Transformers (2007)

Væntingar mínar á Transformers voru ekkert rosalega miklar, ég vissi alveg hvað ég var að fara á þegar ég steig inn í bíósalin. Eða svona næstum því, var að vonast til að hún myndi koma mér á óvart, sem hún gerði nú samt ekkert rosalega mikið. Þetta er náturlega mynd eftir patriotinn Michael Bay sem færði okkur Bad Boys, The Rock , Armageddon og pearl harbor meina þarf ég að segja eitthvað meira. Svo ég vissi algjörlega að þetta átti eftir að vera amrísk klisja sem var algjörlega um þá, við getum við við við. En með það hugfast þá reyndi ég að láta allt svoleiðis frammhjá mér fara og hafa gaman að. Sem tókst, skemmtanargildið í myndinni er mjög fínt, fyrri helmingur myndarinnar er stórgóður, svo svo fer myndin að tala helvíti mikið niður í seinni tíð.

Tæknibrellurnar í myndinni eru nátturlega alveg fáránlegar, held ég hef aldrei séð jafn vel gerða mynd á æfi minni, þó kannski að spiderman 3 hafði komist nálægt því.

En þó svo að maður reyndi sitt besta í að láta kjánahrollin ekki koma upp eftir hvert einasta slowmotion atriði og væluatriði í myndinni þá var það samt á tímabili svolítið erfitt. Til dæmis allar þessi slowmotion atriði eða hægu atriði sem mér fannst alveg töff í byrjun myndar en svo þegar hann vinur okkar Michael Bay sem er virkilega frægur fyrir þessi helvítis hægu byssuatriði sem jú geta verið töff ef þau eru ekki notuð í hverju einasta spennu atriði var búinn að nota þetta yfir 30 sinnum var maður orðin meira en pirraður á því.

En fyrir utan allt svona þá var myndin samt ekki al slæm, og jafnvel bara skemmtileg, og fynnst mér þeim hafa jú bara tekist ágætlega að koma með þessa fínu fáránlega dýru hasamynd sem var alveg ótrúlega falleg fyrir augað.

Þessi mynd er fannta góð og alveg í anda teiknimyndana sem maður sá þegar maður var lítill strákur vaknandi kl.9 á laugardagsmorgnum til að horfa á Transformers enn myndin stóðst langt fram úr mínum væntingum rosalega vel gerð og brandararnir mjög fyndnir Micahal Bay tókst ekki alveg nógu vel með Miami Vice enn með þessa mynd tókst honum alveg og án efa með bestu myndum sem hann hefur gert.Hasarsenurnar er alveg hreint frábærar og maður er spenntur alla myndina að maður vill ekki einu sinni fara á WC

Okei hvað get ég sagt ... Vááá !!! þessi mynd var sannkallað augnakonfekt og ég gjörsamlega iðaði í sætinu þetta var svo flott. Myndin er mjög skemmtileg og góður húmor í henni sem gefur henni bara plús og tæknibrellurnar eru OFUR þetta er án efa flottast mynd sem ég hef nokkurntímann séð. Þvílíkt flottir bardagar og sprengingarnar svo flottar. Eina sem ég get sagt útá er kannski að myndin er ekki alveg nógu alvarleg og hefði mín vegna mátt fá R-stimpil og endirinn var mjög týpískur amerískur endir sem er ekkert endilega betra.

En nóg með það þessi mynd er samt frábær og ég gjörsamlega elskaði hana. Mælið hiklaust með henni og þetta er mynd sem maður verður helst að sjá í bíó. Virkar ábyggilega ekki jafn vel í litlu sjónvarpi. Sjáið þessa.

Það þarf bara eitt orð til að lýsa þessari mynd: VÁÁ! Þvílík veisla fyrir augað og eyrað, ég leyfi mér að fullyrða að stórkostlegri tæknibrellur hafi aldrei nokkurn tímann sést á hvíta tjaldinu og munu ekki verða toppaðar í bráð!

En nánar um myndina sem slíka. Í fyrsta lagi verður fólk að hafa opinn huga þegar það fer á þessa mynd, þar sem sagan fjallar um vélmenni utan úr geimnum sem breyta sér í bíla og hin ýmsustu tæki, og hér er byggt á vinsælum barnateiknimyndum og leikföngum frá 9. áratugnum. Ef maður vill sjá óskarsverðlaunaleik og leikstjórn sem og dramatíska og innihaldsríka sögu, fremur en tæknibrellur og hasar, þá horfir maður á Godfather eða Shawshank redemtion, en EKKI Transformers.

Sértu aftur á móti eins og ég, þ.e. vilt fara í bíó til að upplifa brjálaðan hasar og sjónræna veislu sem heldur manni límdum við sætið allan tímann, þá er þetta mynd fyrir þig. Eins og allar myndir hefur hún sína galla, fyrir mér er það fyrst og fremst 10 ára stimpillinn, en vegna þessa stimpils nær ómannúðleg illska Megatrons og félaga ekki að skína sem best í gegn auk þess sem sum atriði og samtöl, sérstaklega brandararnir, eru hreinlega barnaleg og ófyndin fyrir fólk yfir 16 ára aldri. Sérstaklega fór persónan Frenzy í pirrurnar á mér en hljóðin í honum og barnalegu stælarnir minntu mig á einhverja mest hötuðu persónu kvikmyndasögunnar, Jar Jar Binks úr StarWars. Þá fór klippingin oft í taugarnar á mér, en hún var oft svo hröð og cameran stöðugt á hreyfingu að maður sá varla hvað var að gerast á köflum, hefði mátt bæta það með fleiri slow motion senum.

En nóg komið af göllum. Eins og áður sagði er myndin ótrúlega flott og hasarinn hraður og góður. Skemmtanagildið er í hámarki. Ég hef ekkert út á leikinn að setja, mér líkaði ágætlega við Shia Lebouf í aðalhlutverkinu sem Sam, og fannst hann skila því nokkuð vel, sérstaklega var ég ánægður hversu vel Sam og Bumblebee náðu saman. Vélmennin eru svakaleg og auðvitað fannst mér Optimus Prime skara þar fram úr, hann er eitursvalur, og ekki skemmir frábær túlkun Peter Cullen fyrir. Megatron var flottur líka í túlkun Hugo Weaving, en það vantaði alveg baráttu hans við hinn svikula Starscream sem fékk fremur lítinn skjátíma, en auðvitað er ekki hægt að koma öllu fyrir í 144 mínútna langri mynd. Hljóðið er frábært (fyrir utan hinn barnalega Frenzy) og tónlistin fín að mestu og passar vel við myndina (ég hrópa nú samt ekki húrra fyrir Linkin Park laginu).

Þannig að niðurstaðan er sú að ég ákveð að miða störnugjöf mína við þá upplifun sem ég hafði af myndinni. Ég sat stjarfur allan tímann, fékk gæsahúð á köflum og varð dapur þegar myndin kláraðist. Ég gekk engu að síður brosandi út og fannst ég hafa fengið mikið fyrir aðgangseyrinn. Kostirnir vega gallana svo margfalt upp að ég hef ekki samvisku í annað en að gefa myndinni 4 stjörnur. Takk fyrir mig.

Kvikmyndin Transformers byggir á hasarhetjum sem voru hvað vinsælastar á 9. áratug síðustu aldar. Í ljósi vinsælda kvikmynda sem byggðar eru á hasarhetjum var ráðist í gerð kvikmyndar um Transformers. Margir höfðu ákveðnar efasemdir um að það gæti virkað þar sem þessar hasarhetjur eru komnar ofan í skúffu, þ.e.a.s. þær eru ekki eins vinsælar í dag og þær voru fyrir nokkrum árum. Steven Spielberg og hans fyrirtæki vildu gera þessa kvikmynd og fengu blockbuster leiksjórann Michael Bay(Armageddon, The Island, Pearl Harbour) til að leikstýra þessu verkefni. Útkoman er vægast sagt frábær. Þessi kvikmynd er veisla fyrir augað. Hún hefur allt sem prýða má góða afþreyingu. Hún er fyndin, spennandi, inniheldur stórfenglegar tæknibrellur og nóg af hasar.

Í stuttu máli fjallar myndin um baráttu góðs og ills. Geimvélmenni eru komin til jarðarinnar, ýmist til að tortíma öllu lífi á jörðinni eða til að verja það. Hinir góðu Autobots með hinn vitra Optimus Prime verja okkur frá hinum illu Decepticons með hinum illa Megatron fremstan í flokki. Fjölmargir jarðabúar flækjast inn í þennan bardaga milli góðs og ills og þar fer fremstur í flokki Sam Witwicky (Shia LaBeouf) en hann hefur að geyma lykil að hlut sem bæði Autobots og Decepticons vilja. Shia LaBeouf stendur sig frábærlega í þessari mynd. Það gera einnig fleiri leikarar eins og nýstirnið Megan Fox, Anthony Anderson, Jon Voigt og John Turturro en þau standa sig öll mjög vel.

Leikstjórn Michaels Bay er traust og hann nýtur sín hvað best í hasaratriðunum.

Transformers er fyrsta flokks afþreying með góðum húmor, flottum brellum og frábærum hasaratriðum.

Skellið ykkur í bíó.

Ég er enginn Transformers aðdáðandi né vissi ég mikið um Transformers áður en ég sá myndina, allar mínar væntingar voru byggðar á auglýsingum um myndina. Ég vildi sjá myrka, ofbeldisfulla hasarmynd með svölum vélmennum en í staðinn sá ég einhverja hálf barnalega, disney-bjánalegt rugl. Transformers er mynd sem tekur sér ekkert alvarlega, sem er mjög augljóst gegnum alla myndina, en það eru takmörk því það er ekki hægt sð komast upp með það í þrjú hundruðasta skipti. Tölvubrellurnar eru glæsilegar, útlitið er jafn flott en efnið er ofurþunnt og það bitnar gífurlega á hasarnum, mér var sama um persónurnar, mér var sama um plottið og því miður voru þessir Transformers aðeins svalir í mjög stuttan tíma. Það eru alveg ótrúlega vel hannaðar senur í gangi, transformerar að berjast hægri og vinstri og allt er svakalega vel gert en allt fyrir ekkert þar sem plottið virtist gleymast inn í þessum ótrúlegum hasarsenum. Ég held ég hafi mögulega eyðilaggt þessari mynd fyrir sjálfum mér, væntingarnar mínar voru alltof miklar, sérstaklega fyrir mynd sem er um Transformers. Það eina sem ég sá var bjánalegt rugl, mjög þunna hasarmynd sem reynir að lifa af á ódýrum bröndurum og tölvubrellum sem er reyndar mjög dæmigert fyrir Michael Bay kvikmynd. Ég er að reyna finna einhverja kosti sem þessi mynd hefur, ég get varla fundið neina og ég held að ein og hálf stjarna sé jafnvel of mikið. Ég tel það líklegt að ég sé einn af fáum sem hafa þessa skoðun á Transformers, ég vildi fíla þessa mynd en ég gat það ekki.

