Miðaleikur – hvaða kvikmynd lýsir lífi þínu best?

Sinfóníuhljómsveit Íslands ætlar að gægjast í gullkistu kvikmyndatónlistar frá Hollywood á fimmtudagskvöldið næsta, á tónleikum sínum í Hörpu. Af því tilefni ætlar kvikmyndir.is í samstarfi við hljómsveitina að gefa fimm miða fyrir tvo á tónleikana.

Á tónleikunum verður leikin tónlist úr kvikmyndum eins og Ben-Húr, Brúin yfir ána Kwai, Gone with the Wind og Breakfast at Tiffanys, auk þess sem leikin verða stef úr myndunum Súperman og Stjörnustríð eftir hinn sívinsæla John Williams.

Hljómsveitarstjóri er Richard Kaufman, en hann hefur áratuga reynslu af störfum í Hollywood þar sem hann stjórnar tónlist fyrir kvikmyndir og sjónvarpsþætti auk þess að koma fram með leiðandi hljómsveitum Bandaríkjanna.

Í frétt á heimasíðu Sinfóníuhljómsveitarinnar segir að Kaufman sé líka sá sem stjörnurnar fá til að þjálfa sig þegar þær þurfa að þykjast leika á hljóðfæri í kvikmyndum. Tom Hanks og Jack Nicholson eru meðal þeirra sem þegið hafa leiðsögn hans í þeim efnum.

Smelltu hér til að taka þátt í leiknum  –  Drögum á miðvikudaginn!