Bubba Ho-tep
GamanmyndDramaHrollvekjaÆvintýramyndRáðgáta

Bubba Ho-tep 2002

(Bubbahotep)

You don't fuck with the king.

7.0 43791 atkv.Rotten tomatoes einkunn 78% Critics 7/10
92 MÍN

Myndin er byggð á Bram Stoker Award verðlaunasmásögu eftir költ höfundinn Joe R. Lansdale, og segir hina "sönnu" sögu af því hvað í raun og veru varð um Elvis Presley. Sagan hefst þegar Elvis er orðinn roskinn íbúi á elliheimili í austur Texas, en hann skipti um persónuleika við Elvis Presley eftirhermu nokkrum árum áður en hann "dó", en tókst svo ekki... Lesa meira

Myndin er byggð á Bram Stoker Award verðlaunasmásögu eftir költ höfundinn Joe R. Lansdale, og segir hina "sönnu" sögu af því hvað í raun og veru varð um Elvis Presley. Sagan hefst þegar Elvis er orðinn roskinn íbúi á elliheimili í austur Texas, en hann skipti um persónuleika við Elvis Presley eftirhermu nokkrum árum áður en hann "dó", en tókst svo ekki að skipta aftur til baka. Elvis slæst í lið með öðrum íbúa á elliheimilinu sem telur að hann sé John F. Kennedy, og þessir tveir gömlu skröggar berjast við illan egypskan aðila sem valdi elliheimilið sem veiðilendur fyrir sig.... minna

Aðalleikarar

Ella Joyce

The Nurse

Bob Ivy

Bubba Ho-tep

Edith Jefferson

Elderly Woman

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)

Óvenjulega góð
Það er alls ekki hægt að segja með Bubba Ho-Tep að hana skortir frumleika. Hinn nett klikkaði söguþráður þessarar myndar er einhvern veginn svona: Elvis Presley (Bruce Campbell) liggur á elliheimili. Nú samkvæmt þessari sögu hafði hann fengið nóg af sinni frægð á gömlu dögunum og skipt um 'líf' við einhverja Elvis-eftirhermu (sem var sá sem dó). Á elliheimilinu kynnist hann hinum eina sanna JFK (Ossie Davis), sem er einnig enn á lífi, og já, er orðinn svartur! Eins og það hljómi ekki nógu furðulega þá fléttist inn í þetta gömul múmíugoðsögn sem ræðst inn á elliheimilið á næturnar og stelur sálum. Að lokum sameinast gömlu brýnin og ætla sér að stöðva þennan fjanda. Frumlegt, ekki satt? Og viti menn, þetta gengur einhverra hluta vegna afskaplega vel upp í brjálæði sínu.

Bubba Ho-Tep er náttúrlega algjör B-mynd, og er gerð fyrir fimmaura. Aðstandendur höfðu ekki einu sinni efni á því að nota alvöru Elvis-lög! Það er engu að síður öruggt að hér sé ekta cult mynd á ferðinni. Bruce Campbell (konungur B-myndanna) er náttúrlega alltaf góður, en hann er allt að frábær hér. Ef ég vissi ekki betur þá er hann einhver albesta Elvis-eftirherma sem ég hef séð, og því trompar hann hlutverkið gjörsamlega. Ossie Davis virðist jafnvel hafa lúmskt gaman af hlutverki sínu.

Leikstjórinn og handritshöfundurinn Don Coscarelli er augljóslega óhræddur við að prufa nýja hluti og fara nýjar leiðir. Myndin virkar samt miklu betur sem grínmynd heldur en B-hrollvekja. Ef viðkomandi þykir eitthvað af þessu ofantöldu hljóma vel þá er þessi mynd algjör möst. Bubba Ho-Tep er fersk, fyndin og bara meiriháttar í því hversu ódýr og hallærisleg hún er. Get ekki annað en gefið henni sérstakt hrós. Lengi lifi Bruce! Thank you very much...7/10

Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn