Disturbia (2007)

Þetta er nútíma útgáfa af meistaraverki Alfred Hitchcock, Rear Window frá 1954. Strákur lendir í vandræðum og er dæmdur í stofufangelsi. Hann fer að njósna um nágrannana og sér ýmislegt áhugavert. David Morse og Shia LaBeouf eru báðir góðir í sínum hlutverkum, Aaron Yoo var frábær sem vinur LaBeouf og sidekick. Það versta við þessa mynd er að hún er alltof fyrirsjáanleg. Áður en myndin byrjar getur maður giskað í grófum dráttum á hvað muni gerast og það reynist rétt í 90% tilvika. Myndin er vel gerð, fín afþreying og allt það en skilur ekki mikið eftir sig.

Disturbia er hálfgerð endurgerð af Rear Window eftir Hitchcock sem að sjálfsögðu er algjört meistara stikki.


Þessi mynd er heldur ekki alslæm heldur, myndin er svona sett í nútíma form, um ungan strák sem er settur í stofufangelsi og hefur mikið við tíman sinn að gera, eins og t.d. að gægjast inn um glugga nágranna í hverfinu.

Myndin er bæði fyndin og spennandi og heldur sér nokkuð vegin við efnið allan tíman. Leikarar myndarinnar standa sig með stakri príði og er þetta bara mjög góð afþreigingar mynd og mæli ég bara með að fólk horfi á hana. Ekta popp og kók mynd..

Disturbia er nett skemmtileg klisjumynd. Það verður seint hægt að segja að þessi mynd fari einhverjar nýjar slóðir (ég ætla rétt að vona að fólk sé ekki að gleyma Rear Window), en hún vinnur samt sem áður vel með þennan efnivið og liggur helsti styrkleikur myndarinnar í góðri uppbyggingu, spennu og frammistöðum leikaranna. Upplifun þessarar myndar ristir ekki djúpt og skilur hún ekki mikið eftir sig á endanum, en meðan að henni stendur er áhorfandinn með athyglina á réttum stað. Einnig koma fyrir alveg merkilega taugatrekkjandi atriði, þrátt fyrir afar fyrirsjáanlega atburðarás. Ungstirnið Shia LeBouf heldur áfram að gera góða hluti og fer hann vel með það að bjarga sér í aðalhlutverkinu, rétt eins og hann gerði í Transformers. Annars er furðulega lítið meira sem ég get sagt um Disturbia. Myndin virkar sem unglingaþriller og uppfyllir helstu kröfur sínar. Ég mæli með ræmunni, en hún mun hverfa fljótt úr minninu.7/10