Click (2006)

Mjjjööööögg águgaverð mynd bjóst svo sem alveg við þessu þar sem Adam Sandler er meðal minna uppáhalds leikara hann var sérstaklega góður í Billy Madison,Happy Gilmore og svo auðvitað The longest yard. Þetta eru allt fanta góðar myndir Cristopher Walken var einnig skemmtilegur caracter í þessari mynd oog já ég mæli eindregið með þessari mynd...:D

Ég segi það hér og nú; Click er án efa einhver skársta grínmyndin úr smiðju Sandlers til þessa. Það er fínt að sjá hvað maðurinn hefur þroskast mikið sem leikari. Hann er alveg hættur að sýna þessa hlið að sér þar sem hann túlkar góða gaurinn með innri reiðina og er farinn að sýna töluvert áhrifaríkari framkomu. Reyndar er ástæðan fyrir því að Click sé í raun og veru ágætis mynd sú að hún nær svo miklu lengra heldur en fyrri myndir kappans, svo ég tali nú ekki um það að hún hefur meira að segja við áhorfandann. Við erum ekki að tala um aulahúmorsveislu að hætti Mr. Deeds, The Longest Yard eða Little Nicky. Kannski er örlítill skammtur af slíku, en myndin er í raun og veru dæmisaga dulbúin sem aulagrínmynd. Hún byrjar í léttum dúr en í seinni hálfleik dregur hún fram alvarlegu tónana. Myndin er vissulega krydduð hinum týpíska og há-ameríska boðskap, sem fer misvel í suma, en það er ótrúlegt hversu vel hún kemst upp með það. Dramatíkin sem fylgir er kannski ekki upp á sitt besta, og fær myndin töluverðan mínus fyrir að misstíga sig aðeins þar, sérstaklega miðað við það hversu fyrirsjáanlegur endirinn er. Húmorinn er annars vegar þrælgóður, og ég trúi því varla enn að ég hafi hlegið eins oft og ég gerði yfir Adam Sandler-grínmynd. En myndin er alveg kostulega fyndin og verður aldrei of öfgakennd í ósmekklegheitum. Gleymum síðan ekki skemmtilegum uppákomum hjá góðkunningjanum David Hasselhoff, sem fær alltaf hrós fyrir að gera grín á eigin kostnað. Hvað Sandler sjálfan varðar, þá fannst mér hann standa sig nokkuð vel. Hann hefur auðvitað gert frábæra hluti í alvarlegri kvikmyndum, og hefur það lengi sést á honum að hann geti miklu betur. Ég hef a.m.k. mikla trú á honum, og varðandi Click, þá tel ég óhætt að mæla með henni þrátt fyrir gallana. Hún er jafn fyndin og hún er móralísk, en hún er sömuleiðis hugljúf og virkar vel á mann. En ég held að myndin eigi ekki eftir að höfða eins vel til þeirra sem eiga von á einhverju í líkingu við áðurnefndar þvælur.6/10

Ég hef aldrei líkað vel við Adam Sandler, nema að sjálfsögðu í Happy Gilmor og Billy madison. Svo var hann líka góður í Punsh drunk love sem er alveg yndisleg mynd.


En click kom skemmtilega á óvart, og var mjög sniðugur söguþráður, sem kom virkilega á óvart. Myndin er bara einn stór málsháttur, sem já er bara ágætur.


Alveg ágætis skemmtun, fyrir alla fjölskilduna.

Þegar ég fór á þessa mynd bjóst ég við algerri meðal mynd, mjög líklega ein af verri myndum Adam Sandlers. Ég hélt að þessi mynd yrði ekkert annað en ágætis afþreging í hæsta lagi en svo varð ekki. Þetta var mikið betri mynd en mig grunaði og ALLT öðruvísi, alls ekkert eins og trailerinn sýnir. Mjög hugsanlega besta (ekki fyndnasta þó) mynd Adam Sandlers. Persónusköpunin er frábær og myndinni tekst að halda athygli manns algerlega, ég gleymdi til dæmis alveg að ég var með hausverk þegar ég var að horfa á hana.

Myndin byrjar algerlega venjulega og er blanda af fáránleika og léttu gríni þangað til að hléinu, en þegar þar er komið var ég byrjaður að efast um að myndin gæti haldið þessu áfram mikið lengur en viti menn! Myndin tók allt aðra stefnu og breyttist yfir í hálfgerðt Vanilla Sky. Mikið var ég ánægður með það. Myndin varð bara rosalega áhugaverð og þurfti ég að berjast við tárin (svona smávegis, annars hef ég aldrei grátið yfir mynd) á sumum stöðum. Leikararnir stóðu sig flestir með prýði. Góð saga, góð skemmtun og jafnvel meira. Það eina slæma við hana var skrítin sviðsmynd og búningar á köflum sem gerði hana ótrúverðuga mjög eeeen whatever... Ég mæli svo sannarlega með henni fyrir alla, Adam Sandler fans og ekki.

Mér fannst þetta mjög góð mynd.

hún var fyndin mest allan tíman en svo kom smá drama sem var bara fínt, bjóst samt ekki við því en samt alveg skemmtilegt.

En eins og allar Adam Sandler myndir klikkaði hún ekki. hehe klick (grín).

mæli alveg eindregið með henni

Click kom mér verulega á óvart. Hún er ekki í þessum hefðbundna stíl sem einkennir Happy Madison. Hún er vel skrifuð, persónusköpunin kemur verulega á óvart, sagan er góð og hún er soldið sorgleg í sumum atriðum. Hér er fjöldinn allur af góðum leikurum sem koma með ágætis frammistöður, eins og Adam Sandler, Christopher Walken, David Hasselhoff, Kate Beckinsale, Sean Austin og Rob Schneider í fyndnu hlutverki sem Arabakóngur. Click er örugglega með óvenjulegri myndum sem Happy Madison hefur sent frá sér, en það er alltaf gott að þeir geta breytt um stíl. Fín mynd sem ég mæli með að fólk skelli sér á.

Já væri þetta nú ekki nice að geta lækkað niður í vissum manneskjum þegar maður vildi. Adam Sandler stendur sig virkilega vel í þessari mynd og fara allir leikarar sem voru í þessari mynd gersamlega á kostum. Þessi mynd er bæði fyndin og sorgleg (sorgleg í endan) maður hló alveg heilan helling og allavegana ég var næstum því farinn að tárast í endan (næstum því). Ég mæli með þessari mynd fyrir alla sem hafa gaman af því að hlægja og skemmta sér

Adam Sandler getur eiginlega ekki stígið feilspor í dag í gerð gamanmynda.Hann klikkar ekki núna mæli eindregið með þessari mynd.Góðir leikarar og fínt handrit gera góða skemmtun svona í rigningu sem er búin að vera!!!