From Prada to Nada (2011)

Myndin er lauslega byggð á hinni sígildu sögu Jane Austen, Sense and Sensibility. Sögusviðið er fært til Bandaríkja dagsins í dag og gerist í kringum tískuheiminn. Myndin segir frá tveimur systrum sem njóta lífsins í botn, enda miklar tískudrósir. Einn daginn lenda þær í þeim sorglegu aðstæðum að faðir þeirra deyr fyrir aldur fram. Þegar hann deyr komast þær svo að því í ofanálag að hann var ekki ríkur eins og hann hafði alltaf látið líta út fyrir, heldur bláfátækur. Það veldur því að þær neyðast til að flytja úr glæsivillunni sem þær bjuggu í og heim til frænku þeirra, sem til þessa hefur látið þær sig litlu varða. Þá tekur við erfið leið þeirra aftur að ríkidæminu og frjálsum aðgangi að öllu því nýjasta í tískunni.