Scott Lang og Hope Van Dyne, ásamt Hank Pym og Janet Van Dyne, skoða Skammtaríkið (e. Quantum Realm), þar sem þau eiga í höggi við skrýtnar verur og lenda í ævintýri sem fer framúr öllu sem þau hafa áður kynnst.
Í Avengers Endgame frá 2019 þá var Cassie Lang leikin af Emma Fuhrmann. Í þessari mynd fer Kathryn Newton með hlutverkið. Fuhrmann sagði á Twitter að hún hefði fyrst komist að því að hún væri ekki með þegar Disney sagði frá myndinni á fjárfestadegi í desember 2020. Hún sagði einnig að þó hún væri leið yfir þessu, þá væri hún samt enn þakklát fyrir að vera hluti af Marvel heiminum.
Þetta er fyrsta Ant-Man kvikmyndin þar sem Paul Rudd er ekki meðhöfundur handritsins.
