Jake Johnson staðfestur í Jurassic World

jakeFramleiðsla á nýjustu myndinni um Júragarðinn virðist vera í fullum gangi ef marka má stöðugar fregnir úr herðbúðum myndarinnar. Staðfest hefur verið að New Girl-leikarinn Jake Johnson muni leika í fjórðu myndinni, Jurassic World.

Johnson hefur áður unnið með leikstjóra myndarinnar, Colin Trevorrow, við kvikmyndina Safety Not Guaranteed, sem kom út árið 2012. Johnson var nýlega í viðtali við Huffington Post og sagði þar frá aðdáun sinni á Jurassic Park.

„Þegar ég var að alast upp og Jurassic Park kom út, þá fríkaði ég út eins og allir hinir krakkarnir. Ég er fæddur árið 1978, svo ég var 12 ára. Það skiptir ekki hvort Colin sé að leikstýra myndinni eða ekki, ég myndi alltaf vilja taka þátt í þessu verkefni.“ sagði leikarinn.

Johnson sést næst í gamanmyndinni Let’s Be Cops, sem fjallar um tvo vini sem villa á sér heimildir og þykjast vera lögreglumenn, en færast of mikið í fang. Hér að neðan má sjá nýjusta stikluna úr myndinni.