Næstu verkefni Jackie Chan

Jackie Chan ( Rush Hour , Shanghai Noon ) er ætíð með margt á döfinni. Nú sem stendur er hann leika í mynd sem heitir The Highbinders. Þegar tökum á henni lýkur mun hann fara beint í að gera framhaldið af Operation Condor og Operation Condor 2. Þegar tökum á þriðju myndinni í þessari frábæru seríu lýkur mun hann síðan ráðast í gerð myndar sem nefnist Sun Tzu´s Art of War. Ku sú mynd verða sú dýrasta sem nokkurntímann hefur verið gerð í Hong Kong, en kostnaður hljóðar upp á 70 milljónir dollara. Vonum að hann drepi sig ekki í millitíðinni með einhverju fífldjörfu áhættuatriði.