Mission: Impossible (1996)

Mjög góð mynd sem kemur skemmtilega á óvart. Myndin fjallar um Ethan Hunt (Tom Cruise) sem er hátækninjósnari og vinnur hann hjá CIA. Um tíma hefur CIA haft grun um að einhver hátsettur innan CIA sé að selja hátæknilyndamál til vopnasala að nafni Max. Spurningin er bara hver er svikarinn. Þegar Ethan og hópurinn hans eru að ransaka mál í Prag fer allt úrskeiðis og allir í hópnum deyja nema Ethan. Og allt í einu er Ethan orðin aðalskotmark CIA því að morðingin sem framndi morðin á hópnum vissi mjög vel hvernig áætlunin virkaði og er Ethan sá eini sem vissi um áætlunina. Og á hann því fótum sínum fjör að launa á flótanum undan CIA. En ekki er allt sem sínist. Þessi mynd hefur allt sem góðirspennutryllar þurfa og fara þar fremst í flokki tæknibrellurnar sem eru allgjör snild. Einnig er tónlist Danny Elfsman mjög góð eins og kvikmyndataka myndarinar. En það er leikurinn sem stendur upp úr sem mér finnst vera mjög sérstakt þegar um er að ræða svona myndir. Þau Tom Cruise, Jon Voight og Emmanuelle Béart fara á kostum sem og aðrir leikarar myndarinar. Handritið er mjög stekt sem og leikstjórn Brian De Palma en hún er mjög góð. Mission: Impossible er mynd sem allir aðdáendur spennutrylla eiga að sjá sem og aðrir kvikmynda áhugamenn. Takk fyrir:

Tom Cruise sem leikur hér Ethan Hunt sem vinnur fyrir Leyniþjónustuna er sendur í smá verkefni með hópnum sínum þegar eitthvað mistekst og allir í hópnum deyja nema hann.

Þar sem að hann er sá eini sem kemst lífs af og Leyniþjónustan grunar að það sé svikari í Leyniþjónustunni er honum kennt um allt saman og þarf hann því að vera í felum, einnig sem hann reynir að leysa málið sjálfur.

Þokkalegasta klisja sem gaman er að horfa á, samt ekki þessi snilldar mynd eins og sumir vilja halda fram.

Langskemmtilegasta njósnamynd sem ég hef séð.Allir leikarar standa sig vel og er söguplottið magnað.Fátt er yfirdrifið en miðað við NR2 þá er það bara peanuts.Það sem er svalast við þetta er hvað myndin er keimlík gömlu þáttunum sem voru náttúrulega frábærir.Mæli hiklaust með þessari.

Frábær mynd. Að vísu finnst mér Tom Cruise lélegur leikari en hann er góður í þessari mynd. Jean Reno er frábær leikari ogvleikur bara í góðum myndum. Brian De palma með sína bestu mynd síðan The Untouchables 1987. Nauðsynlegt að sjá þessa allavega einusinni.