Transformers er dúndurflott hasarmynd og meira en örlítið brjáluð upplifun! Hún er hraðskreið, hávær (mjög!!) og bara almennt þrælskemmtileg. Sem pjúra sumarafþreying svo ég tali nú ekki um leikfangamynd skilar hún sínu og uppfyllir þær helstu kröfur sem hægt er að gera til hennar, en sem ósköp venjuleg hasarmynd er afraksturinn því miður dreginn niður af ýmsum göllum, stórum og smáum. Gleymum því ekki að þetta er fyrst og fremst Michael Bay-mynd.Ég viðurkenni að þessi leikstjóri hafi komið mér nett á óvart með síðasta framlagi sínu, The Island, fyrir nokkrum árum og fór ég loks að hafa einhverja trú á honum aftur. Samt sem áður hefur maðurinn sínar veiku hliðar sem kvikmyndargerðarmaður (döö...) og því miður eru þær algengar og kunnuglegar í hans tilfellum. Gott dæmi væri sennilega klippingin, en hasaratriði græða einmitt lítið á því að láta hvern ramma endast í rúma sekúndu ef ætlast er til þess að maður eigi eitthvað að vita hvað er á seiði. Það eykur hvergi spennu, heldur fremur líkur á hausverk og ógleði. Kvikmyndatakan er einnig dæmigerð fyrir Bay. Vélin er nánast alltaf á hreyfingu (m.a.s. er komið heiti á það, svokallað Bayhem), sama þótt að um einföld samtöl séu að ræða og getur það orðið oft á tíðum pirrandi. Gleymum síðan ekki hvernig maðurinn á til með að ofgera flestallt sem er að gerast á skjánum. Ég ætla mér lítið að setja út á hasarinn í þessari mynd hvað útlitið varðar, en burtséð frá tæknibrellum, þá er það trademark hjá Bay að matreiða of mikið af látunum í einu. Hann er ekki beinlínis að bjóða upp á hasaratriði sem eiga sér samhengi við söguþráðinn, heldur stappar hann þeim ofan í áhorfandann í ofauknum skammti þar til að maður verður alveg útkeyrður og rétt rúmlega það. Ég er sennilega ekki einn á þeirri skoðun um að leikstjórinn ætti að spreyta sig örlítið í fjölbreytni. En ekki meira um það.Ég held að það sjáist langar leiðir hvar sterkasti hlekkur Transformers liggur. Myndin er nefnilega algjör fullnæging hvað tæknibrellur varða! Vélmennin eru öll með ólíkindum og smella næstum því gallalaust við öll umhverfi. Þessi tölvuvinna fer sömuleiðis heldur betur að gera sig þegar kemur að hasarnum. Myndin stórgræðir líka á því að taka sig aldrei of alvarlega, og það er plús sem að fer til handritshöfundanna ef eitthvað. Leikararnir standa sig líka mun betur en ég hafði hugsað mér, þar sem þeir leika ekki á móti neinu í mörgum tilfellum. Shia LeBeouf hefur skotið upp kollinum hér og þar í gegnum tíðina (I, Robot, Holes, Constantine o.fl.), en hann sannar sig sem afbragðs hetja í aðalhlutverkinu. Drengurinn slær hvergi feilnótu (hann er líka djöfulli fyndinn á köflum!) og hafði ég gaman að honum út í gegn. Eftirminnilegastur er þó án efa John Turturro. Hann sést ekki mikið og gerir heldur ekki mikið, en hann gerir margt skondið með þetta litla hlutverk sem hann fær ("Criminals are HOT!"), sem og Anthony Anderson, sem er heldur ekki slæmur þótt hann sé aðeins of hæper. Megan Fox fær heiðurinn á því að vera mesta augnakonfektið á skjánum. Ójá, jafnvel meira svo heldur en Optimus Prime og Bumblebee.Söguþráður myndarinnar er ekki upp á marga fiska. Hann er í sjálfu sér grautþunnur og myndin þjáist fyrir það (sama með persónufjöldann - hann er brandari og dregur alltof mikla athygli frá vélmönnunum!). Það er faktískt lítið um plott að ræða; Myndin er nánast bara samansafn af skemmtilega kómískum atriðum, háværum vélmannaslagsmálum og eltingarleikjum. Það bitnar mikið á lengdartímanum hvað myndin er mikil beinagrind, en þegar langt er liðið á seinni hlutann verður hún pínu langdregin og – sárt en satt - nokkuð einhæf, a.m.k. í látunum. Til dæmis átti ég sumstaðar voða erfitt að geta þekkt vélmennin í sundur í lokasenunum. Kameruhreyfingarnar og klippingarnar gerðu síðan illt verra. Bay reynir auðvitað að bæta úr þunnu efni með hasar, látum, sprengjum og ennþá meiri hasar!... En það er einmitt það sem þreytir myndina hvað mest og eftirá situr maður alveg gjörsamlega búinn á því.Kannski er ég búinn að kafa fullmikið út í hið neikvæða, en þegar öllu er á botninn hvolft ættu þessir þættir ekki að skipta miklu ef að skemmtanagildið stendur fyrir sínu. Transformers er - eins og áður tók fram - mjög ánægjulegur rússíbani. Jú jú, myndin hefur sína galla afturábak og áfram, og þrátt fyrir að vera fulllöng og pappírsþunn er vel hægt að skemmta sér yfir öllu brjálæðinu. Myndin tekur vel í það hversu kjánaleg hún er og hefur bara gaman af því, svo ég held að málið sé bara að hafa gaman af því líka... Hún er allavega vel aðgangseyrisins virði bara fyrir tölvubrellurnar einar og sér.7/10 - Hlakka mikið til að sjá hvað Bay gerir með næstu mynd.