Around the World in 80 Days
Bönnuð innan 10 ára
SpennumyndGamanmyndRómantískVestriÆvintýramyndFjölskyldumynd

Around the World in 80 Days 2004

Frumsýnd: 2. júlí 2004

Let your imagination soar.

5.9 79,343 atkv.Rotten tomatoes einkunn 32% Critics 6/10
120 MÍN

Myndin gerist árið 1872 og fjallar um Passepartout, kínverskan þjóf sem stelur verðmætri búddastyttu og finnur sér stað til að fela sig á hjá hinum sérvitra Lundúnabúa, ævintýramanni og uppfinningamanni Phileas Fogg, sem er búinn að veðja við félaga sína í heiðursmannaklúbbnum um að hann geti farið í kringum Jörðina á aðeins 80 dögum, með því... Lesa meira

Myndin gerist árið 1872 og fjallar um Passepartout, kínverskan þjóf sem stelur verðmætri búddastyttu og finnur sér stað til að fela sig á hjá hinum sérvitra Lundúnabúa, ævintýramanni og uppfinningamanni Phileas Fogg, sem er búinn að veðja við félaga sína í heiðursmannaklúbbnum um að hann geti farið í kringum Jörðina á aðeins 80 dögum, með því að nota blöndu af fararskjótum, svo sem báta, lestar, loftbelgi, fíla, osfrv. Í ferðinni notar Passepartout ótrúlega hæfni sína í bardagalistum til að bjarga Fogg úr margskonar vanda. Þeim stafar síðan sérstök ógn af rannsóknarlögreglumanni sem er að elta þá, en afhverju? Þegar Fogg og Passeportout fóru frá London, þá var framið rán í stórum banka, og er Fogg grunaður um að nota ferð sína í kringum hnöttinn sem afsökun fyrir því að sleppa frá réttvísinni ... á leið sinni fara þeir í gegnum París, Tyrkland, Indland, Kína og Bandaríkin m.a. ... minna

Aðalleikarar

Jackie Chan

Passepartout / Lau Xing

Steve Coogan

Phileas Fogg

Robert Fyfe

Jean Michel

Jim Broadbent

Lord Kelvin

Ian McNeice

Colonel Kitchener

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (4)


Alveg í lagi mynd byggð á samnefndri skáldsögu eftir Jules Verne. Hér hefur talsverðu verið breytt og þá aðallega til að gera þetta að gamanmynd sem þessi mynd er. Eins og fyrri daginn tryggir Jackie Chan(sem leikur aðstoðarmanninn hans Fogg's) flottan hasar en hann bara er alveg glataður leikari. Þegar hann er ekki að gera Kung fu æfingar(eða eitthvað) þá er hann svo leiðinlegur að helmingurinn af því hálfa væri meira en nóg. Steve Coogan er ekki rétti leikarinn í þetta hlutverk því hann gerir Fogg að einhverjum óþolandi hálfvita og nær ekki að sannfæra mann. Nokkrir frægir leikarar eiga þarna cameo og þar á meðal John Cleese, Neggerinn og Wilson bræðurnir Luke og Owen(sem reyndar leika bræður, nefninlega Wright bræðurna) og þetta finnst mér gefa myndinni ágætan lit. Ég hafði pínulítið gaman af þessari mynd Around the world in 80 days út af þessari fjörugu atburðarrás sem tryggir að manni leiðist ekki en samt vil ég kalla myndina vonbrigði því ég hefði viljað sjá aðeins alvarlegri kvikmyndaða útfærslu á þessari sögu. Tvær stjörnur. Sæmileg mynd sem má sjá einu sinni.
Fannst þér gagnrýnin hjálpleg? Nei

Barnaleg ´endurgerð´ af Around the World in 80 Days gömlu en alls ekkert lík henni á neinn hátt. Myndin er 100% týpísk Disney-mynd. Ekkert kemur á óvart, allar persónur fáranlegar og húmorinn lélegur. Fyrir gamanmynd var fátt gaman, sumt var skondið, fátt var fyndið og mest var ömurlegt. Arnold Schwarzenegger kemur í smá hlutverk sem Prins Hapi i Tyrklandi og er nokkuð skondinn þó ekkert voða fyndinn. Jackie Chan hefur nokkrar hasar-stundir en fáar skemmtilegar. Myndin er bara barnaleg og einföld. Alls ekki sjá hana í bíói.
Fannst þér gagnrýnin hjálpleg? Nei

Þessi mynd kom hrikalega sterk inn. Var búinn að sjá trailerinn og bjóst alveg við að það væri það eina fyndna í myndinni sem sást þar. En nei, í staðinn varð þetta alveg þveröfugt. Og var alveg hin fínasta skemmtun mest allan tímann. Myndin er leikstýrð af sama gæjanum og leikstýrði The Waterboy og The Wedding Singer, Frank Coraci! Þó nokkrar stórar Hollywood stjörnur fara með lítil aukahlutverk í myndinni, þær leika alveg skelfilega fyndna karaktera. Ekki þessi týpíska Jackie Chan mynd, þó svo að það sé alveg góður skammtur af flottum stuntum og slagsmála atriðum.
Fannst þér gagnrýnin hjálpleg? Nei
Fín fjölskyldumynd
Þessi mynd skilur ekki mikið eftir sig, en hún tryggir ágætis afþreyingu meðan á stendur; Skemmtanagildið heldur þéttu jafnvægi, slagsmálaatriðin (a la Jackie) eru sæmileg, sagan fín, leikararnir ekki sem verstir og svo má ekki síður gleyma óvæntu gestahlutverkunum sem gefa myndinni jafnvel stóran plús og ættu í sjálfu sér að vera miðans virði. Ég vildi þó að aðstandendur hefðu ekki auglýst mörg þeirra eins mikið og gert var. Spillir mikið fyrir gríninu, en þannig er víst markaðurinn.

Around the World in 80 Days er engu að síður ákaflega fyndin þegar hún reynir ekki of mikið á sig (senan með Wright-bræðrunum var meiriháttar), og reyndar má hún eiga það að vera nokkuð vel gerð útlitslega (ekki skrítið, enda var engu tilsparað og fóru yfir 100 milljónir dollara í hana). Jackie Chan og Steve Coogan eru báðir góðir en þeir mynda einhvern veginn ekki eins skemmtilegt tvíeyki saman og Jackie hafði t.d. í Rush Hour eða Shanghai-myndunum, og það dregur myndina niður.

Handrit myndarinnar - sem byggt er á hinni frægu sögu Jules Verne - býður upp á margt litríkt og skondið, þótt það sé ekki beint í hæsta gæðaflokki. Hverjum datt annars í hug að endurgera þessa klassísku sögu sem Hollywood markaðsvara fyrir Jackie Chan??. Eins og áður sagði þá er skemmtanagildið í fína lagi, og það er reyndar allt sem skiptir hér. Myndin kemur á margan hátt á óvart, og jafnvel ættu hörðustu Jackie Chan aðdáendur heldur ekki að verða fyrir vonbrigðum.

6/10

Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn