King Kong (2005)

Blessaður, hver sem þú ert og endilega haltu áfram að lesa. Það eru nefnilega mjög mikilvæg skilaboð sem ég þarf að færa ykkur! Þegar ég fór á myndina þá vissi maður svona gróflega söguþráðinn: ''Kvikmyndagerðarfólk'' fer á eyju sem en hefur ekki verið fundin(skull island) og hitta frumbyggjana sem eru nú ekkert sérstaklega vinalegir. Svo ná þeir(frumbyggjarnir) að ræna stúlkunni og fórna henni fyrir King Kong. Kong ætlar bara að eiga hana en svo koma hinir mennirnir og ''bjarga'' henni og eru þar helling að ævintýrum á milli sem ég ætla ekkert nánar að fara í. Svo er apinn fangaður og farið með hann í borgina(voða gáfulegt) en svo sleppur apinn og ég segi ekkert meira:). Á meðan ég var að horfa á myndina var mér meira og meira ljóst að Peter Jackson er bara að reyna að selja myndina með flottum tæknibrellum en pælir ekki í hvað myndi raunverulega gerast í raunveruleikanum. Nú tel ég upp stóru mistökinn sem því miður fóru fram hjá Peter Jackson: Skordýr eru ekki með lungu og því gætu þær aldrei orðið eins stórar og raun ber vitni í myndinni. Þær myndu bíða bana vegna þess þær gætu ekki andað að sér nógu súrefni. Annað var að risaeðlurnar voru óeðlilega hrifnar að konunni. Þegar eitt skriðdýrið var að éta aðra stóra risaeðlu sem var dauð þá sá það konuna og fór af einhverri ástæðu að elta hana þótt hún hefði marga daga hlaðborð fyrir framan sig. Og þegar T-Rex drap skriðdýrið og konan fór úr felum þá henti T-Rex minnsta kosti eins tonna kjötbita fyrir mest 70kg ''nagga''. Það er bara fáránlegt. Svo virðast sem allar skepnur eru með nákvæmlega eins tennur. Beittar, breiðar og langar. Ef þú spyrð mig þá held ég að Peter Jackson sé bara orðinn blindaður af frægðinni. Og einhvernvegin sleppa aðalgaurarnir alltaf rétt áður enn eitthvað gerist. Og þegar eitthvað ógeðslegt á að fara að gerast fer alltaf myndavélin af eða það er bara klippt. Maður hugsar: af hverju gerir hann það? Og svarið er sísvona að hann hefur viljað fá myndina rated PG 13 svo fleiri hafi haft tækifæri til að fara á myndina svo hann græði meiri pening og sponsorarnir. Svo má nefna að þegar King Kong datt niður Empire State og allir voru að horfa á hann þá var eins og ekkert hafi gerst við hann. Í raun og veru hefði hann átt að vera stór klessa á veginum en það var ekki sprunga í veginum sem ég sá til. Og að lokum fannst mér þessi mynd ansi væminn á pörtum. Verið öll blessuð og sæl og takk fyrir að taka ykkur tíma til að lesa þessu litlu ritgerð mína!

Ég veit ekki afhverju ég fór á King Kong,ég er einn af þeim fáu(kannski sá eini)sem er ekki aðdáandi Lord of the rings(þó að Fellowship hafi verið góð).Kin Kong er stórmynd,það er ekki annað hægt en að taka undir það en mér finnst hún ekki vera meistaraverk.Helstu kostir þessarar stórmyndar er hversu rosalega vel gerð hún er og tæknibrellurnar eru fyrsta flokks og hasar atriðin flott.Peter Jackson og aðal leikararnir Naomi Watts,Adrien Brody og Jack Black gera sitt besta en Watts stendur sig best,hún er orðin stórstjarna,það hefur hún sannað með King Kong og Ring myndunum.Helsti gallinn er þó lengdin og hversu langdregin flest hasaratriðin eru,þau allt of löng og manni fynnst þau beinlínis vera leiðinleg á köflum.SMÁ SPOILER.Anne Darrow(Naomi Watts)er atvinnulaus og fátæk leikkona sem tekur að sér aðal kvenn hlutverk í næstu mynd skíthælsins Carl Denham(Jack Black)en það sem fæstir vita er að hann vill taka myndina upp á ókannaðri eyju,þeirri seinusti í heimi sem enginn hefur áður séð.Hún heitir því skemmtilega nafni Skull Island eða hauskúpu eyja.En svo þegar þau festast þar þá komast þau að því að eyjan er full af risaeðlum og ósiðmenntuð mannaætum sem tilbiðja risagórillu sem kallast Kong og Ann á að vera fórnin.Adrian Bordy(Village,Pianist)leikur ástmann Ann,tónskáldið Jack Driscoll sem vill bjarga henni frá eyjunni.SMÁ SPOILER ENDAR.King Kong hefði getað orðið betri ef hún hefði verið stytt og ef Jackson hefði hugsað meira um söguna eins og Tómas sagði heldur en hasar.Mér finnst Jackson vera ofmetinn en ég mæli með nýjustu myndinni hans King Kong sem er ekki meistaraverk en hún er þó bíómynda upplifun sem margir gætu haft gaman af.

