Down with Love
Öllum leyfð
GamanmyndRómantísk

Down with Love 2003

Frumsýnd: 3. október 2003

The ultimate catch has met his match.

6.3 37,386 atkv.Rotten tomatoes einkunn 60% Critics 6/10
101 MÍN

Árið er 1962 og Barbara Novak er nýkomin til New York frá Maine eftir að hafa skrifað bókina Down With Love. Bókin kennir konum að stunda kynlíf eins og karlmenn, og að aðskilja ást algjörlega úr jöfnunni. Catcher Block er vinsæll blaðamaður sem á að skrifa grein um Novak, en hann er mikill kvennabósi. Hann lofar yfirmanni sínum Peter að hann geti hjálpað... Lesa meira

Árið er 1962 og Barbara Novak er nýkomin til New York frá Maine eftir að hafa skrifað bókina Down With Love. Bókin kennir konum að stunda kynlíf eins og karlmenn, og að aðskilja ást algjörlega úr jöfnunni. Catcher Block er vinsæll blaðamaður sem á að skrifa grein um Novak, en hann er mikill kvennabósi. Hann lofar yfirmanni sínum Peter að hann geti hjálpað honum að fá stefnumót með ritstjóra Barbara, Vikki Hiller, en hann sjálfur dulbýr sig sem geimfarinn Zip Martin til að tæla Novak til fylgis við sig, og sýna fram á að hún vilji bara vera eins og hann vill hafa konur, þægar og góðar inni á heimilinu. ... minna

Aðalleikarar

Renée Zellweger

Barbara Novak

Ewan McGregor

Catcher Block

Sarah Paulson

Vikki Hiller

David Hyde Pierce

Peter MacMannus

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (3)


Down with love er algjört rugl! Þetta er ekkert nema rugl frá upphafi til enda. En samt sem áður þótt mér hún góð. Ég er rugluð þannig að mér finnst þannig myndir góðar. En mynd makear nánast ekkert sense! jújú kanski smá en já þetta er semsagt mynd um konu (Reneé Zellweger) sem er að gefa út bók, Down with love. Það gengur ekki slysalaust fyrir sig! Svo reynir hún að komast í eitthvað tímarit og láta mann (Ewan McGregor) skrifa um sig í því. Og svo verður þetta allt að einni flækju! Góð mynd en léttgeggjuð.
Fannst þér gagnrýnin hjálpleg? Nei
Fleiri svona myndir!
Rómantískar gamanmyndir hafa aldrei verið í mjög miklu uppáhaldi hjá mér en get þó ekki neitað því að Down with Love sé ein af þeim betri sem ég hef séð í langa tíð. Hluti af þeirri staðreynd er sú að hún er ekki formúludrifin eins og flestar nútíma rómantískar gamanmyndir, heldur ferðast hún ennþá lengra aftur í tímann til slíkra mynda frá sjöunda áratugnum.

Útlit og umgjörð er látin vera í ekta '60s stíl, söguþráður er einnig framsettur á gamaldags máta og persónusamskipti ljómandi ýkt. En niðurstaðan á þessu er bara hreint út sagt bráðskemmtileg. Þetta virkar kannski hálf hallærislegt í augum sumra (aðallega þeirra sem þekkja ekki til mynda frá þessu tímabili), en þetta kemur þó glæsilega vel út.

Þau Ewan McGregor og Renée Zellweger skila einnig afbragðsgóðum frammistöðum og smellpassa saman á skjánum. Svo er einnig vert að minnast á David Hyde Pierce, sem stelur óneitanlega senunni í einu aukahlutverkinu. Tónlistin passar vel við, húmorinn er á köflum óborganlega fyndinn og stemmningin er á góðu stigi. Þetta er skemmtileg nýjung fyrir rómantíska gamanmynda-geirann. Hún er meira en þess virði að líta á, þó svo að ekki allir munu kunna að meta hana eins vel.

7/10

Fannst þér gagnrýnin hjálpleg? Nei

Down with Love er byggð á því sem Bandaríkjamann kalla gimmick. Það þýðir að maður verður að taka myndinni eins og er þó svo raunveruleikatengslin séu nánast engin. Gimmickið hérna er að myndin er gerð í nákvæmlega sama stíl og kynlífsgamanmyndir sjöunda áratugarins þar sem fólk eins og Doris Day og Rock Hudson léku aðalhlutverkin. Down with Love er m.a.s. byggð á sömu sögu og myndin Pillow Talk með þeim Hudson og Day. Það er ekki nóg að söguþráðurinn sé gamaldags, heldur er allt annað í sama stíl. Sviðsmyndir eru í sterkum litum, bakgrunnurinn er alltaf málaður, og búningar og tónlist eru sömuleiðis í gamaldags stíl. Renée Zellweger og Ewan McGregor leika aðalhlutverkin. Hún er í hlutverki Barböru Novak, ungrar konu sem hefur skrifað bók um að konur þurfi ekki ást og geti notið kynlífs án skilmála eins og karlmenn. Hann leikur kvennabósann Catcher Block, sem ákveður að heilla dömuna upp úr skónum til að afsanna bókina. Mér fannst hugmyndin að baki Down with Love mjög sérstæð, og margt við myndina er mjög smellið. Þegar á leið fannst mér aðstandendur hins vegar ganga of langt með stílfæringuna, og oft á tíðum varð ég svolítið pirraður á öllum þessum látum. Úrlausn ástarsögunnar er líka gjörsamlega út í hött. Samt má hafa gaman að allri þessari vitleysu. Sérlega fannst mér þau David Hyde Pierce og Sarah Paulson í hlutverki bestu vina söguhetjanna vera frábær, og það geislar óneitanlega af Zellweger og McGregor. Leikstjórinn Peyton Reed (Bring It On) festir sig jafnframt í sessi sem frumlegur og ferskur kvikmyndagerðarmaður. Fínasta skemmtun, bara aðeins of langt gengið.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn