The Frighteners (1996)

Í syfjulega smábænum fairwater hefur skelfilegt illt afl vaknað upp illt afl sem er svo máttugt að vald þess nær út fyrir gröf og dauða leikstjórinn peter jackson (Heavenly creatures) og framleiðandinn robert zemeckis (death becomes Her, back to the future, forrest gump)senda hér frá sér magnaða spennumund með stórkostlegustu tæknibrellum sem sést hafa hafa hérna megin grafar. Frank Bannister (Michael j. Fox) hefur lifibrauð sitt af hinum dauðu: Hann rekur óvelkomna ,,gesti út úr húsum sem reimt er í. staðreynd málsins er hins vegar sú að hann er í slagtogi með draugunum sem hann lofar að rega á brott? þetta er fullkomin svikamylla þar til frank lendir hringiðu myrks og hræðilegs leyndardóms. Djöfullegur andi flakkar um og myrðir fólk og allur bærinn telur að frank standi á bak við það. frank reynir í örvæntingu að finna sökudólginn og særa burt sína persónulega ára. frank fer inn í veröld þar sem jafnvel dauðinn getur ekki stöðvað morðingja.

Myndin fjallar í stuttu máli um Frank Bannister ( Michael J. Fox ) sem kallar sig paranormal investigator, hefur þá hæfileika að geta séð dáið fólk og talað við það eftir bílslys sem hann lenti í. Hann vinnur semsagt við það að losa fólk við drauga, en auvitað er hann í samstarfi við draugana, draugarnir hræða fólkið og hann kemur og rukkar fé fyrir návist sína, hin sæmilegasta vinna!En í þessum litla bæ sem myndin gerist í hafa orðið mörg óvenjuleg dauðsföll undanfarið. Fórnarlömbin sýnast fá hjartaáfall, en við krufningu kemur annað í ljós, það er eins og hjarta fórnarlambanna hafi verið kramið. Og fyrst að Banner getur séð the living dead reynir hann að komast í drullugan botninn af þessum málum, en á meðan er hann eftirlýstur fyrir morð, þrír flippaðir draugar fylgja honum hvert fótspor og hjálpa honum, einhver úber klikkuð kelling læsir dóttur sína inni í húsi sínu og talar um að hún sé anti-kræstur eða eikkhvað álíka, og svo blandast kona ein inn í þetta, og hálfklikkaður lögreglumaður sem hræðist kvenfólk sem öskrar. Myndin er verulega klikkuð og skrýtin, en þó skilst mér að hún sé ekki jafn blóðug og fyrri myndir Jackson´s, þó slatti af ofbeldi sé í henni. Leikurinn er ágætur hjá flestum, myndatakan er mjög flott ( eins og oftast í myndum Jackson´s ), og handritið óvenju gott ( miðað við að þetta sé grín-horror mynd ), og myndin frekar spúkí á köflum. Ágætis mynd sem er vel þess virði að kíkja á einhvern dag.

Frá Peter Jackson, sem gerði hina ágætu Heavenly Creatures og snilldina Braindead, kemur þessi ljómandi prýðilega gamanhrollvekja. Michael J. Fox - Mikki refur - leikur hér mann að nafni Frank Bannister, sem öðlaðist skyggnigáfu í bílslysi, en eiginkona hans lést einmitt í sama slysi. Hann hefur fengið í lið með sér drauga, sem búa til "vandamál" sem hann kemur svo og "leysir" gegn vægu gjaldi. Hinsvegar fara skyndilega dularfull dauðsföll að verða furðu algeng í hans heimabæ og Frank verður að taka á honum stóra sínum í baráttu við afturgenginn morðingja. Sá er ljómandi vel leikinn af Jake Busey, sem eins og flestir vita er sonur þess ágæta Gary Busey. Takið sérlega eftir Lee Ermey, sem fer með hlutverk afturgengins liðþjálfa að nafni Hiles - þess sama og hann lék í Full Metal Jacket, hvar hann var einmitt drepinn! Nú ræman er hin besta skemmtun og skylduáhorfun, hvort sem menn eru hrollvekjuaðdáendur eður ei.

Ef það er einn kvikmyndagerðarmaður sem kann að skemmta áhorfendum þá er það Peter Jackson. Með óvenju flottum stíl sínum og brjálaðri myndatöku tekst Jackson að skapa... hvað skal segja... elegant hryllingsmyndir sem í öðrum höndum hefðu verið lítið meira en ódýr splatter. The Frighteners er kannski ekki eins blóðug og fyrri myndir Jacksons (Braindead, Bad Taste) en þegar hann vill óhugnað þá sýnir hann okkur óhugnað. Leikurinn er góður hjá öllum leikurum, sviðsmyndirnar í takt við myndatökuna og handritið óvenju gott og skemmtilegt miðað við genre-inn. The Frighteners er ein af þessum myndum sem maður bara verður að sjá. Og eignast.