50 First Dates (2004)

Þetta er nú engin sérstök mynd,ég hreinlega rakst bara á hana þegar bróðir minn var að horfa á hana svo ég bara settist niður og horfði með honum.Myndin vakti engan áhuga hjá mér og hefur Adam Sandler aldrei verið í neinu uppáhaldi hjá mér heldur.Mér fannst fáránlegt að hann reyndi að ganga í augun á henni á hverjum degi þó að hann vissi að hún myndi ekki muna eftir því næsta dag.en hins vegar er góður húmor í myndinni.

Þetta er ekki flókið, Drew Barrymore og Adam Sandler eru bara par hvíta tjaldsins, þau leika þetta af einskærri snilld, Það eina sem ég hef virkilega yfir að kvarta er að ég fór og verslaði mér tónlistina úr þessari mynd og það fylgdi ekki með síðasta lagið, somewhere over the rainbow sem er hreint út sagt æðislegt í þessari útgáfu, vildi gjarnan fá að vita frá einhverjum hver flytur þetta lag

Ég vil byrja á að þakka gagnrýnendum fyrir að gefa þessari mynd lélega dóma. Ég hafði afskaplega litlar væntingar til hennar þessvegna og skemmti mér því konunglega yfir henni. Þó svo ég hafi horft á fyndnari myndir þá varð þessi mynd einhvernveginn álíka skemmtileg og þær sem eru fyndnari. Maður kemur kannski ekki skellihlæjandi af þessari en maður kemur samt með bros á vör. Það er ekki skafið af honum Adam Sandler, hann er virkilega góður! Myndirnar hans eru ávallt góðar. Þessi er þó með þeim betri sem hafa komið frá honum, allavega undanfarið. Hér er einhvernveginn meira spunnið í söguna en oft áður, í senn hjartnæm og fyndin. Fyndnin vegur líka þannig upp á móti hjartnæmninni að myndinni tekst að vera alls ekkert væmin. Drew Barrymore smellpassar líka í hlutverkið. Alltaf svo létt á sér, og brosið hennar smitar eiginlega alltaf áhorfandann í hennar myndum. Það má eiginlega líka segja að hún steli senunni af Sandler, hún er einfaldlega frábær. Mæli með þessari mynd. Það líður allavega engum illa eftir að hafa séð þessa, en ef svo er finnst mér viðkomandi virkilega furðulegur.

Tja, ekkert annað en góð kvikmynd, fyndin og skemmtileg og er bara eins og flestar rómantískar gamanmyndir. Drew Barrymore, Aadam Sandler og Rob Scheider leika aðalhlutverkin í myndinni. Adam Sandler fer með stórleik í þessari kvikmynd. ég gef því myndinni 3/4 í stjörnufjölda!

50 First Dates er með þeim fyndnustu myndum sem ég hef séð, reyndar er hún svolítið einhæf, en myndin fjallar um Henry Roth(Adam Sandler)sem vinnur sem dýralæknir. Hann hittir konu sem missir minnið eftir einn dag, svo næsta dag gerir hún það sama. Henry veit það ekki fyrir en það er sagt honum það, þá lætur hann hana falla fyrir sér hvern einasta dag. Þetta er sprenghlægileg mynd með fullt af góðum leikurum. Ekki missa af þessari!

Þessi mynd kom mér á óvart hvað hún er góð, hún er fyndin og rómantísk og Adam sandler og Drew Barrymore standa sig með prýði. Þetta er örugglega besta mynd Adam Sandlers.Rob Schneider og Sean Astin standa sig mjög vel og gefa myndinni mikið. Að lokum vil ég segja að ég mæli með henni fyrir alla jafnvel þótt þeir hati Sandler því þetta er ein besta gamanmynd ársins.

50 first dates kom mér bara skemmtilega á óvart þar sem mér finnst Adam Sandler yfirleitt ekki neitt skemmtilegur. Húmorinn hans hæfir ekki mínum smekk og er þessi mynd engin undantekning þó að hún sé óneitanlega í skárri kantinum. Drew Barrymore finnst mér hinsvegar alltaf mjög góð og óhætt er að segja að hún hífi myndinni rétt fyrir ofan meðallag. Sandler leikur hér(ef ég á að fara aðeins út í söguþráðinn)kvensaman náunga sem verður ástfanginn af ungri konu(Drew)sem á við þann kvilla að stríða að hún man ekki nokkurn skapaðan hlut lengur en í einn sólarhring. Kvensami náunginn sem vel á minnst heitir Henry lætur það ekki á sig fá og reynir að gera gott úr hlutunum. Þetta er svona týpísk Adam Sandler mynd í sjálfu sér spaug og örlítil rómantík en eins og áður sagði þá er 50 first dates með skárri myndum sem hann hefur tekið þátt í. Frá mér tvær og hálf stjarna.

Það er víst orðið eitthvað æði hjá framleiðendum að gera kvikmyndir um einstaklinga sem missa minnið. Adam Sandler hefur gert fína hluti í rómantískum gamanmyndum. The Wedding Singer var að mínu mati besta gamanyndin hans og Punch-Drunk Love var einnig virkilega góð, en þá á allt öðruvísi stigi. 50 First Dates er hins vegar nýjasta meðalgóða myndin frá honum. Þetta er svona mynd sem gerir góðan trailer en slappa heildarmynd. Söguþráðurinn er ekkert sérstaklega formúlubundinn, sem er gott! og lofaði hann einnig nokkuð góðu í fyrri helming. Myndin fór af stað sem hálfgerð blanda af Memento og Groundhog Day, nema ólíkt þeim myndum varð þessi orðin mjög þreytt í síðari hlutanum. Sandler og Drew Barrymore eru fín, þó þau ná ekki eins vel saman hérna og þau gerðu í Wedding Singer. Húmorinn er líka misjafn. Ég verð náttúrlega að hrósa Rob Schneider, sem hefur tekist að vera fyndinn í fyrsta sinn í mörg ár (ég átti mjög erfitt með að fyrirgefa honum eftir The Hot Chick viðbjóðinn), og Sean Astin (Sam í LOTR) stelur einnig senunni í hlutverki sínu. Burtséð frá þeim er ekkert eftir annað en ódýr húmor og langsótt ástarsaga sem nær aldrei góðu rómantísku flæði. Hvernig er annars hægt að þróa rómantíkina ef önnur persónan man aldrei neitt sem skeði milli þeirra daginn áður? En burtséð frá hressilegum uppákomum frá Schneider og Astin, prýðilegum leik hjá hinum tveimur skilur myndin ekki mikið eftir sig. Það má orða það þannig að hún hverfi fljótt úr minninu.5/10