Mad Max (1979)

Myndin gerist í fjarlægri framtíð þegar heimurinn hefur gengið í gegnum hamfarir. Algjört samfélagslegt hrun er rétt handan við hornið. Löggurnar reyna að halda uppi lögum og reglu, á meðan útlagagengi reyna að brjóta niður kerfið og skapa usla. Hinn leðurklæddi Max Rockatansky, húsbóndi, eiginmaður, faðir og lögga, gerist skyndilega dómari, kviðdómari og böðull, eftir að besti vinur hans, eiginkona og barn eru öll drepin. Við erum hér stödd á ystu mörkum siðmenningarinnar þar sem maður sem hafði allt með sér í lífinu, og hafði allt að lifa fyrir, missir það og gengst brjálæðinu á hönd. Mad Max er andhetja á vegi hefndar og óminnis.