Krippendorf's Tribe (1998)

Richard Dreyfuss leikur hér mannfræðing sem skáldar ættbálk í Afríku til að bjarga sér úr veseni í háskólanum sem hann starfar í. Jenna Elfman leikur aðstoðarkonu hans sem veit ekki að þetta er plat fyrr en langt er á liðið. Krippendorf's tribe er semsagt misheppnuð og er bara léleg í alla staði en miðað við það þá er hún alveg horfanleg. Að minnsta kosti til að horfa á einu sinni. Það sem hana vantar er handrit sem býður upp á meiri ærslagang en það er einmitt það sem verður að fylgja þessari grunnhugmynd. Það bara gerist ekki nógu margt djúsí og húmorinn er í algjöru lágmarki. Nokkur góð atriði líma þessu þó saman og gera þetta að viðunandi sorpi ef þannig má að orði komast. Dreyfuss og Elfman standa sig ekki sem verst en eiga engan stórleik samt. Allt í allt mislukkuð mynd sem hefði getað orðið svo góð en hún bara er það ekki. Ég hvet ykkur ekki til að forðast beint Krippendorf's tribe því alslæm er hún ekki en þið getið alveg látið hana framhjá ykkur fara.

Þessi mynd fjallar mannfræðing sem er í krísu í sínu lífi og baráttu hans við vonda mannfræðinginn sem vill stela einhverju frá honum. Þetta er ein allra lélegasta mynd sem ég hef séð (tvisvar) um ævina (til og frá útlöndum í Flugleiða vél og kann ég þeim engar þakkir fyrir) allavega illa leikin leikstýrð og fáránlega leiðinlegur söguþráður gerir þetta að einni lélegustu mynd sem ég hef séð !!!!!