Hiccup og Toothless 5 árum síðar

dragonddNýtt plakat er komið út fyrir myndina How to Train Your Dragon 2 sem kvikmyndaverið 20th Century Fox og DreamWorks Animation framleiða í sameiningu.

Mikil spenna er fyrir þessari mynd, enda var fyrri myndin frábær, en fyrir þá sem ekki vissu þá er How to Train Your Dragon þríleikur.

How To Train Your Dragon 2 verður frumsýnd þann 13. júní 2014 og þeir sem talsetja myndina eru m.a. Jay Baruchel, Gerard Butler, Cate Blanchett, Craig Ferguson, Djimon Hounsou, America Ferrera, Jonah Hill, Christopher Mintz-Plasse, T.J. Miller og Kristen Wiig.

Myndin gerist fimm árum eftir að fyrsta myndin endaði, og sem fyrr eru þeir Hiccup og drekinn hans Toothless í aðalhlutverkinu.  Astrid, Snoutlout og hin í genginu skora á hvert annað í drekakappflug sem er núna nýjasta og vinsælasta íþróttagreinin á eyjunni. Þegar ein af flugferðum aðalhetjanna leiðir þá til uppgötvunar á leyni-íshelli, þar sem hundruðir nýrra villtra dreka búa, ásamt hinum dularfulla Dragon Rider, þá þurfa vinirnir tveir, þeir Hiccup og Toothless, nú að taka á honum stóra sínum til að vernda friðinn. Þeir þurfa núna að leiða hundruði hetjudreka til að verja Dragon Mountain, og berjast gegn her Drago Bloodfist sem samanstendur af dreka vígamönnum ( dragon hunters ) og miskunnarlausum vígvélum.

Sjáðu plakatið hér fyrir neðan:

dragon