Næsta verkefni Peter jacksons eftir hinar geysivinsælu myndir lord of the rings var King kong. Mynd sem hann hefur ávalt dreymt um að gera, frá því að hann var lítill strákur. Maður sér hér að hann hafði lagt mikinn metnað í þessa mynd, og eru tæknibrellurnar og sviðsmyndin mjög svipuð og í lord of the rings.

Myndin er lauslega um ungan leikstjóra sem vill gera kvikmynd á þessari eyju sem hefur verða miklar sögur um, fólk höfðu víst bara horfið á þessari eyju. Honum langar til að taka upp mynd sína þar. Og fær með sér fullt af fólki sér til hjálpar. Þar á meðal unga stúlku sem aðalhlutverk. Þau koma á þessa eyju, og þar er víst fullt af risaeðlum og stórum skordýrum, og svo þessi api. En apinn nær svo að klófesta þessa ungu stúlku og verður síðan ástfanginn af henni.

Mér fannst myndin í heild sinni baragóð, myndin var reyndar alveg ótrúlega löng, og það sem mér fannst alveg ótrúlega fyndið var að þessi eyja var öll stútfull af risaeðlum sem dóu út fyrir miljónum ára, og þau höfðu bara áhuga á þessum of vaðna apa.

En myndin var nú samt fyndin, spennandi og rómantísk og bara ágætis skemmtun, en samt alveg ótrúlega löng, kannski aðeins og löng.

Já og jamm, víst er þetta Stórmynd......... það er að segja hún er flott gerð hún hefur svakalega skemmtilega karatera og góðan söguþráð, er hægt að finna eitthvað neikvætt í henni?!?!? Sko Þessi gamla saga um apan er ekki flókin, Simpsons tókst að segja hana á 5 mínútum eða svo, en jú hérna er hún sett í aðeins dýpri skilning og flóknari persónur. En flóknar persónur og dýpri sýn inní þessa skemmtilegu sögu gætu samt alveg svakalega verið gerð á innan við tveimur og hálfum tímum!! Þessi mynd er rosalega flott en svakalega Löng og á köflum langdregin, þá sérstaklega á þeim köflum þar sem gellan og górillinn eru að stara framan í hvort annað......PUNKTUR

Annars er þetta fín mynd og ég mæli með henni fyrir alla sem hafa áhuga á þessari sögu en passiði bara að hafa smá auka tíma!!!

Ég sá myndina fyrir stuttu og ég hef bara eitt að segja að myndin kom mér mikið á óvart fyrsta lagi var kvikmyndatakan sérstaklega góð og peter jackson náði miklu út úr leikurunum og

þrátt fyrir að myndin sé yfir 3 tímar þá var myndin mjög heil-

steypt en það sem mér fannst vanta var að endirinn var full stuttur eða eftir að kong á á byggingunni þá fannst mér eitthvað vanta og leikaravalið var ágætt fyrir utan jack black een þetta var svipað í l.o.t.r með wood en svo hefði myndin getað verið 25 mínútum styttri ef löngu atriðin hefðu verið stytt en þrátt fyrir þetta þá er þetta besta mynd Peter jackson oog hann er komin til að vera

King Kong-þrekvirkinu hefur verið beðið með eftirvæntingu...og nú er það loksins komin. Eins og gefur að skilja er búist við miklu af frábærum leikstjóra, Peter Jackson, en hann eyddi, ef ég man rétt, einu og hálfu ári, í tökur á Hringadróttinssögu (3 bíómyndir) þarna um árið á Nýja Sjálandi. Hann hleypur ekki beinlínis að verkum sínum. Þessi mynd var heldur ekki gerð fyrir hádegið eins og maður segir.