Eftir fáum myndum hefur verið beðið með jafn mikilli eftirvæntingu og þessum frábæra trylli leikstjórans Brians De Palma sem hefur ekki gert betri mynd síðan The Untouchables árið 1987. Mission: Impossible jafnast á við hina svakalegustu rússíbanaferð, enda er aldrei slegið af í hraða og spennu, auk þess sem frábærar tæknibrellurnar kóróna verkið. Áhorfendum er eindregið ráðlagt að láta setja öryggisbelti á sófann þegar þessari mynd er smellt í tækið. Tom Cruice leikur hátækninjósnarann Ethan Hunt og fyrirliða leynilegrar sveitar á vegum CIA sem takast á við nærri því ómöguleg verkefni. Um nokkurt skeið hefur CIA haft rökstuddan grun um að einhver háttsettur innan leyniþjónustunnar sé að selja hátæknileyndarmál til óþekkts aðila. Ethan Hunt og hans fólk hefur rannsakað málið og þau eru nú að undirbúa sig undir að afhjúpa bæði svikarann og kaupandann í húsi sem vitað er að er mótstaður þeirra. Allt gengur samkvæmt áætlun til að byrja með en rétt áður en aðgerðinni lýkur kemur í ljós að hér eru heldur betur svik í tafli. Allir meðlimir sveitarinnar, að Ethan undanskildum, falla fyrir hendi óþekkts morðingja sem virðist vita allt um ráðagerðina. Og til að bæta gráu ofan á svart þá áttar Ethan sig fljótlega á að hann sjálfur er skyndilega orðinn hinn grunaði í málinu, enda er hann einn eftir af þeim sem vissu um aðgerðina. Hann á því allt í einu fótum fjör að launa undan útsendurum CIA og verður að finna lausnina í málinu og ennfremur að afhjúpa hinn raunverulega svikara sjálfur áður en það er orðið of seint. Hér fara á kostum óskarsverðlaunaleikararnir Tom Cruise, Jon Voight, Vanessa Redgrave og leikkonurnar Emmanuelle Béart og Kristin Scott Thomas. Hér er á ferðinni einn af bestu spennutryllum allra tíma sem ég mæli með og gef þrjár og hálfa stjörnu.

Þetta er snilldar njósnara mynd með Tom cruise og John voight í aðalhlutverki.

Að mínu mati er þetta miklu betri mynd en framhaldsmyndin það er meiri hugsun í þessari og hún kemur manni meira á óvart.

Tom leikur Ethan hunt sem er svo óheppinn að allir í hópnum sem hann var voru drepnir og hann sem sé sá eini sem var á lífi og auðvitað heldur breska leyniþjónustan sem hann vann hjá að hann hafi drepið alla, myndin snýst um það að Ethan er að reyna að sanna sakleysi sitt.

Þetta er mjög spennandi mynd með snilldar leikurum og góðum leikstjóra og frábærum söguþráð.

Leyniþjónustumynd sem hefur ákaflega lítið með samnefnda sjónvarpsþætti að gera. Fínn leikur, myndataka og brellur, en þrælgötóttur söguþráður skemmir fyrir. Tom Cruise leikur leyniþjónustumann sem verður fyrir því óláni að allur hans hópur er þurrkaður út með látum. Þar sem hann einn er eftirlifandi er hann helst grunaður um verkið og hefur sjálfur leit að hinum seku. Smávægileg vonbrigði en þó dálítið yfir meðallagi.

Eftir að hafa séð mynd nr. 2 fer maður allt í einu að bera meiri virðingu fyrir forveranum. Ekki misskilja mig; mér hefur alltaf fundist Mission: Impossible vera frábær mynd, alveg síðan ég sá hana fyrst. En með tilkomu framhalds sér maður bara hversu ofsalega góð fyrri myndin er. Brian De Palma er á góðri leið með að verða einn af uppáhalds leikstjórunum mínum (þrátt fyrir að tíundi áratugurinn hafi ekki gengið sem skyldi hjá honum) og finnst mér alltaf jafngaman að sjá hvernig hann leikur sér með myndavélina og fær okkur til að taka eftir jafnvel ómerkilegustu smáatriðum. Hann er eiginlega snillingur. Það sem vantaði sárlega í mynd nr. 2 er hægt að finna hér í massatali: njósnaradót. Þessi mynd er njósnamynd út í eitt. Hún er dularfull, spennandi og kemur sífellt á óvart. Þau þrjú "stóru" atriði sem De Palma gefur okkur (veitingastaðurinntölvanlestin) eru meira en nóg og virðast endalausir eltingaleikirnir í nr. 2 frekar heimskulegir í samanburði. En nóg um samanburð. Mission: Impossible er ein af bestu sumarmyndum síðan Jurassic Park (var Batman ekki annars vetrarmynd - ef ekki: ...síðan Batman) og þar sem hún er til á DVD ætti hún að geta fundið sér heimili hjá hvaða safnara sem er.