Head of State (2003)

Fékk mér þessa mynd um daginn. Horfði á hana, þegar þetta leiðindarveður var. Mér finnst þessi mynd alveg ágæt.Chris Rock hefur undanfarið verið í uppáhaldi hjá mér. Annars hefði ég alls ekki keypt mér myndina. Það sem hálpaði líka til að ég elska Everybody Hates Chris.Þetta er samt frábær afþreying fannst mér en ekki svona "stórmynd". Ekki sem maður myndi nenna að fara á í bíó.Ég gef myndinni 6,5 af 10 stjörnum.

Chris Rock hefur aldrei verið í neinu uppáhaldi hjá mér en honum tekst samt yfirleitt einhvernveginn að skila sínu.

Myndin er fyndin það er ekkert hægt að deila um það en hún er einnig mjög vitlaus og það er ekki heldur hægt að deila á það. Hún heldur ágætlega dampinum í gegn og þó svo að hún detti aðeins niður í miðri mynd þá veldur það ekki neinum varanlegum skaða. Ég bjóst við því að sjá betri mynd en varð samt sem áður ekki fyrir miklum vonbrigðum.

Get ekki mælt með því að fólk sjái hana í bíó en það er alveg þess virði að sjá hana á video.

Svipar soldið til Bulworth (Warren Beatty), ég er farinn að halda að Chris sé að reyna að leika eftir kvikmyndaferill Beatty's, fyrst með Down to earth sem er endurgerð myndarinnar Heaven can wait, það má kannski segja að Bad Company hafi verið Chris Rock's Ishtar. En aftur til myndarinnar, Chris er valinn til að reyna að ná embætti, ekkert meira né minna en sem forseti Bandaríkjanna eftir að annar frambjóðandana ferst í flugslysi, hann er reyndar ekki valinn til að vinna framboðið heldur frekar til að vinna til sín minnihlutahópana svo Demokratar muni líta betur út fyrir næstu kosningar og þá sérstaklega Senator Bill Arnot, þegar mótframbjóðandinn fer að taka eftir því að Chris sé að ná stigum í könnunum, fer hann að spila óheiðarlega með auglýsingum og rógburð, Chris vill ekki fara þá leið en neyðist svo til að finna sjálfan sig og hvað hann er um, eftir slæma útreið sem hann fær. Þessi mynd fer svolítið í rugl inn í miðri mynd en nær sér aðeins á strik í restina, svona allt í allt ágætis mynd en veit ekki hvort það sé þess virði að fara á hana í bíó nema þú hafir skemmt þér vel við að horfa á Down To Earth því þær eru í nákvæmlega sama skala.