Along Came a Spider (2001)

Frábær mynd . Ég átti ekki von á góðu þegar ég gekk inn í bíósalinn , en þessi var aldeilis betri en ég átti von á . Morgan Freeman(Shawshank redemtion , Seven, Kiss th girls) var pottþétur eins og venjulega , og flestir leikarar myndarinnar stóðu sig vel . Myndin er þó ekki eins góð og forverinn (Kiss the girls ) en Morgan Freeman leikur hér sama karakterinn Alex Cross , en nú er það mannræningi sem hann þarf að kljást . Skotheld mynd frá upphafi til enda .

Sjálfstætt framhald myndarinnar kiss the girls sem mér fannst mjög góð og var ég því með vissa von um að þetta yrði góð mynd. Þessi mynd er ekkert meistara stykki en allt í lagi afþreying.

Þrátt fyrir blandaða gagnrýni og takmarkaðan áhuga ákvað ég að smella mér á Along Came a Spider. Þetta er sjálfstætt framhald af Kiss The Girls en samt töluvert lakari mynd. Helstu umkvörtunarefnin sem ég hef við myndina eru tvö: í fyrsta lagi er tæknibrelluatriði í byrjunaratriðinu sem er svo illa gert að það hefði litið illa út fyrir 10 árum, hvað þá í dag. Hitt umkvörtunarefnið er að söguþráðurinn er að vissu leiti over-plotted og maður á mjög erfitt að kyngja við síðustu fléttunni. Yfir heildina litið er þetta samt þokkaleg afþreying og betra en margt annað sem hefur komið í bíó undanfarið. Morgan Freeman gerir sitt besta við takmarkað hlutverk og sleppur vel frá því.

Ég ætlaði að sjá aðra mynd en hún var á öðrum tíma en ég ætlaði svo ég ákvað að kíkja á Frímaninn. Jú, ef Morgan Freeman hefði ekki verið þarna í traustu hlutverki þá hefði þessi mynd hvorki verið fugl né fiskur. Greinilegt að Seven er fyrirmyndin, allt frekar dökkt og niðurdrepandi við þessa mynd og oft virkar það en ekki hér. Ástæðan er einhvernskonar andleysi sem einkennir þessa mynd, slakur leikur í heildina og svo fer handritið með myndina í tóma vitleysu í lokin. Ef þið hafið nákvæmlega ekkert að gera og eigið ekki vídeótæki þá er í lagi að sjá þetta en þið skuluð ekki búast við neinu meistarastykki.

Ég átti von á meiru frá þessari mynd. Því miður er þetta of fyrirsjáanleg og þarafleiðandi mjög þreytt mynd. Ég gef myndinni 2 stjörnur þar sem upphafsatriðið var vel gert og atriðið þar sem Morganinn er að hlaupa um og svara í símann. Gaman að sjá hversu vel hann heldur sér í formi, enda engan svita að sjá á enni hans eftir Lindford Kristie sprettina.

Einhvern veginn hef ég verið frekar neikvæður um þær myndir sem ég hef tjáð mig um og ekki verður breyting af því í þetta skiptið. Along came a spider er annar nagli í lík kystu ferils Lee Tamahori sem hefur ekki gert góða mynd síðan Once were wariors og kannski Mulholland Falls. Þessi mynd er ekkert annað en upphafin sjónvarps mynd sem fer oftast beint á vídeó hér á landi. Flest í myndinni fór í taugarnar á mér þó aðalega hversu ódýrt allt var í kringum plottið og lausnin á því. Leikararnir reyna gera það besta sem þeir hafa úr að moða en þó er ég mjög hrifin af Michael Wincott og það var gaman að sjá gamla B-mynda kónginn Michael Moriarty talandi eins og hann væri blind fullur mest allan tímann. Kvikmyndatakan var fín, ekkert of flott og tæknileg úrvinnsla fín, fyrir utan frekar óraunvörulegt bílslys í byrjun myndarinnar. Sem sagt þá er þetta mynd sem á heima á vídeó.

Ágætis afþreying er hér á ferð með stórleikaranum Morgan Freeman. Ég varð þó fyrir nokkrum vonbrigðum með spennuleysið í myndinni en yfir höfuð var þetta bara fín mynd, með nokkrum flækjum og meðalgóðum söguþræði.

Morgan Freeman er alltaf traustur, svo mikið getur maður alltaf verið viss um. Hann skilar góðum leik hvar og hvenær sem er og veldur því yfirleitt að myndirnar sem hann leikur í eru betri fyrir bragðið. Það á við um Along Came a Spider. Freeman leikur lögreglumanninn Alex Cross, sem er sami karakter og hann lék í Kiss the Girls. Að þessu sinni á Cross við mannræningjann Gary Soneji, sem var aðalóvinur Cross í bókum James Patterson, sem þessar myndir eru byggðar á. Verkefnið hér er að finna dóttur þingmanns áður en Soneji gengur frá henni á miður skemmtilegan hátt. Eða það heldur maður að minnsta kosti. Along Came a Spider hefur alla burði til að vera fínasti þriller. Bókin var góð, Freeman er einn besti leikari samtímans, og leikstjórinn Lee Tamahori gerði hina frábæru Once Were Warriors. Mistökin liggja aðallega í tvennu: Í fyrsta lagi er sagan er gerð meira en lítið ólíkleg eða óþörf á stundum. Fyrsta atriðið er ónauðsynlegt og veldur pirringi síðar. Í öðru lagi er augljóst að Paramount vildi ekki eyða of miklu í myndina því aðstandendur höfðu greinilega ekki efni á að ráða almennilega leikara í önnur hlutverk. Allir aðrir í myndinni eru sjóaðir B-mynda leikarar... Michael Wincott, Michael Moriarty, Penelope Ann Miller, Billy Burke og ekki síst Monica Potter, sem er í hvað stærstu hlutverkinu. Þetta fólk er allt ágætt sem auka-auka-aukaleikarar en sem aðalleikarar er augljóst hversu litla hæfileika þau hafa í raun. Vonandi kemur Alex Cross aftur, þar sem nóg er af góðum bókum um hann. Kannski þeir eyði aðeins meiru í hann næst.

Ágætlega heppnuð mynd sem er óbeint framhald af Kiss the Girls. Morgan Freeman er í aðalhlutverki í þessum fína sálfræðitrylli en eins og ávalt veldur hann áhorfendum ekki vonbrigðum. Myndin er yfir höfuð góð en því miður vantar í hana alla spennu.