Ridley Scott er nú að gera mynd fyrir ofurframleiðandann Jerry Bruckheimer sem nú síðast gaf okkur hina afspyrnuslæmu Pearl Harbor. Verður hún með ýmsum leikurum sem prýddu þá mynd, svo sem Josh Harnett , Tom Sizemore en einnig Ewan McGregor. Mun hún fjalla um mestu bardaga sem bandarískir hermenn hafa tekið þátt í eftir Víetnam stríðið, en það var í Mogadishu. Myndin þykir hrottafengin og afar raunveruleg, það sem búið er af henni og ljóst er að Scott þarf eitthvað að berjast við MPAA, bandaríska kvikmyndaeftirlitið til þess að koma í gegn öllu sem hann vill.