King Kong er alveg flott mynd með massa af tilkomumiklum senum, búningar eins og best verður kosið og öll umgjörð alveg frábær. Allir þessir fornbílar frá 1930...maður reyndar áttar sig aldrei fullkomlega á því hvað er ríl og hvað er feik svo maður tali nú bara hreinræktaða íslensku! Maður starði opinmynntur á alla dýrðina sem upp á var boðið; allar þessar ógeðslegur pöddur og furðudýr, auk dínósáranna, þessar viðbjóðslegu munnljótu grameðlur, svo ekki sé talað um hrikalega skerjagarðinn þarna á Hauskúpueyjunni.

Þótt hin svokallaða ytri umgjörð myndarinnar hafi verið til fyrirmyndar, leikurinn fínn, þó sérstaklega hjá Adrian Brody. Naomi Watts var líka ágæt, sérstaklega m.t.t. þess að hún sá aldrei aðal mótleikara sinn á meðan tökum stóð!

Eeeen...það voru atriði þarna í myndinni sem hefði mátt gera betri skil, til að auka trúverðugleika hennar, því þótt að maður setji sig í stellingar að þetta sé bíómynd, þá þurfa sumir hlutir að vera í lagi. Nefni nokkur dæmi; atriðið sem risaeðlurnar, 60 tonna ferlíki, hlupu þarna undan nágrönnum sínum grameðlunum og allt ,,tökuliðið” þarna í skjóli í fótajaðrinum...ekki aaalveg sannfærandi. Svo þetta með að burðast með ekki litla meðvitundalausa górillu yfir hálfan hnöttinn bara sisona. Svo ekki sé talað um þegar Ann Darrow (Naomi Watts) sem var í þunnum kjól í hörku frosti út um allt þarna í New York, m.a.s. hæst uppi á tindi Empire State-byggingunni. Ekki var hinn minnsta bláma að sjá á vörum hennar eða þannig. Hræddur um að sumir hefðu verið skjálfandi eins og hríslur við svona aðstæður. Eitt atriði virkaði heldur ekki sannfærandi, en það var allt þetta vopnabúr sem var til staðar þessum hrörlega dalli sem siglt á. Engu líkara en að maður væri kominn í freigátu í seinni heimstyrjöldinni!

Það eru oft þessi litlu atriði sem pirra mann mest, vegna þess að maður gerir kröfur rétt eins og leikstjórinn gerir til síns fólks sem hann vinnur með.

Að lokum þá er þessi mynd hin fínasta afþreying, þótt hún sé alvega hálftíma eða klukkutíma og löng.

æðislega mynd. þetta er mynd sem hitir beinti í hjartastað. leikarar fara gersamlega á kostum Naomi Watts á skilið óskarinn að mínu mati. þessi mynd hefur það allt húmor,ást,grimmd og hasar peter jackson er eitt af bestu leikstjórum sem ég veit um og það sést mjög vel í þessari mynd ( einnig lotr myndunum ). þetta er eins og maður segir á góðri ensku as good as it gets . það eru nokkrar staðreyndar villur í myndin en ekki það stórar að maður tekur eftir þeim og eyðileggur það engan veginn myndina. þessi mynd er alls ekki langdreginn eins og sumir halda fram. ég mæli eindregið með þessari mynd

Sko!! King Kong er ein versta og ofmetnasta mynd sem ég nokkruntíman séð.. ég ætla ekki að hafa þetta langt en hún er einfaldlega verst leikna, vesrt leikstýrða, verst pælda og einfaldlega verst gerða mynd sem ég hef séð.. til að byrja með kemur EKKERT heim og saman í henni, þetta er ein ýktasta mynd sem gerð hefur verið, ok það er allt í lagi að hafa risa apa sem stækkar og minnkar til skiptist en það þarf ekki að rjúka uppúr öllum mælum með að ýkja það svo til helvítis með einhevrjum risa fáránlegum pöddum sem eru illa klipptar inn í eins og allt í þessari mynd sem gæti alveg eins verið blaða úrklippa. peter jackson hefur fengið einhverja sveppi frá jack black og verið alveg útúr heiminum eins og ég þegar hann gerði þessa mynd!!!!!

