Star Wars: Return of the Jedi (1983)

Return of the Jedi er lokakaflinn í þessarri stórkostlegu seríu. Hérna er á leiðinni næstbesta Star Wars myndinn á eftir Star Wars:A New Hope. Í Þessari stórkostlegu mynd Hefur Veldinu tekist að endurreisa herstöðvar sínar. Han Solo (Harrison Ford) er enn frosinn í kolefnisfrystingu frá því að hinn illi Svarthöfði (David Prowse) lét frysta fyrir hinn ógeðsfellda Jabba the Hut. lando Calrissian (Billy Dee Williams), Leia Organa (Carri Fisher) og vákurinn Chewbaca (Peter Mayhew) hafa ellt mannræningjan Boba fett til plánetunar Tatooine til að frelsa Solo úr klóm illmennisins.

Luke Skywalker (Mark hamill) Kemst að því að Hann er sonur svarthöfða og neyðist hann til þess að berjast við hann því Palpatine keisari (Ian Mcdiramid)vill taka Luke að sér sem lærissvein. En uppreisnarmennirnir sem berjast gegn veldinu hafa komið sér fyrir á plánetunni Endor sem er næst Höfuðstöðvum veldisins og þar búa ewoks. Þessi mynd fær Fjórar stjörnur því allt er fullkomið. Hún lokar þríleknum á frábæran hátt.

Return og the Jedi er þriðja Stjörnustríðsmyndin. Hún byrjar snilldarvel á atriði þar sem Han Solo eru bjargað úr hrömmum glæpabarónsins Jabba the Hut. Eftir björgunina fer Luke og lýkur sinni þjálfun til þess að berjast að lokum gegn Darth Vader og keisaranum. Samskipti Luke við Darth Vader og keisaranna eru það besta sem myndin hefur upp á að bjóða. Á sama tíma fer Lando Calrissian fyrir miklu liði sem á að ráðast á nýja Dauðastjörnu, sem ekki hefur verið kláruð, en virkar samt. Han Solo, Leia og félagar fara hins vegar á plánetuna Endor til að taka varnarskjöld Dauðastjörnunnar úr sambandi svo að hægt verði að ráðast gegn henni. Sögurnar um Luke og Lando eru mjög vel útfærðar, og svo eru snilldarpunktar í sögunni um Han Solo og Leiu. Hins vegar finnst mér síðastnefndi þátturinn ekki jafn magnaður og hinir tveir, en sagan er þar frekar þunn og frásögnin frekar hæg. Það hefði verið hægt að klippa heilmikið úr þeim þætti sögunnar. Til dæmis standa Han Solo og Leia kyrr í inngangi neðjanjarðarbirgis í mjög langan tíma og verjast aðeins með því að skjóta á þá sem skjóta á þau. Þetta atriði var einfaldlega alltof langt. Tónlistin og hljóðblöndunin eru ennþá snilld og greinilegt hvers vegna ekki voru gerðar fleiri myndir með þessum leikurum og persónum. Samt stórgóð skemmtun með snilldartöktum.

Star Wars: Return of the Jedi er lang besta Star wars myndin hingað til. Frábærar tæknibrellur og Mark Hamill er með óskarsverðlauna leik. Söguþráðurinn er góður og er George Lucas að gera frábæra hluti en hann var handritshöfundurin af þessari mynd en Richard Marquand var leikstjórinn en hann er greinilega frábær leikstjóri. Þetta er einn af bestu myndum kvikmyndarsögunar og er Star Wars serían ein besta kvikmynda sería sögunar. Frábær mynd sem allir verða að sjá.

Return of the Jedi, lokakaflinn í epísku trílógíunni um fall keisaraveldisins og endurkomu lýðveldis í geimnum. George Lucas heldur því einnig fram að kvikmyndirnar verða einungis 6 svo að þetta er líka seinasti hlutinn af Star Wars kvikmyndinda safninu.


Fyrri hluti myndarinnar gerist aðallega hjá Jabba the Hutt. Jabba hafði verið skotið inn í “Special Edition” útgáfunni af A New Hope en fyrir utan það stutta atriði er þetta í fyrsta skipti sem hann er sýndur í eigin persónu. Jabba er án ef ein minnistæðasta persónan í Star Wars kvikmyndunum, með hjalandi rödd, útlit einsog risastór snigill og risastór gul-brún augu.


Hún byrjar einhverjum mánuðum eftir The Empire Strikes Back. Luke (Mark Hamill), Leia (Carrie Fisher), Lando (Billy Dee Williams), Chewbacca (Peter Mayhew), og vélmennin tvö C-3PO (Anthony Daniels) og R2-D2 (Kenny Baker) eru í björgunarleiðangri á heimaplánetu Lukes, Tatooine. Markmiðið er að bjarga Han Solo frá hrömmum Jabba the Hutt.


