Heavenly Creatures (1994)

Djöfullinn maður er þetta snúin mynd. Vandræðaleg, óvæntanleg, fyndin? og líka mjög skritilega leykstúrð. Söguþráðurinn er góður en parturinn með að stelpurnar vera lesbíur er of fyrirsjáanlegur. Peter Jackson hefur alltaf verið snillingur....

Heavenly Creatures er stórkostleg mynd í alla staði. Hún er byggð á sannri sögu um tvær vinkonur Juliet Hulme ( Kate Winslet ) og Pauline Parker ( Melanie Lynskey ) sem smám saman missa tökin á lífinu, og búa hálfpartinn í fantasíu heimi. Foreldrar þeirra fara að taka málin alvarlegum augum og aðskilja þau. Þær tvær voru byggðar svo sterkum vinaböndum að það var ekki hægt að skilja þau að, og endar það hræðilega. Þessi mynd er algjört meistaraverk að mínu mati. Hreinlega allt er fullkomið við myndina, leikurinn er mjög góður, kvikmyndatakan frábær, handritið mjög gott, leikstjórnin stórkostleg, myndin er fyndin, mögnuð, tónlistin hentar myndinni fullkomlega, og síðast en ekki síst er myndin mjög gróf og nær heljartaki á manni í endanum. Ég skammast mín nú bara fyrir að hafa haft litlar vonir til myndarinnar. Svo var maarr í hálfgerðu sjokki eftir myndina, hún var svo fjári spennandi, og endirinn, það er ótrúlegt að þetta hafi virkilega gerst. En snillingurinn á bakvið þetta allt saman er sjálfur Peter Jackson sem snilldarlega kemur myndinni á hvíta tjaldið og skrifar sjálfur handritið. Maðurinn hefur hreinlega ekki stigið feilspor á sínum ferli. Það er ekki á hverjum degi sem maarr sér svona myndir, og ég hvet alla sem ekki hafa séð hana að leigja hana sem fyrst. Meistaraverk!

Peter Jackson er einlægur aðdáandi kvikmynda og þess vegna tekst honum svona vel upp að gera þær. Eftir að hafa séð Heavenly Creatures aftur verð ég bara að segja að ég treysti honum fullkomnlega fyrir Lord of the Rings seríunni. Kate Winslet og Melanie Lynskey eru alveg stórkostlegar í aðalhlutverkunum sem tvær unglingsstúlkur sem mynduðu með sér svo sterkt samband að það eina sem gat tvístrað þeim var morð. Myndataka Jacksons er yndisleg, handritið er frábært, leikurinn með eindæmum og frábær stíll Jacksons er ógleymanlegur. Jackson nær hér að gera mjög áhrifaríka og góða mynd sem mun vera föst í mér í langan tíma. Frábær mynd, ef ekki fullkomin.