King Kong, nýjasta mynd Peter Jacksons, er endurgerð á samnefndri mynd frá árinu 1933. Kominn tími til að einhver gerði endurgerð á King Kong eftir alltof langa fjarveru. Þessi mynd er alveg pottþétt ein af bestu endurgerðum sem að ég hef séð. Peter Jackson er vel búinn að sanna það að hann er orðinn einn besti leikstjóri Hollywoods í dag. Tæknibrellurnar eru alveg mergjaðar, sagan er mjög góð og vel sögð, umhverfið sem hann skapar fyrir King Kong er rosalegt. Action levelið í myndinni alveg svakalegt, fannst mér. Naomi Watts, Jack Black og Andy Serkis(King Kong) skila sínum frammistöðum mjög vel frá sér. Samt er besti konfektmolinn sjálfur King Kong. Ég held ég hafi aldrei séð jafn vel gerða tölvupersónu í bíómynd og King Kong. Persónulega, finnst mér þetta ein flottasta gerða tölvupersóna sem sést hefur í bíómynd með Gollum. Þeir sem eru mikið fyrir myndir með miklu action og svona alvöru stórmyndum, verða ekki fyrir vonbrigðum með King Kong. Ég var mjög sáttur við þessa snilldarmynd, og ætla að skella á hana 3 og hálfri stjörnu. Góða skemmtun.

Eftir ódauðlegu velgengni Lord of the Rings-seríunnar hefur Peter Jackson loks snúið sér að alvöru draumaverkefni sínu. King Kong er augljóslega verk sem honum er annt um - og má þá slóð rekja til æskuára hans (enda hefur hann oft sagt að upprunalega myndin frá 1933 sé ein af hans uppáhalds myndum) - og sést að hann hefur farið að því með eins mikilli gætni og mögulegt er. Það er ekki spurning um að leikstjórinn ásamt öðrum aðstandendum, sérstaklega hjá brellufyrirtækinu Weta, tákni ákveðið merki um gæði. Það er heldur engan veginn hægt að kvarta undan þessari mögnuðu umgjörð sem að myndin býr yfir ásamt stórfenglegri tölvuvinnu. En það ætti annars vegar að segja sig sjálft þar sem að um er að ræða einhverja dýrustu mynd sem gerð hefur verið. Burtséð frá öllu tengdu útlitinu hefur hún hjartað á réttum stað og er það klárlega stimpill á dálæti leikstjórans fyrir þessu efni. Ég verð hins vegar að segja eins og er... Mér finnst myndin ekki vera eins frábær yfir heildina og flestir aðrir hafa fullyrt. Til að byrja með, þá er myndin alltof, ALLTOF löng. Ekkert endilega langdregin, bara löng, og það er eins og Jackson sé búinn að missa sig í öllu tímaskyni eftir Hringadróttinssögu, eins og að standard lengd kvikmyndar sé alltaf þrír tímar. 187 mínútna lengd er heldur langur tími (svo er ég eitthvað að heyra minnst á Extended-útgáfu. Úfff!), og fyrir King Kong þykir mér það persónulega vera alltof mikið. LOTR-myndirnar höndluðu það meira en vel að vera svo langar, en þær höfðu líka margbrotna og epíska sögu að segja með fullt af karakterum, sem Kong gerir ekki. Söguþráðurinn er voða straightforward og einfaldur að öllu leyti. Myndin er bara teygð svo harkalega út af stjórnlausum hasar og yfirdrifnum augnablikum sem eru áhrifarík í fyrstu en verða síðan pínu þreytt (t.d. senurnar á milli Kong og Ann Darrow - sem er reyndar frábærlega leikin af Naomi Watts). En talandi um hasar; Myndin tekur alveg gríðarlegt kipp eftir heldur hæga uppbyggingu og í einhverjar 20 (+) mínútur fylgjumst við með þvílíkum látum þar sem að tölvubrellurnar fá að láta ljós sitt skína eins og maður hefur aldrei séð áður. Reyndar fannst mér hasarinn vera alveg meiriháttar (og ef það er einhver sem kann að gera góðan hasar, þá er það Peter Jackson...), þar til að ég fór að skynja eina eða tvær endurtekningar. Þetta hélt þannig mikið áfram. Senur leiddu oft til hasars í sífelldu meðan ég sjálfur vildi byrja að fókusa meira á söguna.Leikur er þó almennt mjög góður, þótt að það sé fátt um fólk sem skarar eitthvað sérstaklega fram út (fyrir utan Watts, að sjálfsögðu). Jack Black er fínn en virkar ekki alveg rétti maðurinn til að leika skíthælinn Carl Durnham. Svo er Adrien Brody mjög skemmtilegur, en persóna hans, Jack Driscoll, er eitthvað svo óspennandi. Eina ástæðan af hverju ég fílaði þennan karakter var út af Brody, en þróun hans úr ræfilslegum penna í hugrökku hetjuna er pínu langsótt. Jamie Bell, Colin Hanks, Thomas Kretschmann og Kyle Chandler eru síðan til meira en skrauts og fylla afskaplega vel upp í önnur mikilvæg hlutverk. Samt skrítið hvernig flestir hurfu bara skyndilega í lokaþriðjungnum, sérstaklega Bell. Persóna hans fékk örlítinn fókus snemma í myndinni eins og ætlast er til að þú haldir upp á hann, en síðan sást hann ekkert aftur.Leikstjórnin er síðan bæði markviss og metnaðarfull, þótt það sjáist að leiktilþrif séu ekki alveg í forgangi og fannst mér tæknibrellurnar á mörgum stöðum skyggja á allt annað sem var á seiði. Tölvuvinnan er samt óaðfinnanleg þegar kemur að einhverju eins og sjálfum apanum. Öll þau smáatriði sem fylgja honum eru gallalaus og gera þau fígúruna 100% trúverðuga, og það verður einhvern veginn að hrósa Andy Serkis fyrir frábær tilþrif í motion-capture deildinni þar sem að það eru í raun og veru hans hreyfingar sem móta apann og gera hann að því sem hann er. Önnur tæknileg vinnsla kemur sjálfsagt vel út líka. Ég held að það sé nánast hægt að fullyrða það að Peter Jackson hafi ekki aðeins náð að gera einhverja skemmtilegustu og best heppnuðu ''skrímslamynd'' sem gerð hefur verið í háa herrans tíð, heldur líka undirstrikar hann að endurgerðir þurfa ekki alltaf að vera mistök. Ég fæ örlítið samviskubit yfir því að geta ekki gefið myndinni hærri einkunn heldur en 7/10, en sú staðhæfing er meira eða minna bara samantekt af ýmsum litlum þáttum sem móta ágætis gíg af göllum þegar á heildina er litið. Ég stend þó við það þegar ég segi að Jackson sé einhver ferskasti og hæfileikaríkasti leikstjóri okkar tíma og á hann ekkert annað skilið en að fá að fljóta með nöfnum á borð við Steven Spielberg, Stanley Kubrick, Martin Scorsese... Þið fattið hvað ég er að fara! Þessi maður náði að kveikja á smá áhuga fyrir Kong-fyrirbærinu hjá mér (tek það fram að gömlu myndirnar voru aldrei í hátt settu áliti hjá mér). En hvað um það, endilega skellið ykkur á þessa mynd og greinið sjálf hvort um er að ræða snilldarverk eða bara asskoti vel heppnaða afþreyingu.

Veit ekki með ykkur en ég nenni ekki að lesa langa imdb-doðranta frá 18.ára sjálfskipuðum kvikmyndagúrúum á þessum vef. Þannig að.. KING KONG ER FRÁBÆR!!! Ég var orðinn dolfallinn löngu áður en Kong sjálfur birtist. Leikstjórinn Peter Jackson er einfaldlega sá besti í dag, engin spurning og fyrir mína parta er hann óðum að klifra yfir stærstu nöfnin í þessum stóru ævintýramyndum.. já ég meina Spielberg og Lucas. Ég fylltist einlægu þakklæti þegar myndin var búin.. TAKK FYRIR MIG PETER JACKSON..TAKK TAKK!! Þetta er svooo vel gert, ekki bara tæknin heldur handritið, perónusköpunin, leikurinn og útlitið/backgroundið er sérlega impressiv. Æji farðu bara og sjáðu hana ! Eitt enn.. síðast þegar ég fór á svona langa mynd og var samt farinn að óska þess á fyrsta korterinu að hún myndi ekki klárast.. var árið 1994 á Forrest Gump! Segir það ekki allt ? Góða skemmtun.. sé ykkur kannski í bíó því ég fer aftur :)

Ég get varla lýst King Kong sem kvikmynd, heldur frekar sem einhverskonar atburð í lífinu sem er erfitt að skilgreina eða túlka. Fyrsta áhorfið mitt á King Kong minnir mig á Return of the King, þetta er hrein ofhleðsla á öll skynfærin, svo mikið gerist sem ég hef aldrei séð áður og það var allt saman gersamlega geðbilað að öllu leyti. Fyrst var það ógurlegi Jar-Jar Binks, svo var það Gollum/Sméagol, nú er það Hinn glæsilega-geðveiki King Kong, hann á það skilið að vera kallaður hinn svalasti andskoti í tölvuheiminum, þrátt fyrir þessa vitund að hann væri tölvuteiknaður þá átti ég erfitt með að taka eftir því þó svo ég reyndi það. Auðvitað var það Andy Serkis sem lék Gollum/Sméagol sem leikur Kong með gömlu góðu ´motion-capture´ tækninni, án hans þá hefði Kong verið dauð brúða og þar sem þungamiðja myndarinnar er Kong sjálfur þá á hann Serkis mikið hrós skilið, svo kom Serkis einnig fram sem kokkurinn Lumpy, í þetta skipti er hlutverkið ekki tölvuteiknað heldur mjög kómískt og tækifæri fyrir Serkis að láta andlitið sitt sjást. Ég hafði mína efa um Jack Black sem leikur Carl Denham, kvikmyndagerðamanninn sem svindlar á framleiðendum sínum til þess að taka upp myndina sína á fornri eyju sem aðeins hann veit af. Sem betur fer þá heldur hann vel í hlutverkið sitt, hann hefur sína gríntakta en hann tekur vel í dramatísku hliðarnar sem gefa persónu hans þó nokkra dýpt. Ann Darrow sem er leikin af Naomi Watts er atvinnulaus leikari sem Denham tekur með sér í för sína til eyjunnar og meðal þess þá neyðir hann Jack Driscoll handritshöfund, leikinn af Adrien Brody með þeim. Brody stendur sig vel sem ólíklega hetja myndarinnar en hann er enginn píanisti þetta skiptið. Hún Ann er tekin föst af frumbúum eyjunnar og gefin sem fórn til Kong sem leiðir að hinu einkennilega sambandi milli Ann og Kong. Hvernig er hægt að sýna ástarsamband milli ljósku og gígantískum apa án þess að koma áhorfandanum til þess að hlægja? Útskýringin er líklegast einfaldlega frammistöður þeirra Andy Serkis og Naomi Watts, meðal þess þau mannlegu einkenni sem Kong sýnir gegnum myndina, sýnir áhorfandanum að Kong er ekki heimskt dýr heldur misskilin og ´góð´ vera. Mér sýnist það mögulega hafa verið mikið óhapp að missa Howard Shore því mér fannst James Newton Howard ekki alveg vera að sýna sitt besta í tónlistinni, kannski hafði hann ekki nógan tíma en hann hafði sínar góðu stundur en nokkrar slæmar þar á með. Lengdin er 180 mínútur en alls ekki öf löng að líða, mér fannst þó eins og pakkað hefði verið einum of mikið af persónusköpum gegnum fyrri helming myndarinnar en loks þegar Kong birtist eftir 70 mínútur (allir muna eftir Jaws reglunni?) þá koma einhver þau geðveikustu og sturluðustu atriði sem ég hef nokkurn tímann séð. Það eru einkenni sem Peter Jackson skilur eftir sig með kvikmyndirnar sínar og þegar það kemur að King Kong sem er hans draumaverkefni þá skilur hann mörg eftir sig og þau fengu mig til þess að hoppa af kæti. Það er nóg af dýralegu ofbeldi og óheppnu fólki sem kremst undir massa stærri vera og hver vill ekki sjá það? Mikið er verið að stíla sig við 1933 útgáfuna af King Kong, enda gerist kvikmyndin það sama ár, það sem Jackson reynir að gera er að ´uppfæra´ gömlu útgáfuna fyrir nýrri áhorfendur. Í stað þess að nota stop-motion eða einhvern gaur í apabúning þá vill Jackson nýta Weta tölvubrellurnar til þess að skapa ennþá stærri veröld kringum Kong en mögulegt hafði verið fyrir 72 árum síðan. King Kong frá 1933 var kvikmyndin sem hvatti Jackson í kvikmyndaheiminn og það sést vel í þessari nýju útgáfu hve mikla ástríðu hann hafði fyrir þessari sögu sögu, hann Jackson má vera vel stoltur af myndinni sinni. King Kong er kvikmyndaupplifun sem reynir á öll skynfærin sín og skilur mann eftir furðu lostinn, hún er þó ekki fullkomin, hún hefur sína litlu galla en þrátt fyrir það er hún ein besta myndin á árinu.