Mörg bestu atriðin í myndinni gerast líka í hellinum hans Jabba. Hið stórkostlega dans og söng atriði með hljómsveitinni ‘Max Rebo’. Þá sérstaklega í SE útgáfunni, þegar atriðið hefur verið lengt og söngkonan Sy Snootles fær hjálp frá söngvaranum Joh Yowza. En það er annað atriði sem gerist í hellinum sem er reyndar mjög skemtilegt atriði en það er líka eina atriðið sem ég þarf að kvarta yfir. Jabba hefur sent Luke Skywalker niður í dýflissuna sína, þar bíður eftir honum risastórt rancor skrímsli. Þeir berjast en Luke fellur veruna. Þá kemur Malakili, maðurinn sem sá um rancor skrímslið, grátandi. Atriðið gæti ekki verið minnistæðara en það sem ég hef að kvarta yfir, og margir hafa án efa tekið eftir því að meira segja í SE útgáfunni er atriðið frekar illa gert. Þykkar svartar línur eru í kringum skrímslið og það er augljós litamunur þegar Luke og það sjást í sama ramma.


Meirihlutinn af seinni helming myndarinnar gerist á skógarvöxnu tunglinu, Endor, þar er rafallinn sem hlífir hinni nýju ófullgerðu dauðastjörnu(Death Star). Á Endor búa Ewokarnir, þeir eru litlir bangsar sem hjálpa uppreisnarseggjunum að eyða rafallnum. Han Solo, Leia, C-RPO og R2-D2 fóru þangað en Luke ákvað að gefa sig á hendur keisarans því hann taldi veru sína stofna sendiförinni í hættu.


Myndin hefur verið gagnrýnd af mörgum fyrir að vera of björt og ‘krúttleg’, þá sérstaklega miðað við Empire Strikes Back sem var mjög dökk. Return of the Jedi er líka mjög björt og ewok bangsarnir eru akurat sniðnir sem vel heppnuð söluvara fyrir börn en á móti allri birtunni er mikið myrkur sem er í atriðunum með keisaranum Palpatine og Darth Vader. Luke fór til þeirra því að Yoda hafði sagt honum að hann yrði að mæta þeim. Þeir reyna að fá Luke til að ganga í lið með sér en það endar einsog flestir vita með afhjúpun hins sanna andlits Darth Vaders, með því varð Vader fyrsta persónan í kvikmyndasögunni sem er leikinn af þremur leikurum í sömu kvikmynd, líkaminn leikinn af David Prowse, röddin af James Earl Jones og svo andlitið sem er Sebastian Shaw.


Leikurinn er betri hjá mörgum í Return of the Jedi heldur en í A New Hope og Empire Strikes Back. Sérstaklega hjá Mark Hamill, hann hefur þroskast mikið sem leikari og er ekki alveg eins yfirdrifinn einsog hann gat verið í fyrri myndunum. Billy Dee Williams stendur svolítið upp úr, einnig er Ian McDiarmid mjög góður sem keisarinn Palpatine. Harrison Ford og Carrie Fisher standa fyrir sína og auðvitað er James Earl Jones alltaf góður sem röddin á Vader.


Að mínu mati er Return of the Jedi frábær kvikmynd, þó hún sé síst af upprunalega þríleiknum. Hún hefur sína galla en meira af hinu góða, frábærar tækni- og sjónbrellur, flott bardaga atriði og auðvitað magnaða tónlist eftir John Williams.




sbs : 29/05/2002

Besta Star Wars myndin!!!!

Ég verð að segja það að sjaldan hef ég séð jafn mikla snilld og Return of the Jedi. Luke Skywalker það horfast í augu við örlög hans og mæta föður sínum til að klára þjálfun sína til að vera Jedi. Tæknibrellurnar eru betri en þú sérð í myndum nú til dags enda er George Lucas þekktur fyrir tæknibrellubyltingum. Öll atriðin eru flott tekin, sérstaklega enda geimbardaginn.

Ég verð að segja að þessi mynd sé algjör snilld. Ég hef horft á hana MJÖG (kannski of) oft og hún er alltaf jafn geðveik. Eftir að ég sá A new hope í fyrsta skipti varð ég Star Wars fíkill og vona að ég læknist aldrei af þeirri fíkn. Það eina sem mér finnst pirrandi er þessi frábæra þýðing á nafni Luke Skywalker: Logi Geimgengill!!!! Hverjum datt þetta eiginlega í hug?????

Segja má, að þriðja stjörnustríðsmyndin hafi verið nauðsynleg, þar sem sögunni var enn ólokið. Hún verður engu að síður að teljast mun síðri en fyrirrennararnir vegna oft á tíðum bjánalegs prúðuleikarabrags hennar og helst til þunns og langdregins söguþráðar. Óvíst er hvort nokkur börn endis yfir henni til lengdar án fjarstýringar með hraðspólun nema allra hörðustu aðdáendur fyrstu tveggja stjörnustríðsmyndanna. Sjálfsagt hefðu skærin getað bætt myndina eitthvað en handritið er þó megin vandamál hennar. Ég myndi aldrei nenna að horfa á þessa mynd aftur.