindstrom (Ryan Gosling) er feiminn ungur maður sem býr í smábæ. Lars er mjög vinsæll í bænum, en kaupir af einhverjum ástæðum kynlífsdúkku sem hann kynnir sem kærustuna sína fyrir bróður sínum og mágkonu. Lars er fullkomlega alvara svo að vinir hans og ættingjar verða mjög áhyggjufullir og hafa samband við lækni bæjarins. Læknirinn vill meina að allt sé í lagi með Lars þar sem hann eigi almennt auðvelt með mannleg samskipti og að ranghugmyndir hans sé merki um að hann sé að takast á við erfiðar tilfinningar. Með öðrum orðum, þá mælir læknirinn með því að ættingjar og vinir Lars taki þátt í ranghugmyndinni. Fréttir berast hratt í litlum smábæjum og brátt eru allir bæjarbúar farnir að taka tillit til Lars og koma fram við kynlífsdúkkuna sem alvöru manneskju. En hafði læknirinn rétt fyrir sér? Lars trúir því að samband hans við dúkkuna sé bæði náið og innihaldsríkt og það lítur ekki út fyrir að Lars lagist í bráð.